Biblia Todo Logo
Bìoball air-loidhne

- Sanasan -




Ovilinga 9:39 - Etestamende Epe Moludhimba

39 Petrus wa kulama, ha i nawo. Iya hiee thiki moJoppe, ve mu twala mondjuwo ndjoka yopeulu. Iya ovahepe avehe va li amava lili, hava kondoloka Petrus, have mu yulikile omasanya novikutu mbyoka Tabita mbyaa pampa, tainkolo hiaa li nomwenyo.

Faic an caibideil Dèan lethbhreac




Ovilinga 9:39
26 Iomraidhean Croise  

Jesus we ve yaka ha tyaa: “O, kula n̯e mbahamu na tja eitavelo, n̯e mbahamu tee. Me kala nan̯e katee nalun̯i? Me kala ame likambulithile n̯e katee nalun̯i? Mu eten̯i huno kwaame.”


Ovathona apehe mamu kala nawo, iya ame híme kala nan̯e apehe.


Ngunya wa undapa hima ulu, wa vaveke olutu lwandje, tainkolo epako lyandje háliye ya.


Iya we ve heela ha tyaa: “Odhondaka hendhi odho mbe mu heela, tainkolo mba li pun̯e, himba tile avihe mbyoka mbyaa ntjonekelwa moveta yaMoses, momisonekwa vyovaprofeti nOmapisalomi vya thele okuhwithilwa po.”


Ovathona mu na wo apehe, iya ame híme kala nan̯e apehe.”


Ame himba li pamo nawo, mbe ve takametha mena lyoye ndiwa mpa. Kaku na tja noumo ngwaa kekethwa, kakele kangoka ngwaa thele okukeka, omusonekwa opo u hwithilwe po.


Iya hive ya motjitungwalongo, va ya mondjuwo yopeulu nahi muva kala ae lukulu. Mboka mbava li po, ooPetrus naJohannes naJakob naAndreas naFilippus naTomas naBartolomeus naMateus naJakob yaAlfeus naSimon ngoka nguu tiwa ombandhi naJudas yaJakob.


Iya movipuka avihe ame mbe mu yulikila okutya twa thele okuundapa hinyahi nodhonkono, hatu popile ovinkundi. Thipaluken̯i odhondaka ndhoka Muhona Jesus omwene ndhaa popya ha tyaa: ‘Okuyandja otjiwa okupon̯a okupewa.’ ”


Iya momatango ngenya otjihavelo tjovaitaveli tja kala amatji ningi otjin̯ingi unene, pa ka kala omalutangu pokati kOvajuda mbava popya Otjigreka nOvaheberi. Ovajuda mbava popya Otjigreka va tanguna okutya etango alihe ovikulya amavi yandjwa, ovahepe vawo va hupa ko.


Ovalumentu vamo ovatilikalunga va paka Stefanus, wo ve mu lila unene.


Petrus we mu yaka mokuwoko, he mu kulametha. Wa ithana ovaitaveli novahepe, he ve pa ye ae na omwenyo.


Iya andaa mu na ehalo okuyandja, himamu yandja, himu na tjo matji tambulwa, hahihamu na tjo.


Nguu vaka, há vaka uke, nga undape ovipuka oviwa nomawoko e omwene, opo a kale ae na tja okuyandja kovathona.


Tu mu thipaluka kotjipala tjaKalunga Tate, ovilinga vyen̯i vyeitavelo himu undapa nohole neliun̯iko ndyaa kola muMuhona wetu Jesus Kristus.


Iya vakwetu, nt̯e kaatu hala mu kale ahamu tji i ouhunga nambava ka thuva okutya ve li vi, hámu ve etethele mo onkenda ngambahave na eliun̯iko.


Tumbaleka ovahepe mbave li ovahepe vatjatjili.


Omuhepe watjatjili onguhe na ngume mu t̯ile otjiho, u liun̯ika muKalunga, u kala ama kumbu kuKalunga omutenya nout̯iku.


Vanwandje, hátu kala atu lihole vala nelaka, iya ngatu kale atu lihole movilinga nomotjatjili!


Lean sinn:

Sanasan


Sanasan