Ovilinga 27:40 - Etestamende Epe Moludhimba

⁴⁰ Wo va teta po odhongodhi dhovikulameno vyombapolo, have vi yethele melunga. Iya moluvedhe lwatjo vala ndoka va kutulula odhongodhi ndhaa kutile ovisungitho. Wo va yela olona yokomeho yombapolo peulu, okutya ombepo i yundulile ombapolo kontyo yelunga.

Ovilinga 27:40 Iomraidhean Croise

Mateus 4:18

Jesus hiaa li ama lamba kontyo yelunga lyaGalilea, wa mona ovalilanduli vavali, Simon nguu tiwa oPetrus nomunitje Andreas, va li amava yumbu owaanda melunga, mena lyokutya va li ovahwee wodhohi.

Ovilinga 27:17

Iya hiva nanene okawato mombapolo, va uta okuvalanga ombapolo nomapanda, mena lyokutya va li amava tila okutya pamo ombapolo mai ke litona modhontuntu dhomaheke omomeva kut̯a koLibia. Va thothonona odholona, tjau hava twalwatwalwa nombepo.

Ovilinga 27:41

Iya ombapolo ye litona montuntu yeheke ndjaa li kohi yomeva, ontulo yayo hai kakatele, nokunyunguta ahamai nyunguta uke. Iya ombinga yokon̯ima yombapolo ya teyaulwa nomakuthikuthi.