Ovilinga 9:20 - Etestamende Epe Moludhimba

²⁰ Wa vyuukilila kodhosinagoga, ha teethele ovantu okutya Jesus oye e li OmunwaKalunga.

Ovilinga 9:20 Iomraidhean Croise

Mateus 27:43

Ye we liun̯ika muKalunga, iya Kalunga napano nge mu hupithe, andaa u mu hole, mena lyokutya ye omwene wa tile: ‘Aame MunwaKalunga.’ ”

Mateus 27:54

Omunene wovakwavita namboka mbava li amava yungu pamo naye, hiva mono eteketo lyohi novipuka avihe mbyaa ningwa po, va li ava tila unene, hava tyaa: “Omuntu hengu otjatjili wa li OmunwaKalunga.”

Mateus 4:3

Omutyolethi we ya kuye, he mu heele ha tyaa: “Andaa oove OmunwaKalunga, heela omawe henga, a tjituke omingome.”

Johannes 1:49

Natanael we mu yaka ha tyaa: “Rabbi, oove OmunwaKalunga! Oove ohamba yaIsrael!”

Johannes 19:7

Ovajuda ve mu yaka hava tyaa: “Nt̯e tu na oveta ndjoka ndjimai tyaa: Wa thele okut̯a, mena lyokutya we lininga OmunwaKalunga.”

Johannes 20:28

Tomas we mu yaka ha tyaa: “Muhona wandje! Kalunga kandje!”

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Ovilinga 13:14

Iya wo va dha moPerge hava i koAntiokia motjilongo tjomoPisidia, metango lyEsabati va ya mosinagoga, hava kala pohi, hava teelele.

Ovilinga 13:33

we tji hwithila po nt̯e odhontekulona dhawo, hiaa imuna Jesus kout̯e, ngahi tja sonekwa mEpisalomi etyavali himamu tiwaa: ‘Oove omunwandje, iya ndino ame mba ile Iho.’

Ovilinga 13:46

Iya Paulus naBarnabas va popya nouvandhi hava tyaa: “Nt̯e olutenga tainkolo hátuya teethela ovantu vamo, on̯e twa thele okuteethela ondaka hendji yaKalunga. Iya n̯e kamu i tambulile. Hehi matji tya, n̯e mwe limona okutya kamu thevelwe okuya momwenyo waapehe. Iya nt̯e napano matu ka teethela ovapaani.

Ovilinga 13:5

Iya wo hive thiki koSalamis, va teetha ondaka yaKalunga modhosinagoga dhOvajuda, wo va li naJohannes Markus, nguu ve popila.

Ovilinga 14:1

Paulus naBarnabas va teetha mosinagoga yOvajuda moIkonium, ngahi va ningile moAntiokia. Ovajuda nOvagreka ovengi hava ningi ovaitaveli mena lyeteetho lyawo.

Ovilinga 16:13

Iya metango lyEsabati twa pitila momuvelo wotjitungwalongo, hatu i komulonga hoka hutwa li amatu thimbile okutya ku na oluvedhe, Ovajuda huva onganena amava kumbu. Iya hitwe thiki ko, twa kala pohi, hatu popitha ovakadhintu mbatwa vadha ava ongana mpoka.

Ovilinga 17:10

Iya out̯iku watjo vala mboka ovaitaveli va tuma Paulus naSilas koBerea. Wo hive thiki, va ya kosinagoga yOvajuda.

Ovilinga 17:17

Paulus wa ya kosinagoga yOvajuda oku ka tompola nOvajuda novapaani ovaundapelikalunga, tjo otjo a popya uke etango alihe novantu mbava enda pomalandethelo.

Ovilinga 17:2

Paulus wa ya kosinagoga ngahi e ilila, hoka huve litetha ombata, he ve suku mOmisonekwa moule wOmasabati atatu ngae lilandula.

Ovilinga 18:19

Wo ve ya moEfeso, moka Paulus mwaa thiaa Priskila naAkula, ye wa ya kosinagoga hoka huva ka tompola nOvajuda.

Ovilinga 18:4

Paulus wa popya mosinagoga mEsabati alihe, ha itaveletha Ovajuda nOvagreka.

Ovilinga 19:8

Paulus wa ya kosinagoga, ha tompola nawo, ha kondjo oku ve teethela nouvandhi ouhunga notjilongo tjaKalunga oule womiedhi vitatu.

Ovilinga 8:36

Iya tainkolo va li amava ende mondjila, ve ya pompuka mpape na omeva. Osekulu ya heela Filippus hai tyaa: “Omeva hoonga! Otjitji himatji ntjaele okutjatjwa?”

Ovilinga 8:37

[Filippus we mu yaka ha tyaa: “Kape na himatji ku tjaele, andaa wa itavele nomwenyo woye auhe.” Osekulu ye mu yaka hai tyaa: “Mba itavele okutya Jesus Kristus oye e li OmunwaKalunga.”]

Ovilinga 9:22

Iya Saulus wa vandhipala, ha kumitha Ovajuda womoDamasko, he ve yulikile okutya Jesus oye e li Messias.

Ovaroma 1:4

iya ye monkalo yOmbepo youdhilikwa, hiaa imunwa kout̯e, wa yulikwa kodhonkono odhonene okutya Jesus Kristus, Muhona wetu, oye e li OmunwaKalunga.

Ovagalati 1:16

ha hololola Omuna mwaame, opo ndji teethele ovapaani ondaka ombwa, iya ame hí na ngumba pula a ntjeele okutya hehi matji tya vi,

Ovagalati 2:20

opo hé kala uke andji na omwenyo mwaame omwene, iya Kristus oye a kale ae na omwenyo mwaame. Iya omwenyo mbundji na wo, me kala nawo meitavelo, okwiitavela mOmunwaKalunga nguu ntjole, ngwee liyandja poluvedhe lwandje.

Eholololo 2:18

“Iya sonekela omweengeli weongalo lyokoTiatira, u tyee: “OmunwaKalunga, nguu na omeho ngaa ngala omalakulaku omulilo, nodhompadhi dhe ndhii ngala otjivela otjindumbu hitja pupyala, ma tyaa: