Ovilinga 26:28 - Etestamende Epe Moludhimba

²⁸ Agrippa wa yaka Paulus ha tyaa: “Mo tya pamo mo ndingi omukriste mokaluvedhe okathupi?”

Ovilinga 26:28 Iomraidhean Croise

Mateus 10:18

Iya mena lyokutya muvalongwa vandje mave ke mu twala kovatumini nokodhohamba, mu ninge odhombangi dhokuntjipulula kuwo nokoviwan̯a.

Markus 6:20

Herodes wa li aa tila Johannes, mena lyokutya wa li ae mu i okutya omulumentu omuvyuuki ye omudhilikwa, iya we mu amena. Wa li ae hole oku mu teelela, nandaku tiwa moku mu teelela u mu kulungitha omutima.

Ovilinga 11:26

Iya hiee mu mono, we mu eta koAntiokia. Barnabas naSaulus va kala pamo meongalo ombula imo, meongalo moka va longa mo ovantu ovengi. MoAntiokia ovaitaveli omo va uta okulukwa ovakriste.

Ovilinga 24:25

Iya Paulus hiaa popya uke ouhunga nouvyuuki neliyungo netango lyekoyo ndimali ya, Feliks wa tila, ye ha tyaa: “Tjau tja hulu, ngotji i, me ke ku ithana uke kon̯ima, andaa mba mono okaluvedhe.”

Ovilinga 26:27

Hamba Agrippa, ove wa itavela tuu ovaprofeti? Ame ndji tji i okutya wa itavela.”

Ovilinga 26:29

Paulus we mu yaka ha tyaa: “Katji na otjilinga u tya oluvedhe olule ne oluthupi, ame me kumbu vala Kalunga okutya ove pamo novantu avehe mboka mbamava nteelele napano mu ninge ovakriste ngaame, kakele n̯e vala ahamamu kala modhonkuto.”

2 Ovakorinto 4:2

Iya nt̯e twa yetha ovipuka avihe vyomeholamo ovit̯ithahon̯i, iya kaatu lungamene, ne okupidhidhika odhondaka dhaKalunga, iya matu popi otjatjili, hatu lihololola kelityoo lyomuntu auhe kotjipala tjaKalunga.

1 Petrus 4:16

Iya amamu tatethwa mena lyokutya muvakriste, hámu t̯a ohon̯i, tumbaleken̯i Kalunga, mena lyokutya ovantu ve mu tya muvakriste.