Ovilinga 4:31 - Etestamende Epe Moludhimba

³¹ Ovaitaveli hiva mana okukumba, oluvedhe mpoka mpava li amava kumbile, hapa teketa. Wo avehe ve yulithwa Ombepo Ondhilikwa, hava utu okupopya nouvandhi odhondaka dhaKalunga.

Ovilinga 4:31 Iomraidhean Croise

Mateus 21:22

Ovipuka avihe mbimamu pula amamu kumbu neitavelo, mamu vi pewa.”

Johannes 14:12

Ame me mu heele otjatjili okutya ngoka ngwaa itavele mwaame, oye ma ka undapa uke ovilinga ovinene mbyaa pon̯a mbyoka, mena lyokutya ame me i kuTate.

Johannes 15:16

Han̯e mwa ntjolowola, iya ame mbe mu holowola, mbe mu holowola mu ende ko, mu ka me ovinyango mbimavi kala ko, opo atjihe himamu kumbu Tate mena lyandje, e mu pe tjo.

Johannes 15:7

Andaa mamu kala mwaame, nodhondaka dhandje hadhi kala mun̯e, atjihe soka himamu hala okukumba, mamu ke tji ningilwa.

Ovilinga 14:3

Paulus naBarnabas va ninga omatango moIkonium. Va teetha ondaka yaKalunga nouvandhi. Muhona Kalunga wa koleka odhondaka dhet̯ilonkenda lye, hiaa yandjele ovayapostoli okuundapa ovilingatangan̯eko novilingakumithi.

Ovilinga 2:1

Iya etango lyaPentekoste hilye thiki, ovaitaveli avehe va vadhwa ava ongana poluvedhe lumo.

Ovilinga 2:2

Dhivadhiva pa popya ondaka ndjaa dha meulu, ndjaa li amai ngala ombepo amai pepe nodhonkono, hai yula mondjuwo aihe muva li ava kala pohi.

Ovilinga 2:4

Wo avehe ve yulithwa Ombepo Ondhilikwa, hava utu okupopya omalaka amo ngae lili, Ombepo Ondhilikwa ngahi ye ve pa va popye.

Ovilinga 4:13

Ovanene wOtjoongi va kuminwa ouvandhi waPetrus naJohannes nahiva mona okutya ovayapostoli mboka va li vala ovantu mbahava longelwe. Iya wo ve ve ivilwe okutya ovalumentu mboka nahi va kala naJesus.

Ovilinga 4:29

Muhona, taa tuutuu himave tu tilitha, nt̯e tuvantu woye. Tu pa wo ouvandhi wokuteetha odhondaka dhoye.

Ovafilippi 1:14

Odhonkuto dhandje dha etele ovakwetu ovengi muMuhona ouvandhi wokuteetha odhondaka dhaKalunga, háve na owoma.

Ovafilippi 1:20

Ekevelelo neliun̯iko lyandje hoolyondi okutya ame híme ka t̯ithwa ohon̯i nokanunu, iya Kristus ma ka tumbalekwa nouvandhi auhe napano naapehe kwaame, kutya omomwenyo ne omet̯o.

Jakob 1:5

Iya andaa umo owomun̯e ma hepa ounongo, nga kumbe kuKalunga, me u pewa. Kalunga u yandja kovantu avehe, ka pungulula.