Ovilinga 4:32 - Etestamende Epe Moludhimba

³² Ovaitaveli avehe va li nomutima umo nomalipulo amo. Kapa li omuntu noumo ngwaa li ama ulu okutumbula okutya otjipuka tjomemona lye otje omwene, iya ve liyandjela atjihe hiva li natjo.

Ovilinga 4:32 Iomraidhean Croise

Johannes 17:11

Ame hí li uke mouye, me ya kwoove, wo ve li mouye. Taa omudhilikwa, ve takametha mena lyoye ndiwa mpa, opo va ile omuntu umo ngant̯e naove hitu li umo.

Ovilinga 1:14

Iya wo avehe va li nomutima umo, hava kambulitha okukumba pamo novakadhintu naMaria, ina yaJesus, novanitje vaJesus ovalumentu.

Ovilinga 2:1

Iya etango lyaPentekoste hilye thiki, ovaitaveli avehe va vadhwa ava ongana poluvedhe lumo.

Ovilinga 5:12

Ovayapostoli va ninga ovilingatangan̯eko novilingakumithi ovingi mokati kovantu. Ovaitaveli avehe va li ava onganene pamo motjiwalanda tjaSalomo.

Ovaroma 12:5

Iya nant̯e nandaku tiwa tu li po ovengi, nt̯e tulutu lumo muKristus, otjin̯ipo atjihe matji hepa otjikwawo.

1 Ovakorinto 1:10

Vakwetu, ame me mu pukulula, mena lyaMuhona wetu Jesus Kristus okutya kalen̯i nomalipulo amo movipuka avihe mbimamu popi, mokati ken̯i hámu kala okuliyapauka, iya likuten̯i kumo, mu kale nondunge imo nomalipulo amo.

2 Ovakorinto 13:11

Vakwetu, iya kalen̯i nawa! Kalen̯i amwa hwile po okupwa. Vandhipalekwen̯i, mu ilikin̯we, kalen̯i nomalipulo amo, kambulithen̯i ouwa. Kalunga nguu hole ovantu, nguu na ouwa, ma kala pamo nan̯e.

Ovafilippi 1:27

Okukala kwen̯i ngaku kale vala akwe thevelwa ondaka ombwa yaKristus, opo andaa mbe ya ko ndji mu mone ne ahe dhile ko, ndji mu tyee amu li mombepo imo, amamu kondjele eitavelo lyondaka ombwa pamo naame.

1 Petrus 3:8

Pauthupi me tya amuhe kalen̯i moukumo umo, lit̯ilen̯i onkenda. Vakwetu kalen̯i amu lihole, amu na olweembya, hámu linomo.

1 Petrus 4:11

Nguma teetha, wa thele okuteetha ondaka oyeneyene ndjaa dhi kuKalunga. Nguma popile, nga popile nodhonkono ndhima pewa kuKalunga, opo Kalunga a tumbalekwe movipuka avihe okupitila muJesus Kristus. Kalunga wa tumbala, u na odhonkono apehe katee apehe. Amen.