Ugubulo 2:24 - Dilagano Disha ku Wanhu wose

²⁴ Ninga kwa nyenye musigale ako Siwatila, anyeye musikolile amafuso gago, musikifusile wamonga gowakugamba, “Nni mafuso ga kugati lugano ga Shetani,” ukwenu nyeye nikugamba sikumwikilani musigo wingi.

Ugubulo 2:24 Iomraidhean Croise

Sinhenda 15:28

Muhe Musunhile naseye chikifumilisa chinghamutwikeni musigo kusuma agano gawagile mugamanye.

Sinhenda 16:14

Mugati ya waya wachitegelesage hokowa baho mwanamuke yumonga yakumogoha Mulungu yakwinangwa Ludia, mukaya wa Tiatila yendeyogolosa uchulusi wa suke sa bafuta sa langi ya ndunghundunghu. Mulungu hoyougubula umoyo wakwe hoyogahokela agaya Paulo goyalongange.

1 Wakolinto 2:10

Imulungu kachigubulila seye kwe Muhe. Kosoko iMuhe yakusakula chila chinhu hata amafumbo ge Mulungu.

2 Wakolinto 11:3

Ninga nikogoha fina dijoka fodimudanhilise Hawa kwa usugu wakwe, amadoga genu gobanigwa na kutowangisigwa na kuleka kuhuwilika kwenu kwa chawelu kwa Kilisito.

2 Wakolinto 2:11

chinghamwinghe iShetani luneka lwa kuchidanhilisa, kosoko chimanya fiswanu ukochelesi wakwe. Gamahweso ga Pauli akuya Tulowa

Yakobo 3:15

Ubala wo si uya uwukudulika kulawa kuchanhya, ninga we chilunga, we sinhenda se chimunhu, na Luhoma.

Ugubulo 1:11

dikugamba, “Andika muchitabu goukona kamei ugegale kumakanisa mufungate kuile Efeso, Similina, Peligamu, Tilatila, Salidi, Filedefiya, na Laodikiya.”

Ugubulo 12:9

Idijoka diya dikulu haditagigwa hasi, dijoka dya katali, dikwinagwa Luhoma na Shetani, imudasi we chilunga chose, hoyotagwa hasi kuchilunga, na malaika sakwe hamwedu naye.

Ugubulo 13:14

Na majumo gaya godyagolosage kumwande ye dikala, dikudanhilisa awekwikala muchilunga, diwalonga wagolosa sisanamu sa diya dikala dyowile na dilonda dyo kukoma dyabulagigwe ne dipanga ninga dikali dyumi,

Ugubulo 2:13

Nimanya houkwikala hedigoda dya Shetani. Nagwe kukolelela disina dyangu nghukanile dihuwi dyako ukwangu hata ugele wa Antipasi muhomelesi wangu, imuhuwilika wangu, yakomigwe mugati yenu, ahanhu hoyakwikala Shetani.

Ugubulo 2:18

“Ku malaika we dikanisa dyuwile ako Siwatila wandika: Asino no simbuli se Mwana we Mulungu, iyena meso kifana ililimba dya moto, yena migulu kifana shaba isunhigwe, ikwakaika.

Ugubulo 2:9

Nimanya amagayo gako na ukiwa wako, ninga kwa mugoli. Na nimanya amateto gawo waya wakigamba wene Wayahudi ninga siyo, ninga ni isinagogi dya Shetani.