Ovilinga 6:9 - Etestamende Epe Moludhimba

⁹ Iya ovalumentu vamo ve mu t̯ila onki. Ovalumentu mboka va li owomosinagoga ndjii tiwaa: “Osinagoga yovalumentu mbava kutuluka,” moka mumwa li Ovajuda, mboka mbava dha koKireni nokoAleksandria, va uta okutetha Stefanus ombata. Ovantu vamo mbava dha koKilikia nokoAsia, va uta uke oku mu tetha ombata.

Ovilinga 6:9 Iomraidhean Croise

Mateus 10:17

Lungamenen̯i ovantu, mave ke mu yandja kovyoongi vyovanene, have ke mu tonena modhosinagoga dhawo nodhosokoti.

Mateus 23:34

Taa tuutuu, iya mena lyanyahi ame me mu tumine ovaprofeti novanadhondunge novalongiveta. Vamo owomuwo mamu ke ve dhipaa, hamu ke ve papela komutjaakano, vamo mamu ke ve tona nodhosokoti modhosinagoga dhen̯i, hamu ke ve taata modhondolopa nodhondolopa.

Mateus 27:32

Hiva li amava piti mo, va mona omulumentu Omukireni nguu tiwa oSimon. Ve mu tumin̯in̯a e mu tjindile ko omutjaakano we.

Markus 13:9

“Iya lilungamenen̯i n̯e ovene. Ovantu mave ke mu yandja kovyoongi vyovanene, mamu ka tonenwa modhosinagoga, iya mamu ka twalwa kovipala vyovatumini novyodhohamba mena lyandje, mu ninge odhombangi dhokuntjipulula kuwo.

Lukas 21:12

Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Ovilinga 11:20

Iya ovaitaveli vamo ovalumentu mbava dhile koKipros nokoKireni, ve ya koAntiokia, hava ka teethela ovapaani ondaka ombwa okutya Jesus oye e li Muhona.

Ovilinga 13:1

Meongalo lyomoAntiokia mwa li ovaprofeti novalongethi, ngahi tji li Barnabas naSimeon (nguu tiwa Omundholodhi) naLukius Omukireni, naManaen (ngwaa kulila pamo nomutumini Herodes) naSaulus.

Ovilinga 13:45

Iya Ovajuda hiva mono owingi wovantu himau ya kuPaulus, va uta oku ve t̯ila onki. Va penya, hava kondjetha ovipuka Paulus mbyaa popya.

Ovilinga 15:23

have ve pa omukanda mbwaa sonekwa hinyahi: “Nt̯e ovayapostoli novanene veongalo ovakwen̯i, matu mu menekele po n̯e amuhe ovaitaveli ovakwetu owomoAntiokia, nomoSiria nomoKilikia mbamwa dha moupaani.

Ovilinga 15:41

Ye wa yatakana moSiria nomoKilikia ama pameke omaongalo.

Ovilinga 16:6

Paulus naSilas naTimoteus va pitakana motjit̯indwalongo hitji tiwa oFrigia nomoGalatia, Ombepo Ondhilikwa ye ve tjaela okuteethela ondaka yaKalunga moAsia.

Ovilinga 18:24

Omujuda umo nguu tiwa oApollos ngwaa yumukilwa moAleksandria, we dhile koEfeso. Ye wa li nounongo wokupopya nokwiiwa omisonekwa.

Ovilinga 19:10

oule wodhombula mbali, katee Ovajuda nOvagreka avehe moAsia va tee odhondaka dhaMuhona.

Ovilinga 19:26

Iya napano mwe tji mono naa nawa, n̯e mu tji yuvite omulumentu hengu Paulus ovipuka mbima ningi. Ye u tya ookalunga mbava undapwa nomawoko ovantu haookalunga, wa hekela ovantu ovengi, he ve ameke kuye, hamomuno vala moEfeso, iya omotjilongo atjihe tjaAsia.

Ovilinga 21:27

Iya omatango ngoka epanduvali hiaa li pokupwa ko, Ovajuda vamo mbava dhile koAsia va mona Paulus motempeli. Wo va uta okuhongaetha owingi wovantu auhe, hava kambula Paulus,

Ovilinga 21:39

Paulus wa yaka ha tyaa: “Ame ndjiMujuda, ngumba yumukilwa moTarso, motjitungwalongo hitja tumbala moKilikia. Alikana ndjandjela ndje ndji popye notjiwan̯a.”

Ovilinga 22:19

Ame mbe mu yaka he tyaa: ‘Muhona, wo ve tji i ae okutya nahi ndji ya modhosinagoga okukambula nokutona ovantu avehe mboka mbave ku itavela.

Ovilinga 22:3

“Ame ndjiMujuda, mba yumukilwa kotjitungwalongo tjaTarso moKilikia, mba kulila moJerusalem. Omulongethi wandje oGamaliel. Ame mba longwa nawa okwiiwa onteto yootateombwale, mba li ombandhi yokuundapela Kalunga ngan̯e amuhe nawanawa himu li ndino.

Ovilinga 23:34

Omutumini hiaa tanga omukanda nahiaa pula okutya Paulus wa dha kotjit̯indwalongo patji, wa mona okutya Paulus wa dha koKilikia.

Ovilinga 24:18

Iya himba li ame undapa ovilinga hembi, Ovajuda womoAsia va mbona motempeli, mba li ambe likohola. Iya kamwa li owingi wovantu ne otjuuyila.

Ovilinga 26:11

Ovikando ovingi mbe ve tonetha modhosinagoga adhihe, mba kondja oku ve n̯in̯ikidha, opo va anye eitavelo lyawo. Ame mbe ve toyele unene, katee mbe ke ve lambalamba kovitungwalongo vyovilongo vimo.”

Ovilinga 6:10

Iya Ombepo ya pa Stefanus odhondunge, iya kava ulile uke oku mu yaka ne oku mu tetha ombata.

1 Ovakorinto 1:20

Omunongo u li pi? Omulongiveta u li pi? Nguu tji i okutetha ombata u li pi? Ounongo wouye hembu Kalunga ke u pidhidhikile, u ile owoova.

Ovagalati 1:21

Kon̯ima mba ya movit̯indwalongo vyaSiria naKilikia.