Ovilinga 23:6 - Etestamende Epe Moludhimba

⁶ Iya Paulus hiaa mono okutya vamo va li Ovasadukai novakwawo va li Ovafarisai, wa popya unene peulu mOtjoongi ha tyaa: “Valumentu vakwetu! Ame ndjiMufarisai omunOvafarisai. Me koywa, mena lyokutya mba itavela okutya ovat̯e mava ka imuka.”

Ovilinga 23:6 Iomraidhean Croise

Mateus 10:16

“Taa tuutuu, ame me mu tumu ngodhondhu mokati komaungu. Iya kalen̯i amwa lungama ngodhonyoka, kalen̯i ovawa ngodhonguti.

Mateus 22:23

Etango ndyoka Ovasadukai, mboka mbava tya kaku na tja eimuko kout̯e, ve ya kuJesus, have mu pula,

Mateus 3:7

Iya Johannes hiaa mono Ovafarisai nOvasadukai ovengi mbamave ya okutjatjwa, we ve heela ha tyaa: “Luyumuko n̯e lwodhonyoka, aan̯i ngwee mu londola okutya ka inkolen̯i oluyuma lwaKalunga ndumalu ya?

Ovilinga 22:3

“Ame ndjiMujuda, mba yumukilwa kotjitungwalongo tjaTarso moKilikia, mba kulila moJerusalem. Omulongethi wandje oGamaliel. Ame mba longwa nawa okwiiwa onteto yootateombwale, mba li ombandhi yokuundapela Kalunga ngan̯e amuhe nawanawa himu li ndino.

Ovilinga 22:30

Iya ngamuhuka ondjai yovita ya li amai hala okutyaa nawa okutya Ovajuda otjitji mava hala okukondjetha Paulus. Ondjai ya popya okutya Paulus nga kutululwe, yo hai heele ovayambethi ovanene, Otjoongi atjihe tjOvanene tji ongane. Ondjai ya eta mo Paulus, hai mu kulameke komeho yawo.

Ovilinga 22:5

Nomuyambethi omunene novantu avehe womOtjoongi tjOvanene mava ulu oku tji popya okutya me popi otjatjili. Mboka owo va mpele wo omikanda mbyaa sonekelwa Ovajuda ovakwetu owokoDamasko, opo ndji ya ko, ndji ka kambule ovaitaveli, ndji ve ete koJerusalem ava kutwa nomalyenge, ve tjiiwe okuyumanekwa.

Ovilinga 23:1

Iya Paulus wa tongolola ovanene wOtjoongi ha tyaa: “Valumentu vakwetu! Ame momutima wandje kotjipala tjaKalunga katee ndino hendi kamu na tja okatodhi.”

Ovilinga 23:15

Iya n̯e nOtjoongi tjOvanene tumen̯i elaka kondjai yovita okutya ngava ete Paulus kun̯e, n̯e mu ngale mamu hala okumona mo uke ounongo umo muye. Iya nt̯e twe lilongekedha oku mu dhipaa, tainkolo héye thika kun̯e.”

Ovilinga 23:20

Etele lye mu yaka hali tyaa: “Ovanene wOvajuda va tanta okuya oku ku kumba, komuhuka u tume Paulus kOtjoongi tjovanene, mena lyokutya mava hala okumona mo ounongo muye.

Ovilinga 23:7

Iya Paulus hiaa dhi pokupopya nyahi, Ovafarisai nOvasadukai va uta okulitetha ombata, Otjoongi hatji liyapauka modhombinga mbali.

Ovilinga 24:15

Ame ndji na ekevelelo limo nawo okutya Kalunga ma ka imuna ovantu avehe kout̯e, ovavyuuki nambahave thi ovavyuuki.

Ovilinga 24:21

Kakele vala himba wololokele, tainkolo mba kulamene kotjipala tjawo he tyaa: ‘N̯e mamu nkoyo, mena lyokutya mba tya ovat̯e mava ka imuka kout̯e.’ ”

Ovilinga 28:20

Iya ame mbe mu ithana, ndji mu mone ndji mu popithe, mena lyokutya ndji li momalyenge henga mena lyekevelelo lyOvaisraeli.”

Ovafilippi 3:5

Ame mba pitithwa etanda metango etyapandutatu, ame ndjiMwiisraeli owomeanda lyaBenjamin, Omuheberiheberi, Omufarisai ngundji kambulitha oveta yOvajuda,

Ovakolossa 1:5

mena lyeliun̯iko ndimwa ungulilwa meulu. Eliun̯iko hendi mwe li tyaa lukulu metumwalaka lyatjatjili, ndii li ondaka ombwa,

Ovaheberi 6:19

Nt̯e tu na ekevelelo ndii ngala ekulameno lyomienyo vyetu ndyaa kola lyo olyatjatjili. Ekevelelo ndyoka nditu nalyo mali hiti moudhilikwa watjatjili kon̯ima yotjitopa hitji yuvikila motempeli yomeulu,