Ovilinga 4:30 - Etestamende Epe Moludhimba

³⁰ Yela okuwoko kwoye okuvelula ovavedhi, ove u undape ovilingatangan̯eko novilingakumithi mena lyaJesus, omuntu woye omudhilikwa.”

Ovilinga 4:30 Iomraidhean Croise

Johannes 4:48

Jesus we mu heela ha tyaa: “N̯e andaa kamu mwene ovilingatangan̯eko novilingakumithi, kaamu itavele.”

Ovilinga 2:22

“Vantu n̯e Ovaisraeli, teelelen̯i odhondaka hendhi! Jesus Omunasareta wa li omulumentu ngwaa holowolwa kuKalunga. Vaisraeli, Kalunga we mu holololela tjo kovilingankono, kovilingakumithi nokomatangan̯eko ngoka Kalunga ngaa undapetha Jesus mokati ken̯i, n̯e ovene ngahi mu tji i nawa.

Ovilinga 2:43

Ovantu avehe va kala nowoma, novayapostoli va undapele ovilingakumithi nomatangan̯eko omengi.

Ovilinga 3:13

Kalunga kaAbraham, Kalunga kaIsak naKalunga kaJakob, Kalunga kootateombwale, wa tumbaleketha omuntu we Jesus, ngumwa yandja, a dhipawe, hamu litendele ye movipathi vyaPilatus ngwaa pangele ompango yoku mu yetha.

Ovilinga 3:16

Iya ena hendi ndyaa itavela, lya koleke omulumentu hengu ngumu lwete, ngumu i, neitavelo ndyoka muJesus lya velula omulumentu hengu movipathi vyen̯i.

Ovilinga 3:6

Iya Petrus we mu heela ha tyaa: “Ame hí na tja odhombongo, iya hehi hindji na tjo, otjo me ku pa. Mena lyaJesus Kristus Omunasareta me ku heele okutya kulama, enda.”

Ovilinga 4:10

tji iwen̯i nawa amuhe otjiwan̯a tjaIsrael atjihe okutya omulumentu nguu li kovipala vyen̯i wa velulwa mena lyaJesus Kristus Omunasareta, ngumwa papela komutjaakano, Kalunga we mu imuna kout̯e.

Ovilinga 4:27

Iya Herodes naPontius Pilatus pamo novapaani notjiwan̯a tjaIsrael va ongana motjitungwalongo hehi okukondjetha Jesus, omuntu woye omudhilikwa, ngoka nguwa ninga Messias.

Ovilinga 5:12

Ovayapostoli va ninga ovilingatangan̯eko novilingakumithi ovingi mokati kovantu. Ovaitaveli avehe va li ava onganene pamo motjiwalanda tjaSalomo.

Ovilinga 6:8

Stefanus wa pelwe elao nodhonkono kuKalunga. Wa undapa ovilingakumithi novilingatangan̯eko ovinene mokati kovantu.