Ovilinga 26:22 - Etestamende Epe Moludhimba

²² Iya Kalunga wa mpopila katee kundino hendi, opo mba dhi okukulama hempa, hime hipululile ovantu avehe ovanene novanunu, hí na tjimo hime popi, me popi soka ovaprofeti naMoses hiva tile matji ka ningwa

Ovilinga 26:22 Iomraidhean Croise

Mateus 26:24

Iinga, Omuna wOmuntu ma i, ngahi tja sonekwa ouhunga naye, atjaa utatyei omuntu ngoka nguma ka weleleka Omuna wOmuntu! Omuntu ngoka ngaile ka yumukilwe, ngai hahe.”

Lukas 16:28

mena lyokutya ndji na ovanitjandje ovalumentu vatano, ngava ka ilikin̯we, ahamave ya moluvedhe hendu lwoviihamo.’

Lukas 24:27

Jesus wa uta muMoses nomovaprofeti avehe, he ve thitululile mbyoka avihe omisonekwa mbivya popya ouhunga naye.

Lukas 24:44

Iya we ve heela ha tyaa: “Odhondaka hendhi odho mbe mu heela, tainkolo mba li pun̯e, himba tile avihe mbyoka mbyaa ntjonekelwa moveta yaMoses, momisonekwa vyovaprofeti nOmapisalomi vya thele okuhwithilwa po.”

Lukas 24:46

he ve heele ha tyaa: “Kwa sonekwa okutya Messias wa thele okutatethwa, ha ka imunwa kout̯e etango etyatatu.

Johannes 1:17

Iya oveta Kalunga we i yandja ya pitila muMoses, et̯ilonkenda notjatjili vya etwa kuJesus Kristus.

Johannes 1:45

Filippus wa wanena naNatanael, ha tyaa: “Nt̯e twa mona omulumentu ngoka ngwaa sonekwa kuMoses membo lyoveta nokovaprofeti, Jesus, omunwaJosef, Omunasareta.”

Johannes 5:39

N̯e mamu thongonona mOmisonekwa, mena lyokutya mamu soko okutya muvyo omo mamu mono omwenyo waapehe. Omisonekwa mbyoka ovyo nawanawa mavi ntjipulula.

Johannes 5:46

Iya ngaile mwa itavelele Moses, ngai naame wo mwa ndjitavela, mena lyokutya Moses wa soneka ama ntjipulula.

Ovilinga 10:43

Ovaprofeti avehe va popile Jesus okutya omuntu auhe nguma itavele muye, ma ithilwa po odhonkali dhe mena lye.”

Ovilinga 13:29

Hiva dhi pokuninga ovipuka avihe, ngahi a popiwa momisonekwa, ve mu itha ko komutjaakano, have mu paka mombila.

Ovilinga 24:14

Ame hempa kotjipala tjoye me hipulula okutya ndji undapela Kalunga kootateombwale nokulandula ondjila yaMuhona Jesus, ndjoka wo ndjimava tya ya puka. Mba itavela movipuka avihe mbyoka mbyaa sonekwa moveta yaMoses nomomambo ovaprofeti.

Ovilinga 26:17

Ame me ke ku hupitha momawoko Ovajuda nomomawoko ovapaani mboka hume ke ku tuma

Ovilinga 26:6

Napano mba kulama hempa me koywa mena lyekevelelo lyeun̯iko ndyoka Kalunga ndyaa udhikila ootateombwale.

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

Ovaroma 3:21

Iya napano Kalunga wa hololola po ondjila yokuninga omuntu a ile omuvyuuki, hátji na tja noveta, oveta novaprofeti nawo ve tji hipulula.

1 Ovakorinto 15:3

Mbyaa tumbala unene komeho yovipuka avihe mbyoka mbimba pewa, mbe mu etela vyo, okutya Kristus wa t̯ila odhonkali dhetu, omisonekwa ngahi mavi popi,

1 Ovakorinto 15:4

okutya ye wa pakwa, wa imunwa kout̯e etango etyatatu, omisonekwa ngahi mavi popi.

2 Timoteus 3:11

momatatetho, movihuna mbyaa mbadha moAntiokia, moIkonium, moListra. Iya Muhona wa ntjupitha mo movipuka hembi avihe.

Eholololo 11:18

Oviwan̯a vya yumana unene, iya otembu yoye ye ya okuyulika oluyuma lwoye, okukoya ovat̯e, okuthuta ovantu woye, ovaprofeti novantu woye ovadhilikwa, nambava tila ena lyoye, ovanene novanunu, nokuhan̯auna po mbava han̯auna ohi.”

Eholololo 15:3

Va imba otjiimbo tjaMoses, omuntu waKalunga, va imba hitja imbwa kOndjona hava tyaa: “Ovilinga vyoye ovinene vyo ovikumithi, Muhona Kalunga Omutuminiwaavihe. Odhondjila dhoye dha vyuuka dho odhatjatjili, Hamba yoviwan̯a.

Eholololo 20:12

Mba mona ovat̯e ovanene novanunu mbava kulama kotjipala tjotjipunditumino. Iya omambo a li aa t̯imunwa. Embo ekwawo ndyoka ndyaa li embo lyomwenyo lya li alya t̯imunwa. Ovat̯e va koyelwa ovipuka ngahi vya sonekwa momambo novilinga vyawo.