Luka 10:3 - Dilagano Disha ku Wanhu wose

³ Sanghanyeni, mulangisise nikumutumani nyeye fina ngholo mugati ya mausi.

Luka 10:3 Iomraidhean Croise

Matayo 10:16

“Mulange, aniye nikumutumani, kifana ngholo muchiligati cha mausi, muwe ne misungu kifana majoka, na waholo kifana huwa.

Matayo 10:22

Nanye mukwenda musuligwe na wanhu wose kosoko ye disina dyangu, ninga iyakwenda yafinyilise mpaka kundumo noyakwenda yahone.

Matayo 7:15

“Kilangisiseni na Wagonesi wo udasi, awanhu awakuwejila wafala suke sa ngholo ninga kugati yawo mausi makali.

Luka 10:4

Munghalonde mufuko kahi mukoba, kahifilwatu, na munjila munghamulamuse munhu.

Yohana 10:12

Munhu yakudimu kosoko yo maliho, siyo mudimi, singholo si sakwe, yakona diwusi dikwija, yakusileka singholo yakudija, diwusi dikusikola na kusagalisa.

Yohana 15:20

Mugelegele, imbuli yonamutamileni, ‘Imutumishi si mukulu kusuma imukulu wakwe, nghonaga niye hawanisambase, womusambasani na nyeye, nghona waikolile imbuli yangu,’ wakola iyenu nayo.

Yohana 16:2

Wakumuwingani mumasinagogi chawelu, ichigele chikwija ichene wowose yuya yakumukomani yakona fina yakumutogomela Mulungu itunyo.

Sinhenda 20:29

Nimanya fiswanu lugano fina aniye fonikuleuka, mausi makali gamwingilani na wachaka ubasi kuditewa didyo.

Sinhenda 9:16

Aniye nimwecho nikuhanga nimonese mengi goyakwenda yedasigwe kosoko ya disina dyangu.”

Sinhenda 9:2

hoyotasa yanghigwe baluwa sa kumanyigwa ku masinagogi ge Chiyahudi gowile Damesiki, uleke yanghafika uko wagosi ama wanawake awakwandamila injila ye Mundewa yawakole na kukwila nawo Yelusalemu.