Ovilinga 7:38 - Etestamende Epe Moludhimba

³⁸ Moses oye e li ngwaa li pamo nOvaisraeli, hiva onganene mokuti. Ye wa kala mokuti pamo nootateombwale nomweengeli ngoka ngwaa popile naye kondundu yaSinai. Ye wa pewa kuKalunga odhondaka ndhoka, ndhimadhi yandja omwenyo, e tu heele dho.

Ovilinga 7:38 Iomraidhean Croise

Ovaroma 3:2

Iinga, okupita etanda maku popile movipuka ovingi. Olutengatenga Ovajuda owo va pewa odhondaka dhaKalunga.

Ovaheberi 5:12

Iya n̯e mwa li noluvedhe ndwaa hulu, mu ile ovalongethi, nan̯i mamu hepa uke okulongwa ovililongwa vyopomautilo vyOndaka yaKalunga. N̯e mamu hepa omahini, kaamu li ovikulya vyokutat̯inwa.

1 Petrus 4:11

Nguma teetha, wa thele okuteetha ondaka oyeneyene ndjaa dhi kuKalunga. Nguma popile, nga popile nodhonkono ndhima pewa kuKalunga, opo Kalunga a tumbalekwe movipuka avihe okupitila muJesus Kristus. Kalunga wa tumbala, u na odhonkono apehe katee apehe. Amen.

Ovilinga 7:53

N̯e on̯e mwa pewa ovitumino, oveta yaKalunga ndjaa etelwe kovaengeli, iya nan̯i n̯e kamu i itavelele!”

Johannes 1:17

Iya oveta Kalunga we i yandja ya pitila muMoses, et̯ilonkenda notjatjili vya etwa kuJesus Kristus.

Ovaheberi 4:12

Iya odhondaka dhaKalunga dhi na omwenyo, dho dhi na odhonkono, dha twa okupon̯a omukonda mbwaa twa kuvali. Dhi teta, hadhi yapula pomawaneneno omwenyo nombepo, odhongolo nomongo. Dhi hololola poluhandja omahalo nomalipulo omomutima.

Ovaheberi 2:2

Iya etumwalaka ovaengeli ndiva eta, olyatjatjili. Auhe nguhe li landulile, ahame li itavele, wa yumanekwa ngahi a hala.

Ovagalati 3:19

Iya ontanto yoveta oyatji? Ya wedhwa po mena lyoulundhi, i kale po katee oluyumuko ndwaa pewa eudhiko malu ya. Oveta ya tuwa po okupitila movaengeli, hai yandjwa mokuwoko kwomuwan̯en̯eki.

Ovaroma 9:4

mbave li Ovaisraeli. Kalunga we ve ninga ovana, ye he ve pa etumbalo, ewaneneno, oveta, eundapelokalunga nomaudhiko.

Ovilinga 7:35

“Moses hengu oye e li ye ngwaa anywa kOvaisraeli hiva tile: ‘Aan̯i ngwee ku twaa po u kale omutumini nomuvyuululi?’ Ye oye e li ye Kalunga ngwaa tumine, a kale omutumini nomuyowoli wawo kepopilo lyomweengeli ngoka ngwee liholololela ye meno ndyaa tema omulilo.

Ovilinga 7:30

“Hipa piti odhombula omilongo vine, omweengeli we liholololela Moses meno ndyaa tema omulilo, mokuti popedhi nondundu yaSinai.

Johannes 6:63

Ombepo oyo mai yandja omwenyo, soka hitji li momuntu kaatji popile tja. Odhondaka ndhimbe mu heele odho dhi li Ombepo ndjimai yandja omwenyo.