Ovilinga 6:1 - Etestamende Epe Moludhimba

¹ Iya momatango ngenya otjihavelo tjovaitaveli tja kala amatji ningi otjin̯ingi unene, pa ka kala omalutangu pokati kOvajuda mbava popya Otjigreka nOvaheberi. Ovajuda mbava popya Otjigreka va tanguna okutya etango alihe ovikulya amavi yandjwa, ovahepe vawo va hupa ko.

Ovilinga 6:1 Iomraidhean Croise

Mateus 23:13

“Utatyei, n̯e ovalongiveta nOvafarisai, valinomi n̯e! Ovantu mu ve yedhilila pondje yotjilongo tjeulu, iya n̯e ovene kaamu hiti mo, mu tjaela mboka mbamava hala okuhita mo.

Ovilinga 11:20

Iya ovaitaveli vamo ovalumentu mbava dhile koKipros nokoKireni, ve ya koAntiokia, hava ka teethela ovapaani ondaka ombwa okutya Jesus oye e li Muhona.

Ovilinga 11:26

Iya hiee mu mono, we mu eta koAntiokia. Barnabas naSaulus va kala pamo meongalo ombula imo, meongalo moka va longa mo ovantu ovengi. MoAntiokia ovaitaveli omo va uta okulukwa ovakriste.

Ovilinga 11:29

Ovaitaveli moAntiokia va tokola okutya auhe nga yandje hiee na tjo ngahi ma ulu, tjo tji tuminwe ovaitaveli vakwawo mbave li koJudea.

Ovilinga 2:41

Iya mboka mbava tambula odhondaka dhe, va tjatjwa, metango ndyoka mwa wedhwa ovantu mbave lithike pomayovi atatu.

Ovilinga 2:45

Iya wo va landetha po ovipuka vyawo nomamona awo, have liyandjele odhombongo, auhe ha pewa ngahi ma hepa.

Ovilinga 2:47

hava tanga Kalunga. Va li ava hopwa kovantu avehe, etango alihe Muhona wa wedha mo mokati kawo mbava hupithwa.

Ovilinga 4:35

kovayapostoli, dhi yandjelwe ovaitaveli, opo auhe a pewe hitji lithike puhima hepa.

Ovilinga 4:4

Iya ovantu ovengi mbava tyaa odhondaka dhaPetrus naJohannes, va itavela muJesus, otjihavelo tjovaitaveli tja li atji lithike pomayovi atano.

Ovilinga 5:14

Iya otjihavelo tjovantu mbava itavela muMuhona, tja tana. Muwo mwa li ovalumentu novakadhintu ovengi.

Ovilinga 5:28

“Nt̯e twe mu heela okutya hámu longo uke ovantu mena lyomulumentu hengu Jesus. Talen̯i tuu himwa ninga nyahoka. Jerusalem atjihe mwe tji yulitha elongo lyen̯i. N̯e hámu tu tendeke ko uke oku tu pa onkali yet̯o lyomulumentu hengu Jesus.”

Ovilinga 6:2

Ovayapostoli va onganeka ovaitaveli avehe, have ve heele hava tyaa: “Nt̯e hanawa okuyetha okuteetha odhondaka dhaKalunga, tu litwee mokuyandja ovikulya.

Ovilinga 6:7

Odhondaka dhaKalunga dha twikila okuhandjana. Otjihavelo tjovaitaveli moJerusalem tja ninga otjingi, nowingi wovayambethi va ninga ovaitaveli.

Ovilinga 9:29

Saulus nahi u popya nokulitetha ombata nOvajuda mbava popya Otjigreka, iya wo nahi va hala oku mu dhipaa.

Ovilinga 9:39

Petrus wa kulama, ha i nawo. Iya hiee thiki moJoppe, ve mu twala mondjuwo ndjoka yopeulu. Iya ovahepe avehe va li amava lili, hava kondoloka Petrus, have mu yulikile omasanya novikutu mbyoka Tabita mbyaa pampa, tainkolo hiaa li nomwenyo.

Ovilinga 9:41

Petrus we mu yaka mokuwoko, he mu kulametha. Wa ithana ovaitaveli novahepe, he ve pa ye ae na omwenyo.

Ovaroma 12:7

ne andaa okupopila, nga popile. Andaa okulonga ovantu, nga longe.

1 Ovakorinto 10:10

Hámu tanguna ngavamo mbava tanguna, hava dhipawa komweengeli wet̯o.

2 Ovakorinto 11:22

Ovaheberi? Naame wo ndjiMuheberi. Ovaisraeli? Naame wo ndjiMwiisraeli. Ombuto yaAbraham? Naame wo ndjimbuto yaAbraham.

Ovafilippi 3:5

Ame mba pitithwa etanda metango etyapandutatu, ame ndjiMwiisraeli owomeanda lyaBenjamin, Omuheberiheberi, Omufarisai ngundji kambulitha oveta yOvajuda,

1 Timoteus 5:3

Tumbaleka ovahepe mbave li ovahepe vatjatjili.

1 Timoteus 5:9

Nguma hawa okutya omuhepe, onguu na odhombula omilongo epandu, ye ngwaa li nomulumentu umo,

Ovaheberi 13:1

Ovakriste twikilen̯i okukala amu lihole.

Jakob 1:27

Eundapelokalunga ndyaa kohoka kotjipala tjaKalunga Tate, okutala odhothiwa novahepe momaudheu awo nokulipopila okutya ye ahama silikwa kouye.

Jakob 4:5

Ne mamu lipula okutya Omusonekwa mau popi vala himau tyaa: “Ombepo ndjika Kalunga ndjaa twaa munt̯e, u na olwiho nayo?”

Jakob 5:9

Vakwetu, hámu litangunitha, opo hámu koywa. Taa tuutuu, nguma koyo wa kulama pomuvelo.