Ovilinga 5:4 - Etestamende Epe Moludhimba

⁴ Otjana soka tainkolo hóye tji landetha po, katja li otjoye? Hiwe tji landetha po, odhombongo ndhoka ndhaa dha mo, hadhoye? Iya omena lyatji hiwa tokola okuninga nyahoka momutima woye? Havantu wa heele po ovithithi, iya oKalunga wa heele po ovithithi.”

Ovilinga 5:4 Iomraidhean Croise

Lukas 10:16

Jesus wa heela ovalongwa ve ha tyaa: “Ngoka ngume mu tee, naame ma ntee; ngume mu tombo, naame ma ntombo; nguma ntombo, ma tombo ngoka ngwaa ntuma.”

Ovilinga 5:3

Iya Petrus we mu pula ha tyaa: “Ananias, omena lyatji hiwa yetha Satana, a tumine omutima woye, ove ho kembele po Ombepo Ondhilikwa? Omena lyatji wa holeke odhombongo dhimo ndhaa landa otjana tjen̯i?

Ovilinga 5:9

Petrus we mu heela ha tyaa: “Omena lyatji n̯e nomulumentu woye mwa tokola okulola Ombepo yaMuhona? Ovalumentu mboka mbava ka pakele omulumentu woye, opo ve li pomuvelo, mave ke ku paka.”

1 Ovakorinto 8:8

Ovikulya kaavi tu hweenetha popedhi naKalunga. Andaa kaatu li, katu na himatu keketha, andaa matu li, katu na himatu nganyana.

1 Ovatessalonika 4:8

Nguma tombo ovipuka hembi, ka tombele omuntu, wa tombo Kalunga ngwaa yandja Ombepo ye Ondhilikwa kunt̯e.

Filemon 1:14

Ame híme hala oku ku n̯in̯ikidha, opo ouwa woye ahamau dhi mokun̯in̯ikidhwa, iya u dhe mehalo ewa.

Jakob 1:15

Ehalo evi andaa lya ningi et̯imba, li yumuka oulundhi. Oulundhi andaa wa kulu, u eta et̯o.