Ovilinga 26:2 - Etestamende Epe Moludhimba

² “Hamba Agrippa! Ndji lwete okutya ame ndjimunalao himba yandjelwa okulipopila kotjipala tjoye ndino hendi mena lyovipuka avihe mbyoka ovanene wOvajuda mbimava nkondjethele,

Ovilinga 26:2 Iomraidhean Croise

Mateus 10:19

Iya himave ke mu yandja kovatumini, hámu kala notjiho okutya mamu tya vi ne mamu popi vi, mena lyokutya mamu ka pewa powola yatjo ndjoka soka himwa thele okupopya.

Lukas 12:11

“Andaa mave mu twala kodhosinagoga nokovipala vyovanene novyovatumini, hámu kala notjiho okutya mamu ke ve yaka vi ne mamu ka popya tji,

Lukas 21:12

Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Ovilinga 25:26

Iya hí na tja nawanawa hime thitululile omukesari, opo ndji mu sonekele, iya mbe mu eta kotjipala tjen̯i, unene kotjipala tjohamba Agrippa. Iya andaa wa thongonona otjipuka tje, pamo me mono po wo tuu tja, hitja thele okusonekwa.

Ovilinga 26:1

Agrippa wa heela Paulus ha tyaa: “U na okaluvedhe kokulipopila.” Iya Paulus wa yela okuwoko, he lipopile ha tyaa:

Ovilinga 26:19

“Iya hamba Agrippa, ame mba itavela kemoneko lyokeulu.

Ovilinga 26:26

Hamba, ame me ku hipululile ovipuka hembi nomutima auhe, mena lyokutya ove u vi i nawa. Ndji tji i nawa okutya ovipuka avihe hembi we vi koneka, mena lyokutya kavi ningililwe meholamo.

Ovilinga 26:3

unene tuu ove hiuu i nawa odhonteto nomapulo aehe Ovajuda, iya ame me ku kumbu u nteelele nonkenda.

Ovilinga 26:7

Omaanda etu omulongo naavali a un̯ika eudhiko hendi okutya mali hwithilwa po, himaa undapele Kalunga omutenya nout̯iku. Ekevelelo hendi, hamba omutumbalekwa, olyo me kondjethelwa kovanene wOvajuda!