Ugubulo 12:4 - Dilagano Disha ku Wanhu wose

⁴ umukila wakwe houkwelegeta kalibu sinyelesi sose sa kulanga na kusilagasa hasi, na dijoka diya hadima habehi ne mwanamuke yuya yowile habehi na kweleka uleke dichimese ichali.

Ugubulo 12:4 Iomraidhean Croise

Yohana 8:44

Anyeye ni we Baba yenu luhoma, na kwenda kwenu ni kugolosa fina foyakwenda imwene. Hakowa mukomaji kulwa kung'honga, kachaka chawelu, kosoko umwakwe mwachaka chawelu. Mayakudanha yakulonga fina foyowile imwene imwecho, kosoko imwene mudasi na Baba wa udasi.

1 Petulo 5:8

Gendeni fiswanu na kuwa meso kosoko imulhi wenu luhoma kakifana simba yakugendagenda kumukongha munhu yamumese.

Ugubulo 12:7

Hambiya, inghondo haikonga kulanga, Mikaeli na malaika wakwe, wakulewa ne dijoka, nadyo dijoka nadyo na malaika sakwe hodilewa nawo nghondo. Ninga dijoka na wayagwe howotoigwa lugano,

Ugubulo 12:9

Idijoka diya dikulu haditagigwa hasi, dijoka dya katali, dikwinagwa Luhoma na Shetani, imudasi we chilunga chose, hoyotagwa hasi kuchilunga, na malaika sakwe hamwedu naye.

Ugubulo 13:2

Na dikala diya dyonyonile dikifana duma, migulu yakwe kifana migulu ya idubu, na dilomo dyakwe dikifana ilomo dya simba, kamei idijoka hodidingha dikala diya udaha ana nghofiya yakwe ye chidewa na ludole mukulu.

Ugubulo 13:4

Hawadifugamila dijoka diya, kosoko hadingigwa udaha wakwe kulawa kwe dikala, howodifuga dikala wakugamba, “Nonani yafanile gweye go dikala kahi nani yakudaha kitowa na gweye?”

Ugubulo 16:13

Kamei hanyona mhepo ndatu sihile kifana mabula sikulawa kumulomo we dijoka ne kumulomo we dikala na kumulomo we mugonesi yuya wo udasi.

Ugubulo 17:18

Imwanamuke wowumonile, ni dikaya diya dikulu dikulongosigwa na wandewa we chilunga.”

Ugubulo 20:2

Hakadisuma diya dijoka dya katali idikwinangwa, yehile na Shetani, hakadifunga na kudiguma mwikolongo kwa minyaka figulu fidatu,

Ugubulo 8:10

Imalaika wa kadatu hakatowa naye digunda dyakwe, kamei, dinyelesi ikulu hadalagala kulawa kulanga dikwaka kifana imuli, hadilagala kalibu musisanda sose ne sinhyoko sa meji.

Ugubulo 8:11

Disina dye dinyelesi diya ni Sungwi. Ameji kalibu gose hogagaluka sungwi na wengi howokufa kosoko ya meji gago kosoko hagowa ga usungu lugano.

Ugubulo 8:12

Imalaika wa kane hakatowa naye digunda dyakwe, isehemu yose ye dijuwa haibanigwa ne mwesi wose ne sinyelesi, kamei fyose hofititihala, na imisi hoikuwa chilo.

Ugubulo 8:7

Imalaika we nghonga hoyotowa digunda dyakwe kame haitonya fula ya mawe na moto ihasile ne sakame, hoitonya muchilunga kamei isehemu inghulu ye chilunga hailakala, na ulwandi lwa mabiki gago hogatikitila, ne nyasi yose ikwani hoyilakala fibi.

Ugubulo 8:8

Imalaika wa keli hakatowa naye digunda dyakwe kamei hachilawanisa chinhu, kifana itunda ikulu dikwaka moto, hodikubitigwa kubahali.

Ugubulo 8:9

hayuwa sakame mubahali kalibu fiyumbe fyose ifyumi mubahali hofikufa na simeli sose hasibanika.

Ugubulo 9:10

Sina mikila kifana fisuswe, na ikuluma kahi ina uludole lwa kuwagaisa wanhu kwa minyesi mishano wowe mumikila yawo.

Ugubulo 9:19

Kosoko uludole lwe sifalasi luwa mumilomo yawo na mumikila yawo, imikila yawo ikifana majoka gena matwi na kwa matwi gawo gago gakubulaga.