Ovilinga 4:29 - Etestamende Epe Moludhimba

²⁹ Muhona, taa tuutuu himave tu tilitha, nt̯e tuvantu woye. Tu pa wo ouvandhi wokuteetha odhondaka dhoye.

Ovilinga 4:29 Iomraidhean Croise

Ovilinga 13:46

Iya Paulus naBarnabas va popya nouvandhi hava tyaa: “Nt̯e olutenga tainkolo hátuya teethela ovantu vamo, on̯e twa thele okuteethela ondaka hendji yaKalunga. Iya n̯e kamu i tambulile. Hehi matji tya, n̯e mwe limona okutya kamu thevelwe okuya momwenyo waapehe. Iya nt̯e napano matu ka teethela ovapaani.

Ovilinga 14:3

Paulus naBarnabas va ninga omatango moIkonium. Va teetha ondaka yaKalunga nouvandhi. Muhona Kalunga wa koleka odhondaka dhet̯ilonkenda lye, hiaa yandjele ovayapostoli okuundapa ovilingatangan̯eko novilingakumithi.

Ovilinga 19:8

Paulus wa ya kosinagoga, ha tompola nawo, ha kondjo oku ve teethela nouvandhi ouhunga notjilongo tjaKalunga oule womiedhi vitatu.

Ovilinga 26:26

Hamba, ame me ku hipululile ovipuka hembi nomutima auhe, mena lyokutya ove u vi i nawa. Ndji tji i nawa okutya ovipuka avihe hembi we vi koneka, mena lyokutya kavi ningililwe meholamo.

Ovilinga 28:31

Ovantu we ve teethela nouvandhi otjilongo tjaKalunga, he ve hipululile Muhona Jesus Kristus, ye ka tjaelelwe komuntu noumo.

Ovilinga 4:13

Ovanene wOtjoongi va kuminwa ouvandhi waPetrus naJohannes nahiva mona okutya ovayapostoli mboka va li vala ovantu mbahava longelwe. Iya wo ve ve ivilwe okutya ovalumentu mboka nahi va kala naJesus.

Ovilinga 4:21

Ovanene wOtjoongi ve ve anda nodhonkono, have ve yetha. Wo va mona okutya kaatji tjiiwa oku ve yumaneka, mena lyokutya ovantu avehe va li amava tumbaleke Kalunga mena lyotjipuka soka hitja ningwa.

Ovilinga 4:31

Ovaitaveli hiva mana okukumba, oluvedhe mpoka mpava li amava kumbile, hapa teketa. Wo avehe ve yulithwa Ombepo Ondhilikwa, hava utu okupopya nouvandhi odhondaka dhaKalunga.

Ovilinga 9:27

Iya Barnabas we mu itha po, he mu twala kovayapostoli. Barnabas wa hipululila ovayapostoli okutya Saulus wa mona Muhona mondjila yokuya koDamasko, ha popi naye. Ye he ve heele uke okutya moDamasko Saulus wa teetha nouvandhi ena lyaJesus.

Ovilinga 9:28

Iya Saulus wa kala povaitaveli, wa enda motjitungwalongo atjihe tjaJerusalem otjo ma teetha ena lyaMuhona Jesus nouvandhi ounene.

1 Ovakorinto 14:13

Iya omuntu nguma popi momalaka ngahae iwe, nga kumbe kuKalunga, e mu pe ounongo wokupitiya omalaka ngoka himaa popi.

2 Ovakorinto 3:12

Iya hitu na ekevelelo ndii lithike hempa, matu popi nouvandhi.

Ovafilippi 1:14

Odhonkuto dhandje dha etele ovakwetu ovengi muMuhona ouvandhi wokuteetha odhondaka dhaKalunga, háve na owoma.

1 Ovatessalonika 2:2

Ngahi mu tji i ae okutya twa tatethelwe moFilippi, hatu monethwa ovihuna. Iya twa li nouvandhi muKalunga ketu oku mu teethela ondaka ombwa nandaku tiwa pa li ekondjo enene.

2 Timoteus 4:17

Iya Muhona Jesus u li pamo naame, wa mpa odhonkono, opo mba dha okuteetha ondaka ombwa ndjaa hwile po, i teeke kovantu avehe. Iya mba hupithwa motjinyo tjonkeyama.