Ugubulo 19:10 - Dilagano Disha ku Wanhu wose

¹⁰ Kamei hanugwa hamigulu kumufuga, ninga hakanigamba, “Unghagolose nheifo aniye namutogomi miyago hamwedu nagwe, na wanduguso wose awena uhomelesi wa Yesu mufuge iMulungu! Kosoko uhomelesi wa Yesu ni muhe wa ugonesi.”

Ugubulo 19:10 Iomraidhean Croise

Matayo 4:10

Kamei Yesu hoyomugamba, “Halawe, Shetani!” Kosoko itulumigwa, “Umufugamile Mundewa Mulungu wako, umufugamile imwene muhala!”

Maluko 5:22

Hakeja munhu yumonga mu wakulu wa disinagogi, disina dyakwe Yayilo; yakamone, yamufugamila.

Maluko 7:25

Ninga, chimwande, mwanamuke, imwene imwanagwe we chike hakowa na igini dihile, yahulika simbuli sakwe, yeja na kumugwila hamigulu yakwe.

Luka 1:19

Na Malaika kamugamba, “Aniye na Gabilieli, nikwima ahanhu he Mulungu, nhumigwa kulonga na gweye na kukwigalila mbuli swanu fina ino.

Luka 24:44

Kahi hakawagamba, “Asi no simbuli sonalongile na nyeye, fonowile nikali na nyeye, fina chila chinhu chitulumigwe muchanhya yangu mutolati ya Musa na wagonesi na Musabuli ikuhanangigwa chimemelekele.”

Yohana 5:39

Mukugahena hena matulumo kosoko mukudoga fina mugati yakwe mwina uwumi wa majuwa gose, nogo agene ga kuhomelela;

Sinhenda 10:43

Wagonesi wose hawalonga simbuli sakwe fina chila munhu yakumuhuwila yakuleusiligwa uwihi wakwe kudisina dyakwe.

Sinhenda 13:27

Kosoko awakaya wa Yelusalemu hamwedu na wakulu wawo wasamumanyile imwene kuwa Muhonya, kahiwasatangile simbuli sa wasungula sikusomigwa chila Sabato. Hata neifo hawagolosa simbuli sa wasungula simemeligwe kwa Yesu yakomigwe.

2 Wakolinto 8:7

Mwina ugoli wa chila chinhu, mu dihuwi, udaha wo kulinga, umanyi, inghonya yose yakugolosa amaswanu, na uwendo wenu ukwetu kosoko mudihewa adi mudahe kupulutisa nheifiya.

Waefeso 5:15

Kilangisiseni fomukugenda siyo kifana wanhu wabwalasi ninga wabala

Waefeso 5:33

Ninga chila munhu yamwende imuke fina foyakiyenda imwecho na imufele yanghaleke kumogoha imulume.

Wafilipi 3:3

Kosoko aseye chawalami we chawelu, ichikumufuga Mulungu mu muye, ne ditunyo dya Kilisito Yesu, na wanhu wesikihuwisila simbuli se chimutufi.

1 Wasesalonike 5:15

Hanghowe mugati yenu na munhu yakumuliha miyagwe dihile kwa dihile, ninga majuwa gose konheni kigolosela maswanu munhu na miyagwe na wose.

Waebulaniya 1:14

Nhafo awo si mimuhe watumigwe kutogoma, kosoko ya wanhu awakwija wahokela uhonya?

Waebulaniya 12:25

Langisiseni munghamuleme iyekulonga. Kosoko inghowa wasakinegile ugele wowamulemile imwene iyawajamage muchilunga, lugano sichikudaha kwihuligwa aseye chinghakinega na imwene iyekuchijama kulawa kulanga.

1 Yohana 5:10

Ayuya iyakuhuwila mwi mwana wa Mulungu kenawo uhomelesi uno umwakwe. Ayuya inghakumuhuwila Mulungu, kamugolosa Mulungu fina Mudasi kosoko nghauhuwile uhomelesi we Mulungu muchanhya ye Mwanagwe.

1 Yohana 5:21

Wana wadodogi, munghandamile imilungu yo udasi.

Ugubulo 1:1

Ugubulo waYesu Kilisito wo yenghigwe ne Mulungu konesa watogomi wakwe akakuhanangigwe gowe uko chimwande; hakagagolosa goneka kwa kumutuma malaika wakwe kwe mutumigwa wakwe Yohana,

Ugubulo 1:9

Aniye Yohana, Mundugu senu iyekuhangila magayo muKilisito hamwedu nanye muundewa na ufinyilisi, hanuwa muchisiwa chikwinangwa Patimo kosoko ya imbuli ye Mulungu na uhomelesi wa Yesu.

Ugubulo 12:11

Ninga howomusuma kwa sakame ye Mwanangholo na kwa mbuli ya uhomelesi wawo, kosoko hawendile nyikala yawo mpaka kufa.

Ugubulo 12:17

Dijoka hadisuha ne mwanamuke yuya hadiluta na kulewa nghondo ne wanagwe kuwaya awakukola amalagiso ge Mulungu na kuhomelela muchanhya ya Yesu.

Ugubulo 14:7

Yakulonga kwa ijwi ikulu lugano kugamba, “Mogoheni Mulungu kahi mwingheni itunyo, kosoko ugele we uliganiso wakwe wija; kahi mufugeni imwene yombile isi ne ulanga, bahali ne nhyoko sa meji.”

Ugubulo 15:4

Mundewa, nonani inghakwenda yogohe na kuditunya disina dyako? Kosoko agweye muhala no musunhile. Mataifa gose gokwija na kufuga hamwande yako, kosoko uliganiso wako ugubuligwa.”

Ugubulo 19:9

Kamei imalaika hoyonigamba, “Wandika dino: Wamoteswe no waya awegonekwe kuchakudiya che halusi cha Mwana ngholo.” Hakanigamba, “Asino ni mbuli sa chawelu se Mulungu.”

Ugubulo 4:10

awaya wasehe makumi meli na wane wakugwa kumwande yakwe ayuya yekale mwigoda na kumufuga ayuya iyakwikala majuwa gose, aku wakutaga singhofiya sawo kumwande ye digoda dyo undewa na kwimba,