Ugubulo 1:5 - Dilagano Disha ku Wanhu wose

⁵ na kulawa kwa Yesu Kilisito imuhomelesi we chawelu, imwelekigwa we inghonga wa wafile na mutawala wa wandewa wose we iisi. Ukwakwe imwene iyachendile na kuchilekelela na kuchisunha wihi wetu kwa sakame yakwe,

Ugubulo 1:5 Iomraidhean Croise

Matayo 20:28

fina imwana we Munhu fonghejile kutogomeligwa ninga kutogoma na kulafa uwumi wakwe uwe iliho dya wengi.”

Matayo 28:18

Yesu hoyowejila, hoyolonga nawo, hoyowagamba, “Ninghigwa udaha wose wa kulanga na wa muisi.

Yohana 13:1

Hambiya dijuwa dikulu dye Pasaka fodowile disinati difike Yesu hakamanya fina ichigele chokuleuka muchilunga na kuluta kwe Baba chifika. Hakawenda awakwe wowile muchilunga, hakawenda mpaka ndumo.

Yohana 13:34

Dilagiso disha nikumwinghani, mukiyende, fina fonimwendileni niye anye nanye mukiyende nheifo.

Yohana 15:9

Fina iBaba foyanyendile ani, nani nofonimwendileni; mugendelele kwikala mu wendo wangu.

Yohana 18:37

Pilato hakamugamba, “Nong'amba gweye kwa Mundewa?” Yesu yabidula, “Kuilonga aniye na Mundewa.” Kosoko iyo hanyelekigwa na kosoko iyo hanija kuchilunga, kuhomelela iichawelu. “Chila munhu we ichawelu yakuhulikisa dijwi dyangu.”

Yohana 3:11

Chawelu, chawelu nikukutamila fina, chikulonga adiya dyo chimanyile, na kukuhomelela kugaya gochonile, ninga nyeye musikuhokela uhomelesi wetu.

Yohana 3:16

Mulungu kachenda ichilunga lugano, hoyomulafa iMwanagwe iyumwedu du uleke chila munhu iyakumuhuwila yang'hagilile ninga yowe na uwumi wa majuwa gose.

Yohana 3:32

Yakuhomelela agaya goyonile na kugamelela na kugahulika, ninga hechaka iyakuhokela uhomelesi wakwe.

Sinhenda 20:28

“Muchilangilile muwecho; mudidime ditewa diya idyene Muhe Musunhile hamwikani anyeye mudimise. Didimeni dikanisa dya Mulungu adyene dyoyakipatile kwa sakame ye Mwanagwe.

Sinhenda 26:23

Fina Kilisito yakusambasigwa na kokuwa wanghonga kwinuka kulawa kuwafile, uleke yafamile fina ujelu wa uhonya ukuwamulikia awanhu wose hambiya, Wayahudi na nheifiya wanhu wa wamembe gamonga.”

Waloma 3:25

yalafigwe ne Mulungu kuwa maliho kwa sakama yakwe kwa waya wene dihuwi ukwakwe. Ayino hayuwa kosoko yo konesa uchawelu we Mulungu, kosoko muufinyilisi wakwe we chilungu nghaulangile uwihi wa katali;

Waloma 8:37

Gwe putu, musimbuli sose sino aseye cha wasumi kahi kuloka awasumi kwa kulokela imwene iyachendile.

1 Wakolinto 6:11

Na muwamonga hamuwa nheifo. Ninga musunhigwa, mugaluka wanhu we Mulungu, mulekeleligwa mwisina dye Mundewa Yesu Kilisito na mumuhe we Mulungu wetu wochikumutogomela.

Wagalatiya 2:20

Nisambasigwa hamwedu na Kilisito kahi siniye ni mumi ninga Kilisito no mumi mugati yangu. Na uumi wo ninawo hambiya mumutufi, ninawo mwihuwi dye mwana we Mulungu, imwene yanyendile na kulafa chidoga chakwe kosoko yangu.

Waefeso 2:4

Ninga iMulungu yamemile ubasi yene uwendo mukulu woyachendile seye,

Waefeso 5:2

Kamei gendeni muuwendo ifina Kilisito foyachendile seye hoyokilafa imwecho kufa kosoko yetu hakowa chilafwa che mhungile na kuwa nhambiko kwe Mulungu.

