Ovilinga 5:16 - Etestamende Epe Moludhimba

¹⁶ Kodhondolopa dhopoulaanganda naJerusalem kwa dha ovantu ovengi, hava eta ovavedhi vawo, namboka mbava li nodhombepo odhombi. Wo avehe va velulilwe.

Ovilinga 5:16 Iomraidhean Croise

Mateus 2:16

Herodes hiaa mono okutya ovanongo ve mu henuka, wa li aa yumana navi. Wa tuma koBetlehem nomoulongo watjo auhe, ha dhipaetha odhondele ovadhantu avehe okudha kodhombula mbali okutjuna pohi, ngahi a yeleka omatango hengenya ngaa pulile ovanongo.

Mateus 4:24

Etumbuko lye lya handjana motjilongo tjaSiria atjihe. Ovantu ve mu etela ovavedhi avehe mbava li nomauvela ngae lili nangae lili noviihamo, nahemba mbava li nodhondemoni, nowovintonya, nambava vela otjinteya, avehe he ve velula.

Mateus 8:16

Iya okawiiwii hika wile pohi, ovantu ovengi mbava li nodhondemoni, va etwa kuJesus. Odhombepo odhombi we dhi ta mo nondaka. Ovavedhi avehe we ve velula,

Lukas 5:17

Etango limo Jesus hiaa li ama longo ovantu, pa li apa kala pohi Ovafarisai novalongiveta mbava dhile koulongo auhe womoGalilea nowomoJudea nomoJerusalem. Kodhonkono dhaMuhona, Jesus wa velula ovavedhi.

Lukas 6:18

ve ya oku mu teelela nokuvelulwa komauvela awo. Namboka mbava li ava tatethwa kodhombepo odhombi va velulwa.

Lukas 9:11

Iya owingi wovantu hiwe tji tee, we mu landula. Jesus we ve tambula, he ve hipululile otjilongo tjaKalunga, ha velula mboka mbava li amava hepa okuvelulwa.

Johannes 14:12

Ame me mu heele otjatjili okutya ngoka ngwaa itavele mwaame, oye ma ka undapa uke ovilinga ovinene mbyaa pon̯a mbyoka, mena lyokutya ame me i kuTate.

Ovilinga 4:30

Yela okuwoko kwoye okuvelula ovavedhi, ove u undape ovilingatangan̯eko novilingakumithi mena lyaJesus, omuntu woye omudhilikwa.”

Ovilinga 5:15

Ovantu va eta ovavedhi pondjila, have ve twaa komitala nokoviyalo, opo Petrus hima ende po, otjidhidhimbe tje tji vadhe vamo owomovavedhi.

Ovilinga 5:17

Omuyambethi omunene novantu ve avehe nOvasadukai va t̯ila onki ovayapostoli.

1 Ovakorinto 12:9

umo ma pewa eitavelo kOmbepo, tainkolo omukwawo ma pewa odhonkono dhokuvelula ovavedhi kOmbepo yatjo tuu ndjoka.

Jakob 5:16

Iya lihipululilen̯i odhonkali dhen̯i, mu likumbile, opo mu veluke. Ealikano lyomuvyuuki li na odhonkono odhonene, mali ulu okuninga tja.