Ovilinga 27:23 - Etestamende Epe Moludhimba

²³ Iya motjit̯iku tjandino pwaame pe ya omweengeli waKalunga kandje, Kalunga ngoka ame ngundji undapela,

Ovilinga 27:23 Iomraidhean Croise

Johannes 12:26

Kwalukele ngoka nguma ndjundapele, nga ndandule, ame hundji li, omuntu wandje oko ma ka kala wo. Tate ma ka tumbaleka kwalukele ngoka nguma ndjundapele.

Ovilinga 12:23

Dhivadhiva omweengeli waMuhona wa yumba Herodes ouvela ounene, mena lyokutya ka tumbalekele Kalunga. Herodes wa tukwa komativa, ha t̯i.

Ovilinga 16:17

Ye wa landula Paulus pamo nant̯e, ha wololoka ha tyaa: “Ovalumentu hemba ovantu vaKalunga Owokombandambanda! Iya wo mave mu heele ondjila yehupitho.”

Ovilinga 18:9

Out̯iku umo Muhona wa popitha Paulus memoneko ha tyaa: “Hó tila, twikila okuteetha, hó nyimi,

Ovilinga 23:11

Iya otjit̯iku soka Muhona Jesus we ya puPaulus ha tyaa: “Likolethela! Ngahi wa ntjipulula moJerusalem, ngatjo u ka ntjipulula nomoRoma.”

Ovilinga 5:19

Iya mokati kovit̯iku omweengeli waMuhona Kalunga wa yelula omivelo vyokaliwoso, ha pititha mo ovayapostoli, he ve heele ha tyaa:

Ovilinga 8:26

Omweengeli waMuhona wa heela Filippus ha tyaa: “Kulama, enda nokut̯a komakumbinda otjilongo kondjila ndjii heluka koJerusalem okweenda koGasa.” Ondjila hendji i enda moluhandja.

Ovaroma 1:1

Omukanda hembu mau dhi kwaame Paulus, omupika waKristus Jesus ngumba holowolwa, he ithanwa ndji kale omuyapostoli wokuteetha ondaka ombwa yaKalunga.

Ovaroma 1:9

Kalunga, ngundji undapela nomwenyo wandje auhe hindji teetha ondaka ombwa yOmuna, oye e li ombangi yandje okutya ame apehe ndji mu thipaluka

Ovaroma 6:22

Iya napano mwa kutululwa moulundhi, mwa ila ovapika vaKalunga. Ouwa mbumamu mono monkalamwenyo yen̯i hoowombu okutya mwa ila ovadhilikwa, komaandelo mamu ka mona omwenyo waapehe.

1 Ovakorinto 6:20

Kalunga we mu yowola nondjowo ndjii na okalu. Iya omalutu en̯i ngaa tumbaleke Kalunga.

2 Timoteus 1:3

Ame me pandula Kalunga, ngundji undapela, ngootateombwale hive mu undapela, andji na elityoo ndyaa kohoka. Ndji ku thipaluka momaalikano andje omutenya nout̯iku.

2 Timoteus 2:24

Omuntu waMuhona ka tha okutanguna, iya u tha okukala omuntu omuwa, nguu hole ovantu avehe, nguma ulu okulonga ovantu, nguu na olweembya.

2 Timoteus 4:17

Iya Muhona Jesus u li pamo naame, wa mpa odhonkono, opo mba dha okuteetha ondaka ombwa ndjaa hwile po, i teeke kovantu avehe. Iya mba hupithwa motjinyo tjonkeyama.

Titus 1:1

Omukanda hembu mau dhi kwaame Paulus, omupika waKalunga nomuyapostoli waJesus Kristus, mena lyeitavelo lyovaholowolwa vaKalunga okwiiwa otjatjili tjeundapelokalunga,

Titus 2:14

ngwee liyandja omwene poluvedhe lwetu okutya e tu yowole mo mouvi auhe, ye omwene e tu kohole, tu kale otjiwan̯a tje, himatji kambulitha tjatjili ovilinga oviwa.

Ovaheberi 1:14

Ovaengeli owaan̯i? Ovaengeli avehe odhombepo ndhii undapela Kalunga, dho ndhii tumwa kuKalunga okupopila ovantu mbamava ka hupithwa.

Eholololo 22:16

“Aame Jesus, mba tuma omweengeli wandje, e mu hipululile ovipuka mbyoka momaongalo. Aame ontekulona yomoluyumuko lwaDavid, onyothi yomuhuka ndjii laima.”