Ovilinga 9:29 - Etestamende Epe Moludhimba

²⁹ Saulus nahi u popya nokulitetha ombata nOvajuda mbava popya Otjigreka, iya wo nahi va hala oku mu dhipaa.

Ovilinga 9:29 Iomraidhean Croise

Ovilinga 11:20

Iya ovaitaveli vamo ovalumentu mbava dhile koKipros nokoKireni, ve ya koAntiokia, hava ka teethela ovapaani ondaka ombwa okutya Jesus oye e li Muhona.

Ovilinga 17:17

Paulus wa ya kosinagoga yOvajuda oku ka tompola nOvajuda novapaani ovaundapelikalunga, tjo otjo a popya uke etango alihe novantu mbava enda pomalandethelo.

Ovilinga 18:19

Wo ve ya moEfeso, moka Paulus mwaa thiaa Priskila naAkula, ye wa ya kosinagoga hoka huva ka tompola nOvajuda.

Ovilinga 19:8

Paulus wa ya kosinagoga, ha tompola nawo, ha kondjo oku ve teethela nouvandhi ouhunga notjilongo tjaKalunga oule womiedhi vitatu.

Ovilinga 22:18

andji lwete Muhona ama ntjeele ha tyaa: ‘Kanyauka, dha mo dhivadhiva moJerusalem, mena lyokutya kaava hala okwiitavela himo ntjipulula.’

Ovilinga 6:1

Iya momatango ngenya otjihavelo tjovaitaveli tja kala amatji ningi otjin̯ingi unene, pa ka kala omalutangu pokati kOvajuda mbava popya Otjigreka nOvaheberi. Ovajuda mbava popya Otjigreka va tanguna okutya etango alihe ovikulya amavi yandjwa, ovahepe vawo va hupa ko.

Ovilinga 9:27

Iya Barnabas we mu itha po, he mu twala kovayapostoli. Barnabas wa hipululila ovayapostoli okutya Saulus wa mona Muhona mondjila yokuya koDamasko, ha popi naye. Ye he ve heele uke okutya moDamasko Saulus wa teetha nouvandhi ena lyaJesus.

Ovilinga 9:28

Iya Saulus wa kala povaitaveli, wa enda motjitungwalongo atjihe tjaJerusalem otjo ma teetha ena lyaMuhona Jesus nouvandhi ounene.

2 Ovakorinto 11:26

Otwingi modhondjila dhandje mba li moudheu womilonga, moudheu wovapundi, moudheu wotjiwan̯a tjandje, moudheu wovapaani, moudheu womovitungwalongo, moudheu womomakuti, moudheu womelunga nomoudheu womokati kovaitaveli vakwetu wovithithi.

Judas 1:3

Vaitaveli vakwetu ovahivilikwa, ame mba li ame hala unene oku mu sonekela mena lyehupitho lyomienyo vyetu atuhe. Ame mba li andji yuvite okutya mba thele oku mu sonekela ndji mu pukulule, n̯e mu kondjele eitavelo hendi ndyaa pewa ovantu ovadhilikwa motjikando tjimo.

Judas 1:9

Iya Mikael omweengeli omunene nandaku tiwa va li nombata naSatana mena lyotjivimbi tjaMoses okutya aan̯i nguma i natjo, ka popile Satana elaka evi ne e mu penye, iya we mu heela vala ha tyaa: “Muhona nge ku yumaneke.”