Ovilinga 3:1 - Etestamende Epe Moludhimba

¹ Petrus naJohannes va ile kotempeli mondatu yokomatango, ndjaa li owola yokukumba.

Ovilinga 3:1 Iomraidhean Croise

Mateus 17:1

Iya kon̯ima yomatango epandu Jesus wa itha po Petrus naJakob nomunitje Johannes, he ve twala kondundu onde, ve ke likalele.

Mateus 26:37

Wa itha po Petrus noomunkwaSebedeus vavali. Wa uta okweetetha onkenda, he ihamenwa.

Mateus 27:45

Iya owola omulongo nambali yokomutenya kwe ya et̯iku motjilongo atjihe, lyo hali kala ko katee owola ontyatatu yokomutenya.

Lukas 1:10

Engundwa lyovantu lya li pondje, amali kumbu powola yetwiimin̯o.

Lukas 18:10

“Ovalumentu vavali va ya motempeli oku ka kumba, umo Omufarisai nomukwawo omuthendelethi.

Lukas 22:8

Jesus wa tuma ko Petrus naJohannes ha tyaa: “Enden̯i, mu ke tu longekedhele ondjona yOpaasa ndjimatu ya okulya.”

Lukas 24:53

Wo apehe va kala motempeli otjo mava hivilike Kalunga.

Johannes 21:7

Omulongwa ngoka nahi nguu holwe kuJesus, wa heela Petrus ha tyaa: “OMuhona!” Simon Petrus hiaa tee okutya oMuhona, wa dhala ombaikitha ye, mena lyokutya wa vadhwa aa dhala ovikutu vyokohi aviika, ha lombokele momeva.

Ovilinga 10:3

Etango limo powola ontyatatu yokomatango Kornelius wa mona emoneko, omweengeli waKalunga ame ya kuye, ye he mu ithana ha tyaa: “Kornelius!”

Ovilinga 10:30

Kornelius wa yaka ha tyaa: “Iya hipa piti omatango ane powola nawanawa ngahendji, ame mba vadhwa ame kumbu monganda yandje powola ondatu yokomatango. Dhivadhiva mbe ya okulihaka momulumentu ngwaa kulama komeho yandje, nguu na ovikutu mbimavi ngen̯auka.

Ovilinga 2:46

Etango alihe va ongana pamo motempeli nomutima umo. Wo va lya pamo modhonganda nodhonganda, have liyandjele ovikulya vyawo nawa nehuluko,

Ovilinga 3:3

Omulumentu hengu hiaa mono Petrus naJohannes, hiva li amava hiti motempeli, we ve kumba, ve mu pe odhombongo.

Ovilinga 3:4

Petrus naJohannes ve mu tongolola, Petrus ha tyaa: “Tala kunt̯e!”

Ovilinga 4:13

Ovanene wOtjoongi va kuminwa ouvandhi waPetrus naJohannes nahiva mona okutya ovayapostoli mboka va li vala ovantu mbahava longelwe. Iya wo ve ve ivilwe okutya ovalumentu mboka nahi va kala naJesus.

Ovilinga 5:25

Iya mondjuwo yOtjoongi mwe ya omulumentu umo, he ve heele ha tyaa: “Teelelen̯i, ovalumentu mbenya mbamwa twiile mokaliwoso, ve li motempeli mava longo ovantu.”

Ovilinga 8:14

Ovayapostoli womoJerusalem hiva tee okutya Ovasamaria va itavele odhondaka dhaKalunga, ve ve tumina Petrus naJohannes.

Ovagalati 2:9

Iya Jakob naPetrus naJohannes mboka mbava talwa okutya odhongundhi dheongalo, va koneka okutya Kalunga oye a mpa otjilinga hehi. Iya ve tu pa omawoko himatji yulike okutya twa ile omapanga, nt̯e naBarnabas tu ende kovapaani, wo va ende kOvajuda.