Ugubulo 21:1 - Dilagano Disha ku Wanhu wose

¹ Kamei hanyona ulanga musha na chilunga chisha; kosoko ulanga we ngonga na chilunga che inghonga hachileuka na hakuwa chaka bahali.

Ugubulo 21:1 Iomraidhean Croise

Waloma 8:21

Kosoko fyumbe ifyecho nafyo fyolekeleligwa kulawa muutumwa wo kudoda, uleke fipate indekelelwa ye ditunyo dya wana we Mulungu.

2 Petulo 3:10

Ninga dijuwa dye Mundewa dikwija fina muhiji, kamei ulanga woloka kwa sindo nghulu na finhu fyose folakasigwa kwa moto, na iisi na fyose fimemile umo fokwagilila.

2 Petulo 3:13

Ninga, kosoko ya dihuwiso dyakwe chikugojela ulanga musha na chilunga chisha, hanhu hokwikala wanhu wene nhenda swanu.

Ugubulo 13:1

Kamei hanyona ikala dyenuke kulawa mubahali dine mahembe ikumi na matwi mufungate, chila ihembe dina kofiya ya chindewa na isina dya kutofula muchanhya yakwe.

Ugubulo 20:11

Hanyona igoda dye chindewa ijelu na yuya yekale umo, ichilunga na ulanga hofitija na hafyoneke kahi hohose haya.

Ugubulo 21:5

Na yuya yekale mwigoda dyo undewa hoyogamba, “Langa nikugolosa finhu fyose fisha.” Kahi hoyogamba, “Wandika ino simbuli sino sakuhuwilika kahi sa chawelu.”

Ugubulo 6:14

Ulanga haukikunja kifana kalatasi, na chila itunda na chisiwa hafileusigwa ahanhu hawo.