Ovilinga 22:5 - Etestamende Epe Moludhimba

⁵ Nomuyambethi omunene novantu avehe womOtjoongi tjOvanene mava ulu oku tji popya okutya me popi otjatjili. Mboka owo va mpele wo omikanda mbyaa sonekelwa Ovajuda ovakwetu owokoDamasko, opo ndji ya ko, ndji ka kambule ovaitaveli, ndji ve ete koJerusalem ava kutwa nomalyenge, ve tjiiwe okuyumanekwa.

Ovilinga 22:5 Iomraidhean Croise

Lukas 22:66

Hikwa tji, Otjoongi tjovanene wotjiwan̯a novayambethi ovanene novalongiveta tja ongana, hava eta Jesus mOtjoongi tjawo.

Ovilinga 1:15

Iya momatango ngoka pa li otjoonganene tjovaitaveli, avehe kumo ambala va li ovantu ethele limo nomilongo vivali. Petrus wa kulama mokati kawo ha tyaa:

Ovilinga 13:26

“Valumentu vakwetu, luyumuko lwaAbraham, nan̯e ovatilikalunga amuhe, twa tuminwa ondaka yehupitho hendji.

Ovilinga 2:29

“Valumentu vakwetu, ndjetha ndjen̯i, ndji mu heele poluhandja ouhunga natateombwale David okutya wa t̯a, ha pakwa mombila, katee ndino hendi ombila ye tu i mona.

Ovilinga 22:1

“Valumentu vakwetu nootateombwale, nteelela ndjen̯i hime lipopile kotjipala tjen̯i.”

Ovilinga 23:1

Iya Paulus wa tongolola ovanene wOtjoongi ha tyaa: “Valumentu vakwetu! Ame momutima wandje kotjipala tjaKalunga katee ndino hendi kamu na tja okatodhi.”

Ovilinga 23:6

Iya Paulus hiaa mono okutya vamo va li Ovasadukai novakwawo va li Ovafarisai, wa popya unene peulu mOtjoongi ha tyaa: “Valumentu vakwetu! Ame ndjiMufarisai omunOvafarisai. Me koywa, mena lyokutya mba itavela okutya ovat̯e mava ka imuka.”

Ovilinga 26:10

Otjo mba ningile wo moJerusalem, he yedhilile ovantu ovadhilikwa ovengi mouliwoso, himba pelwe odhonkono kovayambethi ovanene. Nahiva ka koyelwa et̯o, naame mbe tji itavela.

Ovilinga 26:11

Ovikando ovingi mbe ve tonetha modhosinagoga adhihe, mba kondja oku ve n̯in̯ikidha, opo va anye eitavelo lyawo. Ame mbe ve toyele unene, katee mbe ke ve lambalamba kovitungwalongo vyovilongo vimo.”

Ovilinga 26:12

“Hamba Agrippa, etango limo mba li ame i koDamasko, mba li nodhonkono ndhimba pelwe kovayambethi ovanene.

Ovilinga 28:17

Hipa piti omatango atatu, Paulus wa ithana ovanene wOvajuda kotjoonganene. Hiva ongana, we ve heela ha tyaa: “Valumentu vakwetu! Ame nandaku tiwa hí na himba lundha kotjiwan̯a tjetu ne kodhonteto ndhitwa thiwa nadho kootateombwale, mba dha moJerusalem amba kambulwa, he yandjwa momawoko Ovaroma.

Ovilinga 28:21

Ovanene wOvajuda mboka mbava kala moka va heela Paulus hava tyaa: “Nt̯e katu mwene elaka ndyaa dhi kotjilongo tjaJudea ndimali popi ove, novakwetu mbave dhile muno kave na hiva popi otjivi kombinga yoye.

Ovilinga 3:17

“Iya napano vakwetu, ame ndji tji i okutya n̯e novanene ven̯i, hehi himwa undapela Jesus, mwe tji undapa vala, mena lyokutya kamu vadhelwe amu tji i.

Ovilinga 4:5

Iya komuhuka hikwa tji ovatumini wOvajuda novanene novalongiveta va wanena moJerusalem.

Ovilinga 5:21

Iya ovayapostoli hive tji tee, va ya omuhuka omunene kotempeli, hava utu okulonga ovantu. Iya omuyambethi omunene pamo novantu ve, va hiva Otjoongi tjawo tjOvanene, ovanene avehe wOvaisraeli, ve ye kotjoonganene. Va tuma odhontumwa kokaliwoso, va ka ete ovayapostoli.

Ovilinga 9:14

Otjikwawo, huno koDamasko we ya ko nodhonkono ndhaa dha kovayambethi ovanene okukambula ovantu avehe mbamave ku tumbaleke.”

Ovagalati 1:13

Iya onkalo yandje yalukulu yomoujuda mwe i tyaa, eongalo lyaKalunga himbe li taatele, he li han̯auna po.

Ovafilippi 3:6

mouvandhi mba tatetha eongalo, mouvyuuki woveta ame hí na tja ombedhi.

1 Timoteus 4:14

Hó ningi eteya otjali hiwa pewa mouprofeti, ovanene veongalo hive ku tendeka omawoko.