Ovilinga 26:20 - Etestamende Epe Moludhimba

²⁰ Iya olutenga mba teethela owomoDamasko nowomoJerusalem nowomotjilongo atjihe tjaJudea nomokati kovapaani wo okutya ve liteyulule, ve ye kuKalunga, va undape ovilinga mbyoka mbimavi yulike okutya wo ve liteyulula.

Ovilinga 26:20 Iomraidhean Croise

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 3:8

Iya undapen̯i ovipuka mbimavi yulike okutya mwe liteyulula.

Mateus 4:17

Iya mpoka Jesus opo a utila okuteetha ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 9:13

Iya enden̯i mu ke lilonge otjipuka hehi okutya matji tya vi: ‘Onkenda me hala, hamayambo.’ Ame hí dhile okwiithana ovavyuuki, iya mbe ya okwiithana ovalundhi.”

Markus 6:12

Wo va ya, hava ka teetha okutya ovantu ngave liteyulule.

Lukas 1:16

Ovaisraeli ovengi me ke ve tjun̯a kuMuhona, Kalunga kawo.

Lukas 13:3

Aai mba tya, iya ndahamu liteyulula, nan̯e wo amuhe otjo mamu ka t̯a.

Lukas 13:5

Aai mba tya, iya ndahamu liteyulula, nan̯e wo amuhe otjo mamu ka t̯a.”

Lukas 15:10

Iya me mu heele okutya otjo tji li wo novaengeli vaKalunga, ve hulukilwa omulundhi umo ngwee liteyulula.”

Lukas 15:7

Me mu heele okutya iya otjo tji li, nomeulu mamu ka kala ehuluko enene lyokuhulukilwa omulundhi umo ngwee liteyulula okupon̯a okuhulukilwa ovavyuuki omilongo omoovi nomoovi mbahamava hepa okuliteyulula.

Ovilinga 11:18

Iya wo hiva tee odhondaka hendhi, kave na uke hiva popya, va hivilika Kalunga hava tyaa: “Kalunga wa yandja oluvedhe kovapaani, ve liteyulule, opo va kale nomwenyo.”

Ovilinga 15:19

Jakob wa twikila okupopya ha tyaa: “Ame me lipula hinyahi okutya andaa ovapaani ve liteyulula, hava itavele muKalunga, hátu ve twike uke oudheu.

Ovilinga 17:30

Kalunga we likambulithila ovantu potembu ndjoka hiva li ahave mu i. Iya napano ma heele ovantu avehe akuhe ve liteyulule.

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 20:21

Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 26:17

Ame me ke ku hupitha momawoko Ovajuda nomomawoko ovapaani mboka hume ke ku tuma

Ovilinga 26:19

“Iya hamba Agrippa, ame mba itavela kemoneko lyokeulu.

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovilinga 9:15

Muhona wa heela Ananias ha tyaa: “Enda ko, mena lyokutya ame mbe mu holowola, a ndjundapele, ye a ivithe ena lyandje koviwan̯a vyovapaani nokodhohamba dhawo nokOvaisraeli.

Ovilinga 9:35

Ovantu avehe mbava kala moLidda nomoSaron ve mu mona, hava ningi ovaitaveli vaMuhona.

Ovaroma 2:4

Ne wa tomba ouwa waKalunga ounene, nelikambulithilo, nolweembya lwe? Ku konekele ouwa waKalunga mbumau ku nana, u liteyulule?

2 Ovakorinto 3:16

Iya omuntu auhe ama tjuna kuMuhona, otjitopa matji ithwa po.

2 Ovakorinto 7:10

Iya okuningithwa omitima omivi kehalo lyaKalunga kwe etela omuntu eliteyululo. Eliteyululo li etela omuntu ehupitho, iya okuningithwa omitima omivi katji pukile. Iya okuningithwa omitima omivi mena lyouye ku twala met̯o.

Ovaefeso 4:17

Iya hehi me mu heele tjo mena lyaMuhona. Hámu ende uke ngovapaani mbahave liun̯ikile muKalunga, mbava enda mouhima wodhondunge dhawo.

1 Ovatessalonika 1:9

Ovantu ovene va hipulula, himwe tu tambula nahimwa yetha ovikalunga, hamu ya okuundapela Kalunga katjatjili omunamwenyo

Eholololo 16:11

Iya va penya Kalunga owomeulu, mena lyoviihamo vyawo nomena lyoviwalo vyawo, wo kave liteyululile kovilinga vyawo ovivi.

Eholololo 2:21

Iya ame mbe mu pa oluvedhe okutya e liteyulule, atjaa ye ka hala okuliteyulula, a yethe ovihulo vye.

Eholololo 2:5

Iya thipaluka okutjuna kwoye mon̯ima mpaku lithike, ove u liteyulule, u undape ovilinga vyoye vyolutenga. Iya andaa hatjo, me ya kwoove, he itha po otjituliko tjoye tjolamba polukalo lwatjo, andaa koo liteyulula.

Eholololo 3:3

Iya thipaluka hiwa pelwe nahiwa teele, ove u tji takamethe, u liteyulule. Iya andaa koo pathumuka, me ya ngotjimpulu, nowola ndjime ya kwoove, koo i iwa.