Ovilinga 9:18 - Etestamende Epe Moludhimba

¹⁸ Dhivadhiva momeho aSaulus mwa wa ovipuka mbimavi ngala omatatu, ye ha twikuluka. Saulus wa kulama po, ha tjatjwa,

Ovilinga 9:18 Iomraidhean Croise

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 2:41

Iya mboka mbava tambula odhondaka dhe, va tjatjwa, metango ndyoka mwa wedhwa ovantu mbave lithike pomayovi atatu.

Ovilinga 22:13

We ya kwaame, ha hweene popedhi naame, wa ntjeela ha tyaa: ‘Mukwetu Saulus, twikuluka!’ Powola yatjo vala ndjoka mba twikuluka, he mu mono.

Ovilinga 22:16

Iya napano mo kevelele tji uke? Kulama! Tjatjwa, kumba kuKalunga, odhonkali dhoye dhi ithwe po.’

Ovilinga 9:17

Ananias wa kulama, ha i konganda hoka huku kala Saulus. We mu tendeka omawoko ha tyaa: “Mukwetu Saulus, mba tumwa kuMuhona Jesus, ngoka ngwee liholololela ove mondjila hiwa li amo ya huno, wa ntumu okutya u twikuluke, ove u yulithwe Ombepo Ondhilikwa.”

Ovilinga 9:19

iya hiaa dhi pokutjatjwa, ha li, tjau ha kala nawa. Saulus wa kala omatango amo novaitaveli womoDamasko.

Ovilinga 9:8

Saulus wa kulama, hiaa tya okupathumuka, wa twika, ke ku lwete. Iya ve mu kambula mokuwoko, have mu eta moDamasko.

2 Ovakorinto 3:14

Omalipulo awo a t̯imikwa, otjo e li katee ndino hendi, himava tanga omambo omewaneneno ekulu. Otjitopa matji ithwa po vala, omuntu aa wanene naKristus.

2 Ovakorinto 4:6

Iya Kalunga ngwaa popya ha tyaa: “Met̯iku ngamu dhe otjiten̯i tji tungatele,” oye e li ye ngwaa tungatela momitima vyetu, opo tu iwe elaimo lye, elaimo ndimali laimine motjipala tjaKristus.