Ovilinga 26:29 - Etestamende Epe Moludhimba

²⁹ Paulus we mu yaka ha tyaa: “Katji na otjilinga u tya oluvedhe olule ne oluthupi, ame me kumbu vala Kalunga okutya ove pamo novantu avehe mboka mbamava nteelele napano mu ninge ovakriste ngaame, kakele n̯e vala ahamamu kala modhonkuto.”

Ovilinga 26:29 Iomraidhean Croise

Johannes 5:34

Iya ame híme hepwa otjihipululo tjomuntu, iya me popi ovipuka hembi, opo mu hupithwe.

Ovilinga 12:6

Otjit̯iku soka tainkolo etango ndyoka Herodes ndyaa li aa soko okweeta Petrus movipathi vyovantu avehe, Petrus wa lalele pokati kovakwavita vavali. Ye wa li aa kutwa nomalyenge avali, po pomuvelo wokaliwoso pa li ovakwavita.

Ovilinga 21:33

Ondjai ya vyuukilila kuPaulus, hai mu kambulitha, hai tya nga kutwe nomalyenge avali, ye hai mu pula okutya omulumentu nguka aan̯i, ye wa ninga tji?

Ovilinga 25:14

Iya hiva ningi mo omatango amo, Festus wa hipululila ohamba onkalo yaPaulus ha tyaa: “Muka mu na omulumentu ngwee thiwa mo kuFeliks.

Ovaroma 10:1

Vakwetu, me hala nomutima wandje auhe Ovaisraeli va hupithwe. Iya me kumbu kuKalunga va hupithwe.

1 Ovakorinto 4:8

N̯e mu na tja ae atjihe himamu hepa. Muvahona, mwa ila odhohamba nandaku tiwa nt̯e katudhohamba. Mbe tje hala mu ile naa odhohamba, opo nant̯e wo tu ile odhohamba pamo nan̯e.

1 Ovakorinto 7:7

Iya ame me hala ovantu avehe va kale ngaame, atjaa omuntu auhe wa pewa otjali tje omwene kuKalunga, umo wa pewa otjontumba, omukwawo otjongandi.

2 Ovakorinto 11:1

Ame me hala mu likambulithile kanunu ouhima wandje. Alikana, linkambulithila ndjen̯i.

Ovaefeso 6:20

Iya ame ndjimukalelepo wondaka ombwa nandaku tiwa napano ndji li momalyenge. Iya nkumbila ndjen̯i, opo hime teetha ndji popye nouvandhi ngahi mba thele okupopya.

Ovakolossa 1:28

Matu teetha Kristus, hatu ilikin̯a, hatu longo omuntu auhe nounongo auhe, opo tu kaleke omuntu auhe poluhandja, a kule muKristus.