Wakolosai 1:18

Imwene no ditwi dyo umutufi, dikanisa; kahe imwene no nghonga, no mwelekwa we bosi wa awafile, imwene no chilongosi wa fyose.

1 Timoseyo 6:13

Hamwande ye Mulungu iyekufingha ifinhu fyose uwumi, na hamwande ya Kilisito Yesu iyaihomelele na kuifumila ichawelu hamwande ya Pondiyo Pilato,

1 Timoseyo 6:15

Kahi adino dikadikoneka bila ya chifiso muchigele chifumiligwe, ne imwene iyalugutisigwe kahi iyena ludole yemwene, Mundewa wa wandewa kahi Mukulu wa wakulu.

Waebulaniya 10:29

Si uliganiso wilihile lugano wo mukudoga uwumwagile imunhu iyamubesile imwana we Mulungu, na kuitofula isakame ye dilagano iyamusunhile, na kumutofula Muhe we dihewa?

Waebulaniya 9:14

silugano isakame ya Kilisito, imwene kugendela iMuhe wa majuwa gose hakelafa imwenyecho kuwa chilafwa chichaka wihi, kuwasunha amadoga genu na sinhenda senu sufile mudahe kumufuga Mulungu wenu imumi.

1 Petulo 1:19

ninga kulokela sakame ya iliho ikulu ya Kilisito, kifana ye mwana we ngholo iyechaka chilema kahi ikofu,

1 Yohana 1:7

ninga chinghagenda mu ujelu fina imwene foyowile mu ujeleu, china umwedu chila yumwedu na miyagwe, kahi isakame ya Yesu iMwanagwe ikuchisunha kulawa mu uwihi wose.

1 Yohana 4:10

Mu wendo uno, si fina hachimwenda Mulungu, ninga hakachenda seye na kumutuma iMwanagwe yowe no nhambiko yo uwihi wetu.

Ugubulo 11:15

Kamei malaika wa mufungate katowa naye digunda dyakwe, hakuwa na ijwi ikulu kulanga, dikugamba, “Undewa we chilunga ungaluka ndewa wa Mundewa wetu ne Masihi wakwe, naye kulongosa minyaka kwa minyaka.”

Ugubulo 11:3

Nikwenda niwenghe wahomelesi weli udaha wo kutamila, chigele cha minyaka chigulu chimwedu magana meli naminyesi mutandatu wafalile maguniya.”

Ugubulo 17:14

wakwenda wagolose nghondo ne Mwanangholo, ne Mwanangholo yakwenda yawasume, kosoko imwene ni Mundewa wa wandewa wose na Mukulu wa wakulu wose, na waya woile ne mwene wakwinangwa wasaguligwe na awakuhuwilika.”

Ugubulo 19:11

Kamei hanyona ulanga ugubuke na langa falasi njelu na yuya iyakwilile muchanhya yakwe, yakwinangwa Muhuwiliki na Wachawelu, na kwa chawelu na uliganiso na yakulewa nghondo.

Ugubulo 19:16

Mwikasu dyakwe na mwihaja dyakwe kena isina diwandikwe, “Mundewa wa wandewa Mukulu wa wakulu.”

Ugubulo 2:13

Nimanya houkwikala hedigoda dya Shetani. Nagwe kukolelela disina dyangu nghukanile dihuwi dyako ukwangu hata ugele wa Antipasi muhomelesi wangu, imuhuwilika wangu, yakomigwe mugati yenu, ahanhu hoyakwikala Shetani.

Ugubulo 3:14

“Na kwa malaika we dikanisa dyuwile ako Laodikiya wandika: Simbuli sa Hano, imuchawelu na muhomelesi iyakuhuwilika, inghonga ye kumba kwe Mulungu.

Ugubulo 7:14

Honimugamba, “Mukulu kumanya gweye.” Kamei hoyonigamba, “Awano nowaya walawile mumagayo makulu lugano, wafuwa singhasu sawo na kusigolosa suwe njelu musakame ye Mwana we ngholo.