Ovilinga 9:36 - Etestamende Epe Moludhimba

³⁶ Iya moJoppe mwa li omukadhintu umo omulongwa nguu tiwa oTabita. (Ena hendi mOtjigreka li tiwa oDorkas, mali tya omenye.) Ye wa kala aa undapa ouwa nokupopila ovathona.

Ovilinga 9:36 Iomraidhean Croise

Mateus 25:17

Nomukwawo ngwaa pelwe avali, wa ndingosa mo omakwawo avali.

Johannes 15:5

“Aame omuvinyu, n̯e mudhontai. Nguma kala mwaame, naame me kala muye, ye ma ma otjingi, iya andaa kaamu kala mwaame, kamu na himamu ulu okuninga.

Johannes 15:8

Andaa mamu ma ovinyango ovingi, Tate ma tumbalekethwa, n̯e mamu ile ovalongwa vandje.

Ovilinga 10:23

Iya Petrus wa ithanena ovalumentu monganda, he ve pa omala otjit̯iku soka. Komuhuka hikwa tji, Petrus wa kulama, ha i pamo nawo. Vamo owomovaitaveli owomoJoppe va ya pamo naye.

Ovilinga 10:31

Ye wa ntjeela ha tyaa: ‘Kornelius! Kalunga wa tee okukumba kwoye, ye wa thipaluka ovilinga vyoye vyokupopila ovathona.

Ovilinga 10:8

Iya ye hiee ve hipululile ovipuka avihe mbyoka mbyaa ningwa po, he ve tumu koJoppe.

Ovilinga 11:13

Kornelius we tu heela okutya wa mona omweengeli, ngwaa kulamene pondjuwo ye, omweengeli we mu heele ha tyaa: ‘Tuma omuntu koJoppe, a ka ete omulumentu nguu tiwa oSimon Petrus.

Ovilinga 11:5

“Ame himba li mondolopa yaJoppe, ame kumbu, mba mona emoneko. Mba mona eulu alye liyapuka, hamu dhi otjipuka himatji ngala otjitopa otjinene, hitja t̯itwa kodhontyo dhatjo ne, hatji thothonokethelwa pwaame.

Ovilinga 9:38

Ovaitaveli va vadhwa ava tee okutya Petrus u li moLidda. Iya mena lyokutya Lidda ya li popedhi naJoppe, va tuma ovalumentu vavali kuPetrus nelaka ndimali tyaa: “Alikana kanyauka, indjo kunt̯e!”

Ovilinga 9:42

Otjihipululo hehi tja handjana nondolopa aihe yaJoppe. Ovantu ovengi mbave tji tyaa, va itavela muMuhona.

Ovaefeso 2:10

Kalunga Omuuti wetu, iya moukumo naKristus Jesus, Kalunga we tu uta tu kale atu na ovilinga oviwa monkalamwenyo yetu. Ovilinga mbyoka Kalunga we tu twiila po vyo ae lukulu, tu ende muvyo.

Ovafilippi 1:11

Iya mamu yulithwa ovinyango vyouvyuuki muJesus Kristus okutumbaleketha nokuhivilikitha Kalunga.

Ovakolossa 1:10

okweenda kwen̯i opo ku thevelwe Muhona, mu ninge himatji hulukitha Muhona apehe. Ovilinga vyonkalamwenyo yen̯i avihe mavi ka kala oviwa, okwiiwa kwen̯i Kalunga, maku ile okunene.

1 Ovatessalonika 4:10

Ohole yen̯i mwe i yulikila ae ovakwen̯i avehe mbava kala moMakedonia. Iya matu mu vandhipaleke mu kale amu lihole okupon̯a mpoka.

1 Timoteus 5:10

nguu hipululwa okutya wa undapa ovilinga oviwa, ngwaa tekula ovana, ye ha yakula ovayenda, ha koho odhompadhi dhovantu ovadhilikwa, ngwaa popila ovathona, ye ha kambulitha okuundapa otjilinga atjihe otjiwa.

Titus 2:14

ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

Titus 2:7

Movipuka avihe ove ila omuholelwa wovilinga oviwa, nelongo lyoye ngali kale alya kohoka, lyo alya tumbala.

Titus 3:8

Ondaka hendji oyatjatjili. Iya me hala u longe ovipuka hembi nodhonkono, opo mboka mbava itavela muKalunga, va kambulithe tjatjili okuundapa ouwa. Ovipuka hembi oviwa, vyo mavi popile ovantu.

Ovaheberi 13:21

Iya Kalunga nge mu pe ouwa auhe, opo mu undape ehalo lye. Kalunga nga undape munt̯e tu mu thevelwe okupitila muJesus Kristus, ye nga tumbalekwe apehe katee apehe. Amen.

Jakob 1:27

Eundapelokalunga ndyaa kohoka kotjipala tjaKalunga Tate, okutala odhothiwa novahepe momaudheu awo nokulipopila okutya ye ahama silikwa kouye.