Ovilinga 27:1 - Etestamende Epe Moludhimba

¹ Iya hipa tokolwa okutya nt̯e matu i nombapolo koItalia, Paulus nodhonkwatwa dhimo odhonkwawo va yandjwa momawoko omunene wovakwavita nguu tiwa oJulius, ngwaa li umo owomotjilombo tjomukesari.

Ovilinga 27:1 Iomraidhean Croise

Mateus 27:54

Omunene wovakwavita namboka mbava li amava yungu pamo naye, hiva mono eteketo lyohi novipuka avihe mbyaa ningwa po, va li ava tila unene, hava tyaa: “Omuntu hengu otjatjili wa li OmunwaKalunga.”

Lukas 23:47

Iya omunene wovakwavita hiaa mono soka hitja ningwa, wa tumbaleka Kalunga, ha tyaa: “Omuntu hengu otjatjili wa li omuvyuuki.”

Lukas 7:2

Kwa li omunene wovakwavita ngwaa li nomupika we ngwaa li ama vele, ye ngwaa li popavi. Omunene wovakwavita wa li ae hole unene omupika we.

Ovilinga 10:1

MoKesarea mwa li omulumentu nguu tiwa oKornelius, omunene wovakwavita wotjilombo tjaItalia.

Ovilinga 10:22

Wo ve mu yaka hava tyaa: “Nt̯e twa tumwa komunene wovakwavita Kornelius. Ye omulumentu omuwa unene omutilikalunga, ngwaa tumbalekwa unene kOvajuda avehe. Wa heelwa komweengeli omudhilikwa memoneko e ku ithane, u ye konganda ye, a tyee soka hiuu na tjo, u mu heele.”

Ovilinga 16:10

Iya Paulus hiaa mona emoneko, dhivadhiva twa uta okulipula ondjila yokuya koMakedonia, mena lyokutya twa mona okutya Kalunga we tu ithana, tu ka teethe ondaka ombwa kovantu womotjilongo soka.

Ovilinga 18:2

MoKorinto omo a ka vadha Omujuda nguu tiwa oAkula nomukadhe Priskila. Omulumentu hengu wa yumukilwa moPontus, wa vadhwa opo e ya okudha koItalia, mena lyokutya omukesari Klaudius wa heela Ovajuda avehe okutya ngava dhe mo moRoma. Paulus wa ya oku ke ve tala,

Ovilinga 19:21

Kon̯ima yovipuka avihe mbyaa ningwa ko, Paulus wa tokola okuyatakana moMakedonia naAkaia hima i koJerusalem. Ye wa popya ha tyaa: “Hime dhi ho, me tha okuya koRoma.”

Ovilinga 21:32

Ondjai yovita ya itha po dhivadhiva ovakwavita novanene wovakwavita, hava ka dhamukila kowingi wovantu. Iya owingi wovantu hiwa mono ondjai novakwavita, Paulus ve mu yetha oku mu tona.

Ovilinga 22:26

Omunene hengu hiee tji tee, wa ya kondjai, he mu pula ha tyaa: “Mo hala okuninga vi nyahoka? Omulumentu hengu Omuroma.”

Ovilinga 23:11

Iya otjit̯iku soka Muhona Jesus we ya puPaulus ha tyaa: “Likolethela! Ngahi wa ntjipulula moJerusalem, ngatjo u ka ntjipulula nomoRoma.”

Ovilinga 23:17

Iya Paulus wa ithana omunene wovakwavita umo, he mu heele ha tyaa: “Twala etele hendi kondjai yovita, mena lyokutya u na hime ke mu heela.”

Ovilinga 24:23

Feliks wa heela omunene wovakwavita nguu yunga Paulus okutya nge mu yunge uke, ye nga yandje okaluvedhe komapanga aPaulus, ve mu etele atjihe hima hepa.

Ovilinga 25:12

Festus hiaa tompola nodhosekulu dhe, wa heela Paulus ha tyaa: “Ove hiwe liameke komukesari, oko mo i.”

Ovilinga 25:25

Iya hí na hindji lwete hiaa lundha hitja thele oku mu dhipaetha. Ye omwene we liameka komukesari, opo mba dhi oku mu tuma kuye.

Ovilinga 27:11

Iya Julius wa itavela momweendethi nomomwene wombapolo okupon̯a podhondaka dhaPaulus.

Ovilinga 27:43

Iya omunene wovakwavita wa li ama hala okuhupitha Paulus, ye ka yandjelele ovakwavita va dhipae odhonkwatwa. Iya ye wa heela mbave tji i okuywaa, okutya ngawo va lombokela olutenga melunga, va ywee okweenda kontyo.

Ovilinga 27:6

MoMira, omunene wovakwavita Julius wa vadha mo ombapolo ndjimai dhi koAleksandria ndjaa vyuuka koItalia, he tu heele okutya ngamo tu londa.

Ovilinga 28:1

Iya hitwe thiki nawa kontyo, twa tyaa okutya ena lyompanga ndjoka oMalta.

Ovilinga 28:16

Iya hitwe ya moRoma, Paulus wa yethwa, a kale kuye omwene, ha pewa omukwavita ngume mu yungu.

Ovaheberi 13:24

Menekelen̯i po mbave mu viyula avehe, n̯e mu menekele po ovadhilikwa avehe. Menekelen̯i po ovakriste vakwetu mbava dha koItalia.