Ovilinga 5:19 - Etestamende Epe Moludhimba

¹⁹ Iya mokati kovit̯iku omweengeli waMuhona Kalunga wa yelula omivelo vyokaliwoso, ha pititha mo ovayapostoli, he ve heele ha tyaa:

Ovilinga 5:19 Iomraidhean Croise

Mateus 1:20

Iya Josef tainkolo wa li ama soko nyahi, omweengeli waMuhona we liholololela ye mondjodhi, ha tyaa: “Josef, ntekulona yaDavid, hó tila okweeta Maria a ile omukadhintu woye, mena lyokutya out̯imba hembu mbwee na wo owOmbepo Ondhilikwa.

Mateus 1:24

Iya Josef hiaa imuka po molupot̯i, wa ninga ngahi a heelwa komweengeli waMuhona. Iya wa ka eta omukadhintu we.

Mateus 2:13

Ovanongo wokoutjilo hiva i, omweengeli waMuhona we liholololela Josef mondjodhi, ha tyaa: “Kulama, itha ondele naina, u ka inkolele koEgipiti, u ka kale hoka katee me ke ku heela, mena lyokutya Herodes u li po ama soko okutaendha ondele, e mu dhipae.”

Mateus 2:19

Iya Herodes hiaa t̯i, omweengeli waMuhona we liholololela Josef mondjodhi moEgipiti,

Mateus 28:2

Iya taa tuutuu, pa ningwa eteketo enene lyohi, mena lyokutya omweengeli waMuhona wa dha meulu, he ya po, ha alangatetha po ewe, ye hako a kala.

Lukas 1:11

Omweengeli waMuhona we mu hololokela aa kulama kokulyo kwotjiyambelo tjokutwiimin̯ina.

Lukas 2:9

Omweengeli waMuhona we ya kuwo, elaimo lyaMuhona hali ve laimine, wo hava tila unene.

Ovilinga 10:3

Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 12:23

Dhivadhiva omweengeli waMuhona wa yumba Herodes ouvela ounene, mena lyokutya ka tumbalekele Kalunga. Herodes wa tukwa komativa, ha t̯i.

Ovilinga 16:26

Iya dhivadhiva pe ya eteketo lyohi enene, hali teketetha ekulameno lyokaliwoso katee omivelo vya yeluka, nomalyenge odhonkwatwa ha kutuluka.

Ovilinga 27:23

Iya motjit̯iku tjandino pwaame pe ya omweengeli waKalunga kandje, Kalunga ngoka ame ngundji undapela,

Ovilinga 8:26

Omweengeli waMuhona wa heela Filippus ha tyaa: “Kulama, enda nokut̯a komakumbinda otjilongo kondjila ndjii heluka koJerusalem okweenda koGasa.” Ondjila hendji i enda moluhandja.