Ovilinga 3:20 - Etestamende Epe Moludhimba

²⁰ opo Muhona Kalunga e ke mu tumine otembu ombwa yomatendeleko. Iya ye me ke mu tumina Messias ngumwa udhikilwa ae lukulu, oye e li Jesus.

Ovilinga 3:20 Iomraidhean Croise

Mateus 16:27

Iya Omuna wOmuntu me ke ya metumbalo lyaIhe pamo novaengeli ve. Ye ma ka thuta omuntu auhe hitji lithike povilinga vye.

Mateus 24:3

Jesus hiaa li aa kala pohi kOndundu yomiholivi, ovalongwa ve ve ya kuye, have mu pula pokampengi hava tyaa: “Tu heela okutya ovipuka hembi mavi ka ningwa nalun̯i, netangan̯eko lyokuya kwoye nolyehulilo lyouye olin̯i?”

Markus 13:26

Iya ovantu mava ka mona Omuna wOmuntu ame ya momakaka okeulu, ae na odhonkono odhonene netumbalo.

Lukas 19:11

Iya wo hiva li amava teelele ovipuka hembi, wa wedha ko uke eeli limo. Iya mena lyokutya wa li popedhi naJerusalem, ovantu va soka okutya otjilongo tjaKalunga matji ya dhiva.

Lukas 21:27

Iya mava ka mona Omuna wOmuntu ame ya mekaka, ae na odhonkono netumbalo enene.

Ovilinga 17:31

Iya ye wa twaa po etango hima ka koya ouye pauvyuuki, me ke u koyetha omulumentu ngoka ngwaa holowola. Ye wa yulikila ovantu avehe otjipuka hehi poluhandja, hiaa imuna omulumentu ngoka kout̯e.”

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovilinga 3:21

Iya Jesus ma tha okukala meulu, katee Kalunga ovipuka avihe me vi ningi ovipe, Kalunga ngahi a popya ae lukulu okupitila movinyo vyovaprofeti ve ovadhilikwa.

2 Ovatessalonika 2:2

hámu ngwangwanekwa dhiva, n̯e hámu tilithwa nokanunu kombepo ne kondaka ne komukanda mbumau ngala wa dhi kunt̯e ngambumau tya etango lyaMuhona lye ya.

2 Ovatessalonika 2:8

Omunauvi ma ka hololoka, iya Muhona Jesus me ke mu dhipaa nomuku womotjinyo. Okuhololoka kwaJesus hime ya, ma ku ka han̯auna po omunauvi.

Ovaheberi 9:28

Iya naKristus wo wa yambwa otjikando tjimo, opo a ithe po odhonkali dhovengi. Iya me ke ya otjikando otjityavali, hakuya okwiitha po odhonkali, iya ma ka etela ehupitho mboka mbave mu kevelela.

Eholololo 1:7

Taa tuutuu, ye me ya momakaka, nomeho ovantu avehe mae ke mu mona, nambave mu twela neonga mave ke mu mona, noviwan̯a avihe vyokombanda yohi mavi ka lila himavi mu mono. Iinga matji ka ningwa! Amen.