Ovilinga 5:12 - Etestamende Epe Moludhimba

¹² Ovayapostoli va ninga ovilingatangan̯eko novilingakumithi ovingi mokati kovantu. Ovaitaveli avehe va li ava onganene pamo motjiwalanda tjaSalomo.

Ovilinga 5:12 Iomraidhean Croise

Markus 16:20

Iya ovalongwa va ya, hava teethele akuhe, iya Ohamba wa li pamo nawo, ovilingatangan̯eko mbiva undapa vya yulika okutya eteetho lyawo olyatjatjili.]

Johannes 10:23

tja li pompepela. Jesus wa li ama ende motempeli motjiwalanda tjaSalomo.

Johannes 4:48

Jesus we mu heela ha tyaa: “N̯e andaa kamu mwene ovilingatangan̯eko novilingakumithi, kaamu itavele.”

Ovilinga 1:14

Iya wo avehe va li nomutima umo, hava kambulitha okukumba pamo novakadhintu naMaria, ina yaJesus, novanitje vaJesus ovalumentu.

Ovilinga 14:3

Paulus naBarnabas va ninga omatango moIkonium. Va teetha ondaka yaKalunga nouvandhi. Muhona Kalunga wa koleka odhondaka dhet̯ilonkenda lye, hiaa yandjele ovayapostoli okuundapa ovilingatangan̯eko novilingakumithi.

Ovilinga 16:18

Iya omukadhona hengu we tji ninga omatango omengi, hatji ulithwa Paulus. Iya wa piluluka, ha heele ombepo ndjoka ha tyaa: “Mena lyaJesus Kristus me ku heele okutya dha mo muye!” Iya ombepo ya dha mo muye poluvedhe ndoka.

Ovilinga 19:11

Iya Kalunga wa pa Paulus odhonkono okuundapa ovilingankono ovinene,

Ovilinga 2:46

Etango alihe va ongana pamo motempeli nomutima umo. Wo va lya pamo modhonganda nodhonganda, have liyandjele ovikulya vyawo nawa nehuluko,

Ovilinga 28:9

Kon̯ima yotjiningwapuka hehi ovavedhi vamo wo owomompanga ve ya kuPaulus, he ve velula.

Ovilinga 3:11

Tainkolo omuvelulwa a li nooPetrus naJohannes, ovantu avehe ve kumwa, hava ka dhamukila mo, have ke ve onganena motjiwalanda tjaSalomo.

Ovilinga 4:30

Yela okuwoko kwoye okuvelula ovavedhi, ove u undape ovilingatangan̯eko novilingakumithi mena lyaJesus, omuntu woye omudhilikwa.”

Ovilinga 9:33

Iya hoka oko a vadha omulumentu nguu tiwa oEneas, ngwaa vela oule wodhombula epandutatu, ouvela wotjinteya.

Ovilinga 9:40

Iya Petrus ovantu avehe we ve pititha pondje. Ye wa twika odhongolo, ha kumbu kuKalunga, wa pilulukila kotjivimbi ha tyaa: “Tabita, imuka po.” Tabita wa pathumuka, hiaa mono Petrus, wa imuka po, ha kala pohi.

Ovaroma 15:19

kodhonkono dhomatangan̯eko nodhovilingakumithi, kodhonkono dhOmbepo yaKalunga ngahi mba hwithila po eteetho lyondaka ombwa yaKristus okudha koJerusalem nomonkondoloka katee koIlliriko.

2 Ovakorinto 12:12

Iinga kombinga imo ovipuka mbimavi yulike okutya ndjimuyapostoli mwe vi longwa nelikambulithilo enene, vya ningwa movilingatangan̯eko, movilingakumithi nomovilingankono.

Ovaheberi 2:4

Kalunga wa wedha ko oumbangi we koumbangi wawo, hiaa undapa ovilingatangan̯eko novilingakumithi novilingankono ovingi. Ye wa yandja wo otjali tjOmbepo Ondhilikwa, omwene ngahi ma hala.