Ovilinga 26:11 - Etestamende Epe Moludhimba

¹¹ Ovikando ovingi mbe ve tonetha modhosinagoga adhihe, mba kondja oku ve n̯in̯ikidha, opo va anye eitavelo lyawo. Ame mbe ve toyele unene, katee mbe ke ve lambalamba kovitungwalongo vyovilongo vimo.”

Ovilinga 26:11 Iomraidhean Croise

Mateus 10:17

Lungamenen̯i ovantu, mave ke mu yandja kovyoongi vyovanene, have ke mu tonena modhosinagoga dhawo nodhosokoti.

Markus 13:9

“Iya lilungamenen̯i n̯e ovene. Ovantu mave ke mu yandja kovyoongi vyovanene, mamu ka tonenwa modhosinagoga, iya mamu ka twalwa kovipala vyovatumini novyodhohamba mena lyandje, mu ninge odhombangi dhokuntjipulula kuwo.

Markus 3:28

“Ame me mu heele okutya odhonkali adhihe nomapenyo aehe nandaku tiwa e lithike pi, ovantu mava ulu oku e ithilwa po.

Lukas 15:17

“Iya we litjun̯a ha tyaa: ‘Ovapika avehe vatate ve na ovikulya ovingi mbyaa kaka, atjaa ame me t̯ile hempa kondjala.

Lukas 21:12

Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Lukas 6:11

Ovantu va yumana unene, hava utu okutompola hiva thele okuninga Jesus.

Ovilinga 13:45

Iya Ovajuda hiva mono owingi wovantu himau ya kuPaulus, va uta oku ve t̯ila onki. Va penya, hava kondjetha ovipuka Paulus mbyaa popya.

Ovilinga 18:6

Ovajuda hive mu kondjetha, ve mu penya, iya Paulus we lipupula ombuma kovikutu vye, he ve heele ha tyaa: “Andaa mwa ka keka, onkali oyen̯i ovene. Ame hí na mo tja motjipuka hehi. Ame okudha ndino hendi, me i ndji ka teethele ovapaani.”

Ovilinga 22:19

Ame mbe mu yaka he tyaa: ‘Muhona, wo ve tji i ae okutya nahi ndji ya modhosinagoga okukambula nokutona ovantu avehe mboka mbave ku itavela.

Ovilinga 22:5

Nomuyambethi omunene novantu avehe womOtjoongi tjOvanene mava ulu oku tji popya okutya me popi otjatjili. Mboka owo va mpele wo omikanda mbyaa sonekelwa Ovajuda ovakwetu owokoDamasko, opo ndji ya ko, ndji ka kambule ovaitaveli, ndji ve ete koJerusalem ava kutwa nomalyenge, ve tjiiwe okuyumanekwa.

Ovilinga 9:1

Saulus wa kala ondjedhi yovaitaveli vaMuhona, wa li ama hala oku ve dhipaa. Ye wa ya komuyambethi omunene,

Jakob 2:7

Ovahona hawo va penya ena ndyoka ewa mumwa lukilwa?

2 Petrus 2:16

Hiaa puka, wa pukululwa. Ombulu ndjihai popi, ya popya ngomuntu, hai tjaele ovilinga vyomuprofeti vyowoova.