Ovilinga 4:34 - Etestamende Epe Moludhimba

³⁴ Mokati kawo kamwa li omuntu noumo ngwaa hepa. Mboka mbava li novyana ne odhonganda, ve vi landetha po, odhombongo ndhoka ndhaa dha mo, have dhi eta

Ovilinga 4:34 Iomraidhean Croise

Mateus 19:21

Jesus we mu yaka ha tyaa: “Andaa mo hala okukala awe lihu po nawa, enda, u ka landethe po emona lyoye, u li yandje kovathona, iya ove u kale nemona meulu, tjau ove u ye, u ndandule.”

Markus 10:21

Jesus we mu tala, he mu hopo, he mu heele ha tyaa: “Wa kambetha po otjipuka tjimo. Enda, u ka landethe po ovipuka vyoye avihe mbyuu na vyo, ove u vi yandje kovathona, iya ove u kale nemona meulu, tjau ove u ye, u ndandule.”

Lukas 12:33

Landethen̯i po omamona en̯i, n̯e mu e yandje kovathona. Litaendhelen̯i oundjato wodhombongo mbuhamau kulupa nemona meulu ndihali hulu, moka muhamu i ovimpulu, mo muhamu tukwa kotundu.

Lukas 16:9

Jesus wa twikila ko ha tyaa: “Ame me mu heele okutya litaendhelen̯i omapanga nemona lyouye hembu. Emona hendi andaa lya hulu, mamu ka tambulwa modhonganda dhaapehe.

Lukas 22:35

Jesus we ve heela ha tyaa: “Himbe mu tumine ahamu na tja okapapo kodhombongo, ondjato nodhongaku, mwa hepele?” Ve mu yaka hava tyaa: “Aai, notjimo.”

Ovilinga 2:45

Iya wo va landetha po ovipuka vyawo nomamona awo, have liyandjele odhombongo, auhe ha pewa ngahi ma hepa.

Ovilinga 4:37

naye wa landetha po otjana tje, odhombongo ndhoka he dhi eta, ye he dhi yandja kovayapostoli.

2 Ovakorinto 8:14

Iya potembu ndjoka amwa vadhwa notjin̯ingi, popilen̯i mbave li moluhepo, opo nawo wo ave na otjin̯ingi ve ke mu popile amu li moluhepo. Iya nyahoka amuhe mamu ningilwa hitji lithike.

1 Ovatessalonika 4:12

opo mu kale nonkalo ombwa movipathi vyovantu mbahave thi ovaitaveli, ahamamu hepa.

1 Timoteus 6:19

Iya mave liungulile emona ndyaa kola, komeho humava ka kulamena, opo va mone omwenyo watjatjili.

Jakob 1:27

Eundapelokalunga ndyaa kohoka kotjipala tjaKalunga Tate, okutala odhothiwa novahepe momaudheu awo nokulipopila okutya ye ahama silikwa kouye.