Ovilinga 27:17 - Etestamende Epe Moludhimba

¹⁷ Iya hiva nanene okawato mombapolo, va uta okuvalanga ombapolo nomapanda, mena lyokutya va li amava tila okutya pamo ombapolo mai ke litona modhontuntu dhomaheke omomeva kut̯a koLibia. Va thothonona odholona, tjau hava twalwatwalwa nombepo.

Ovilinga 27:17 Iomraidhean Croise

Ovilinga 27:16

Twa ka kondoloka nompanga ndjii tiwa oKauda, hoka huhakwa li ombepo onene. Pompuka mpoka twa kondja noudheu okutwaa okawato mombapolo.

Ovilinga 27:26

Iya nt̯e matu ka yekelwahi kontyo yompanga imo.”

Ovilinga 27:29

Wo va li amava tila okutya ombapolo mai ke litona momawe kohi yomeva, va yumba ovikulameno vine vyombapolo kon̯ima, wo ve hulililwe, va li amava hala ku tje.

Ovilinga 27:40

Wo va teta po odhongodhi dhovikulameno vyombapolo, have vi yethele melunga. Iya moluvedhe lwatjo vala ndoka va kutulula odhongodhi ndhaa kutile ovisungitho. Wo va yela olona yokomeho yombapolo peulu, okutya ombepo i yundulile ombapolo kontyo yelunga.

Ovilinga 27:41

Iya ombapolo ye litona montuntu yeheke ndjaa li kohi yomeva, ontulo yayo hai kakatele, nokunyunguta ahamai nyunguta uke. Iya ombinga yokon̯ima yombapolo ya teyaulwa nomakuthikuthi.