Ovilinga 24:25 - Etestamende Epe Moludhimba

²⁵ Iya Paulus hiaa popya uke ouhunga nouvyuuki neliyungo netango lyekoyo ndimali ya, Feliks wa tila, ye ha tyaa: “Tjau tja hulu, ngotji i, me ke ku ithana uke kon̯ima, andaa mba mono okaluvedhe.”

Ovilinga 24:25 Iomraidhean Croise

Mateus 22:5

Iya kava li ave na ko natja, va dha po, umo wa ya kotjana tje, omukwawo wa ka tjingitha ovipuka vye.

Johannes 16:8

Omupopili hime ke ya, ma ka yulikila ovantu wouye ouhunga noulundhi nouhunga nouvyuuki nekoyo lyaKalunga.

Ovilinga 10:42

Kalunga we tu heela tu teethele ovantu avehe ondaka ombwa noku ve hipululila Jesus okutya wa holowolwa kuKalunga, a koye ovanamwenyo novat̯e.

Ovilinga 17:13

Iya Ovajuda wokoTessalonika hiva tee okutya Paulus wa teetha odhondaka dhaKalunga moBerea, ve ya ko, hava utu okuhongaetha owingi wovantu, have ve ngwangwaneke.

Ovilinga 17:2

Paulus wa ya kosinagoga ngahi e ilila, hoka huve litetha ombata, he ve suku mOmisonekwa moule wOmasabati atatu ngae lilandula.

Ovilinga 17:32

Iya hiva tee Paulus hima popi ouhunga neimuko lyovat̯e, vamo ve mu penya, iya vamo hava tyaa: “Nt̯e matu hala okuteelela uke ovipuka hembi mbimo popi.”

Ovilinga 2:37

Iya ovantu hive tji tee, tje ve ihametha omitima, wo hava heele Petrus novayapostoli ovakwawo hava tyaa: “Valumentu vakwetu, ngatu ninge vi?”

Ovilinga 24:15

Ame ndji na ekevelelo limo nawo okutya Kalunga ma ka imuna ovantu avehe kout̯e, ovavyuuki nambahave thi ovavyuuki.

Ovilinga 24:26

Iya kombinga imo wa li ame lipula okutya pamo Paulus me mu pa odhombongo, iya wa kala ame mu ithana otwingi okutompola naye.

Ovilinga 26:28

Agrippa wa yaka Paulus ha tyaa: “Mo tya pamo mo ndingi omukriste mokaluvedhe okathupi?”

Ovilinga 9:6

Kulama, enda motjitungwalongo, moka mumo ka heelwa soka hiwa thele okuninga.”

Ovaroma 12:1

Vakwetu ame me mu ilikin̯a mena lyet̯ilonkenda lyaKalunga, yandjen̯i omalutu en̯i eyambo ndii na omwenyo, edhilikwa, hehi otjo tji li otjilinga tjen̯i tjopambepo himatji thevelwa Kalunga.

Ovaroma 14:12

Omuntu auhe munt̯e me ke lihipulula omwene kuKalunga.

Ovaroma 2:16

Hehi matji ka ningwa metango ndyoka Kalunga hima ka koya okupitila muKristus Jesus oviholekwa vyovantu, ngahi mbe mu heela mondaka ombwa ndjindji teetha.

1 Ovakorinto 4:5

Hámu koyo omuntu, tainkolo otembu háiye thika, katee Muhona me ya, nguma eta poluhandja oviholekwa vyet̯iku nokuhololola omalipulo aehe omomutima. Iya omuntu auhe ma ka pewa ompandu kuKalunga.

2 Ovakorinto 5:10

Iya atuhe matu ka hololoka kotjipala tjotjipunditumino tjaKristus, opo omuntu auhe a pewe soka hiaa undapa, tainkolo a li molutu kutya otjiwa ne otjivi.

2 Ovakorinto 6:2

Iya Kalunga ma tyaa: “Motembu ombwa mbe ku tyaa, nometango lyehupitho mbe ku popila.” Taa tuutuu, otembu yokutambula et̯ilonkenda lyaKalunga onapano. Taa tuutuu, etango lyehupitho onapano.

Ovagalati 3:22

Iya Omusonekwa mau tya ovipuka avihe vi li kohi youlundhi, opo mboka mbava itavela, va pewe hiva udhikilwa, andaa va itavele muJesus Kristus.

Ovagalati 5:23

okulinunupika nokulikambula nawa. Kape na tja oveta ndjii na onki novilinga hembi.

2 Timoteus 4:1

Me ku anetha kotjipala tjaKalunga notjaKristus Jesus, ngume ke ya okukoya ovanamwenyo novat̯e, ngume ke ya okutumina ngohamba:

Titus 1:8

Iya u tha okukala omuyakuli wovayenda, nguu undapa ouwa, nguu likambula nawa, omuvyuuki, omudhilikwa nomuliyungi.

Ovaheberi 12:21

Iya mena lyemoneko ndyoka ndyaa li amali tilitha, Moses wa popya ha tyaa: “Mba tila, me teketa.”

Ovaheberi 3:13

Iya livandhipaleken̯i etango alihe, tainkolo maku tiwaa: “Ondino,” opo hápa kala omuntu noumo nguma kembelwa po koulundhi, e likukutike.

Ovaheberi 4:1

Iya ngatu tile, tainkolo eudhiko okuhita moluthuwo lwe opo li li katee hempa, opo hápa kala omuntu noumo mun̯e nguma hulile pokati.

Ovaheberi 6:2

elongo lyetjatjo ne etendeko lyomawoko ne eimuko lyovat̯e kout̯e nekoyo lyathiinina.

Ovaheberi 9:27

Ovantu avehe va tuwa po ae lukulu okutya mava t̯i tumo, okudha mpoka mava ka kevelela ekoyo.

Jakob 2:19

Ove wa itavela okutya Kalunga yuumo, iinga wa ninga nawa, iya nodhondemoni dhe tji itavela, dhi teketa.

1 Petrus 3:15

Undapelen̯i Muhona Kristus momitima vyen̯i, n̯e mu mu tumbaleke nguu li Muhona wen̯i. Apehe vadhwen̯i amu tji i okuthitululila omuntu auhe ngume mu pula ouhunga neliun̯iko lyen̯i ndimu na lyo.

2 Petrus 1:6

odhondunge dhi yulike okuliyunga nokulikambulithila, okulikambulithila ku yulike ontilokalunga,

1 Johannes 3:10

Iya mpoka opo mapa moneka odhondele dhaKalunga nodhondele dhomudiapoli. Nguhama undapa ouvyuuki, nanguhe hole wo omukwawo, hawaKalunga.

1 Johannes 3:7

Vanwandje, hámu pukithwa komuntu noumo. Nguma undapa ouvyuuki omuvyuuki, ngaKristus hiee li omuvyuuki.