Ugubulo 17:3 - Dilagano Disha ku Wanhu wose

³ Kamei hakanilonda kwa muhe, mpaka kunyika, na uko honikona mwanamuke gowa hamwedu ne ikewe dimonga idunghu dimemile masina go kutofula, dikala diya haduwa na matwi mufungate, na mhembe ikumi.

Ugubulo 17:3 Iomraidhean Croise

Matayo 27:28

Hawamuhambula si suke, howomufasa ikasu indunghu.

Sinhenda 8:39

Wakalawe mumeji Muhe we Mundewa hoyomutenda Filipo yaleuke bila koneka na yuya Muwesiyopiya nghamonile kahi; ninga hoyogendelela na nhambo yakwe yamemile chinyemi lugano.

2 Wasesalonike 2:4

iyakulema na kiinula imwenyecho muchanhya mwa chila chikwinangwa mulungu ama ichikufugamiligwa, uleke yekale mwigoda dye dihekalu dye Mulungu, na kigamba imwene noMulungu imwecho.

Ugubulo 1:10

Hanuwa mumuhe mwijuwa dye Mundewa, na hanihulika ijwi ikulu kunyuma yangu dikifana ijwi dya igunda

Ugubulo 12:14

Ninga mwanamuke yuya hakenghigwa mabawa meli ge dinumba dikulu uleke yapululuke kulawa hedijoka mpaka kunyika ku a hanhu hoyekiligwe yekale na kwinghigwa chakudiya kwa minyaka midatu na minyesi mutandatu.

Ugubulo 12:3

Na chitangilo chingi hochikoneka kulanga, langa hakuwa na ijoka ikulu idunghu dina matwi mufungate na mahembe ikumi gena kofiya sa chindewa mufungate mwitwi dyakwe,

Ugubulo 12:6

Mwanamuke hakatijila kunyika kuwile na hanhu hekigwe ne Mulungu, nghakwinghigwa chakudiya kwa majuwa chigulu chimwedu na magana meli na makumi mutandatu.

Ugubulo 17:18

Imwanamuke wowumonile, ni dikaya diya dikulu dikulongosigwa na wandewa we chilunga.”

Ugubulo 17:4

Mwanamuke hakafala isuke dya usulunge na idunghudunghu, dihambigwe na fihambo fya sahabu na mawe ga maliho makulu, na lulu kamei mumukono wakwe kakola chikombe cha sahabu chimememile maligo na masinhu gehile na uwafu wose we dihabwa dyakwe,

Ugubulo 18:12

ikanda dye sahabu, fesa ne mawe ge maliho makulu, suke sa bafuta, samawi, halili na suke ndunghu, na chila fiswanu na finhu figolosigwe na simbali sa simhembe, finhu fya diyombe dikulu, fya mabiki, shaba, chuma, na masambalawe,

Ugubulo 18:16

“Usungu, usungu, ikaya iya inghulu, ifasigwe suke swanu, sowile ne udunghudunghu, ihambigwe ne sahabu, hamwedu ne masambaluwe gakwakaika!

Ugubulo 21:10

Na kwa chimuhe hoyonilonda na kunigala kwitunda itali, na kunyonesa ikaya isunhile Yelusalemu ikudulika kulawa kwe Mulungu,

Ugubulo 4:2

Chimwande hanuwa Mumuhe, kumbe kulanga kwikigwa igoda dye chindewa, na yumonga yekale umo.