Ugubulo 1:9 - Dilagano Disha ku Wanhu wose

⁹ Aniye Yohana, Mundugu senu iyekuhangila magayo muKilisito hamwedu nanye muundewa na ufinyilisi, hanuwa muchisiwa chikwinangwa Patimo kosoko ya imbuli ye Mulungu na uhomelesi wa Yesu.

Ugubulo 1:9 Iomraidhean Croise

Matayo 20:23

Hoyowagamba, “Chawelu mokunywila ichikombe changu; ninga kwikala umukono wangu wo kulume na mukono wangu wo kumoso, nechaka udaha wa kuwengha, ninga wakwinghigwa wekiligwe ne Babangu.”

Maluko 10:39

Hawamugamba, “Chikudaha.” Yesu hakawagamba, “Ichikombe chonikunywila niye mukuchunywila, na ubatiso wonikubatisigwa niye mobatiswa.

Yohana 16:33

Nilonga sino ukwenu, uleke umwangu muwe na digoya. Muchilunga mwina magayo; ninga musangalale aniye nichisuma ichilunga.”

Sinhenda 1:15

Mumajuwa gago, Petulo hoyokwima muchiligati ya awandugu (wose hamwedu hawafika wanhu igana dimwedu na makumi meli), hoyogamba,

Sinhenda 14:22

Howowakangasa wahuwile wa sikaya siso na kuwaguma moyo wowe wakangale mu dihuwi, Howowagamba, ichangila chose seye chigendele mu masambasiko mengi, uleke chingile mu undewa we Mulungu.

Waloma 8:17

na inghowa cha wana kahi cha wahasi, wahasi we Mulungu hamwedu na Kilisito, inghowa chikusambasika ni uleke chije chitunyigwe hamwedu na imwene.

Waloma 8:25

Ninga inghowa chikuhuwila ichinhu ichisikoneka, basi chikuchigojela kwa ufinyilisi.

2 Wakolinto 1:7

Dihuwi dyetu ukwenu disikusingisika; kosoko chimanya fina fomuhamwedu mumagayo, mokuwa kahi hamwedu mudihoso dyetu.

Wafilipi 1:7

Nhafo nofo nikwendigwa nimudogeni anyeye mose, kosoko muwa mumoyo wangu, kosoko chose chihangila imboto ino, iyokohigwa kwangu na umulimo wo kuimilisa na kuimilila imbuli ye Mulungu.

Wafilipi 4:14

Amba hamugolosa fiswamu, kwa kuwa hamwedu nani mumagayo gangu.

2 Wasesalonike 3:5

kahi Mundewa kowalongosa mimoyo yenu kuuwendo we Mulungu na muunyima ya Kilisito.

2 Timoseyo 1:8

Hambiha unghawonele chinyala uhomelesi we Mundewa wetu, kahi unghanyonele niye chinyala nimufungwa wakwe, ninga ufinyilie agehile hamwedu nani kosoko ye Injili muludole we Mulungu,

Waebulaniya 10:36

Kosoko mukuhanangigwa mufinyilise, uleke mugolose inyenda ye Mulungu na kuhokela chomulaganisigwe.

1 Petulo 5:1

Hambiya fina niye nani fonimusehe na muhomelesi wa magayo ga Kilisito, nheifiya kwa kuhangila ditunyo digubuligwe, nikuwatasa dedede wasehe woile ukwenu

Ugubulo 1:1

Ugubulo waYesu Kilisito wo yenghigwe ne Mulungu konesa watogomi wakwe akakuhanangigwe gowe uko chimwande; hakagagolosa goneka kwa kumutuma malaika wakwe kwe mutumigwa wakwe Yohana,

Ugubulo 1:2

imwene yahomelele imbuli ye Mulungu na kuuhomelesi wa Yesu Kilisito, na kwawaya wose woyonile.

Ugubulo 1:4

Yohana kumakanisa mufungate agowile ako Asia: Dihewa ukwenu ne digoya kulawa ukwakwe iyebaho, iyowile baho na iyekwija kahi kulawa kumimuhe mufungate wowile kumwande ye digoda dyakwe dye undewa,

Ugubulo 1:6

na kuchigolosa chuwe wandewa na makuhani watogomi we Mulungu wakwe na Baba, ukwakwe dyuwe itunyo na udaha majuwa gose. Hano.

Ugubulo 11:7

Fowakumala uhomelesi wawo, dikala dkwenda dije kulawa kwikolongo dya kusimu na kulewa nghondo na kuwasuma na hata kuwakoma,

Ugubulo 12:11

Ninga howomusuma kwa sakame ye Mwanangholo na kwa mbuli ya uhomelesi wawo, kosoko hawendile nyikala yawo mpaka kufa.

Ugubulo 12:17

Dijoka hadisuha ne mwanamuke yuya hadiluta na kulewa nghondo ne wanagwe kuwaya awakukola amalagiso ge Mulungu na kuhomelela muchanhya ya Yesu.

Ugubulo 13:10

Munhu wowose yanghalondigwa kuwa mutumwa yakuluta kuutumwa; unghakoma kwa ipanga nagwe kuwagila ukomigwe kwa ipanga. Alono no lwinango lwo kufinyilisa ne dihuwi dya wasunhile.

Ugubulo 14:12

Aluno ni lwinango lwa kufinyilisa, kosoko ya wasunhile awaya awakolile amalagiso ge Mulungu na dihuwi dya Yesu.

Ugubulo 19:10

Kamei hanugwa hamigulu kumufuga, ninga hakanigamba, “Unghagolose nheifo aniye namutogomi miyago hamwedu nagwe, na wanduguso wose awena uhomelesi wa Yesu mufuge iMulungu! Kosoko uhomelesi wa Yesu ni muhe wa ugonesi.”

Ugubulo 20:4

Kamei hanyona magoda ga undewa na wekale umo no waya aweli wenghigwe mulimo wo ulamusi, kahi haniwona waya wadumuligwe amatwi gawo kosoko yo uhomelesi wawo muchanhya ya Yesu na kuimbuli ye Mulungu, na awene wo wasadifugile dikala diya ne isanamu yakwe kahi wasagumigwe ichitangilo chakwe muchihanga chawo hegu mumikono yawo. Howokwinuka kulawa mudifa, na kutawala hamwedu na Kilisito minyaka chigulu chimwedu.

Ugubulo 3:10

Kosoko kuikola imbuli yangu kwa kufinyilisa, ani nani nikwenda nikukolelese ugele wa magayo agakwija muisi, kuwagesa awaya awekale muchilunga.

Ugubulo 6:9

Yakakumule, ichikanhamiso cha shano, honikona hasi ye hefugilo fidoga fyawo wanhu wakomigwe kosoko ye imbuli ye Mulungu na uhomelesi wawo wowalongile,

Ugubulo 7:14

Honimugamba, “Mukulu kumanya gweye.” Kamei hoyonigamba, “Awano nowaya walawile mumagayo makulu lugano, wafuwa singhasu sawo na kusigolosa suwe njelu musakame ye Mwana we ngholo.