Ovilinga 22:1 - Etestamende Epe Moludhimba

¹ “Valumentu vakwetu nootateombwale, nteelela ndjen̯i hime lipopile kotjipala tjen̯i.”

Ovilinga 22:1 Iomraidhean Croise

Lukas 12:11

“Andaa mave mu twala kodhosinagoga nokovipala vyovanene novyovatumini, hámu kala notjiho okutya mamu ke ve yaka vi ne mamu ka popya tji,

Lukas 21:14

Iya omitima vyen̯i hávi kala notjiho okutya mamu ke lipopila vi.

Ovilinga 13:26

“Valumentu vakwetu, luyumuko lwaAbraham, nan̯e ovatilikalunga amuhe, twa tuminwa ondaka yehupitho hendji.

Ovilinga 19:33

Ovajuda hiva yundulile Aleksander komeho yovantu, ovantu vamo va li amava tya pamo oye a etetha otjuuyila. Aleksander wa nyimitha ovantu nokuwoko kwe, mena lyokutya wa li ama hala okupopila Ovajuda komeho yowingi wovantu.

Ovilinga 23:1

Iya Paulus wa tongolola ovanene wOtjoongi ha tyaa: “Valumentu vakwetu! Ame momutima wandje kotjipala tjaKalunga katee ndino hendi kamu na tja okatodhi.”

Ovilinga 23:6

Iya Paulus hiaa mono okutya vamo va li Ovasadukai novakwawo va li Ovafarisai, wa popya unene peulu mOtjoongi ha tyaa: “Valumentu vakwetu! Ame ndjiMufarisai omunOvafarisai. Me koywa, mena lyokutya mba itavela okutya ovat̯e mava ka imuka.”

Ovilinga 24:10

Omutumini wa pa Paulus oluvedhe, a popye. Paulus wa uta okupopya ha tyaa: “Ame ndji tji i okutya ove wa koyela odhombula odhingi motjiwan̯a hehi, ame otjo ndji na ehuluko okulipopila otjipopya tjandje.

Ovilinga 25:16

Iya ame mbe ve heela okutya Ovaroma kava yandja omukondjethwa, tainkolo háveya ithanenwa pamo novakondjethi ve, opo a mone okaluvedhe kokulipopila kotjipuka hima kondjethelwa.

Ovilinga 25:8

Iya Paulus we lipopila ha tyaa: “Ame hí na himba yona koveta yOvajuda ne kotempeli ne komukesari.”

Ovilinga 26:24

Iya Paulus hiaa li ame lipopile nyahoka, Festus we mu popitha nondaka onene ha tyaa: “Paulus, mo vele komutwe! Okulilonga kwoye unene kwe ku uvalaleka!”

Ovilinga 28:17

Hipa piti omatango atatu, Paulus wa ithana ovanene wOvajuda kotjoonganene. Hiva ongana, we ve heela ha tyaa: “Valumentu vakwetu! Ame nandaku tiwa hí na himba lundha kotjiwan̯a tjetu ne kodhonteto ndhitwa thiwa nadho kootateombwale, mba dha moJerusalem amba kambulwa, he yandjwa momawoko Ovaroma.

Ovilinga 7:2

Stefanus we mu yaka ha tyaa: “Valumentu vakwetu nootateombwale, nteelela ndjen̯i! Kalunga ketumbalo we liholololela tateombwale Abraham, hiaa li moMesopotamia, tainkolo héya dhilukila koHaran.

Ovaroma 2:15

Iya onkalo yawo mai yulike okutya himatji pulwa koveta, tja sonekwa momitima vyawo, omalityoo awo maa yandja oumbangi, okulipula kwawo maku ve pa ombedhi ne maku ve popile.

1 Ovakorinto 9:3

Hendi olyo li li elipopilo kumbamava nt̯ongonona.

2 Ovakorinto 12:19

Pamo mu soka okutya oluvedhe aluhe tu kala vala amatu lipopile kotjipala tjen̯i? Hatjo, nt̯e tu popya vala soka Kristus hima hala tu popye kotjipala tjaKalunga. Vakwetu ovahivilikwa, atjihe soka himatu ningi, matu tji ningi okutya tu mu popile.

2 Ovakorinto 7:11

Iya taa tuutuu, Kalunga hiee mu undapela, himwa ningithwa omitima omivi kehalo lye. Okuningithwa omitima omivi kwe mu etela ouvandhi, ngahi mwa yulika okutya kamu na tja ombedhi. Otjipuka hitji li hinyahi tje mu tilitha, hatji mu yumanetha, hatji mu dhimbalukitha, hatji mu etele ouvandhi nehalo okuyumaneka ouvi. Mwa yulika okutya n̯e kamu na tja ombedhi nokanunu movipuka avihe.

Ovafilippi 1:17

Iya vamo kava teetha Kristus nawa poluhandja, va hala okundjetela oudheu, tainkolo ndji li modhonkuto.

Ovafilippi 1:7

Otjipuka hehi tja mbyuukile oku mu soka amuhe, mena lyokutya nan̯e hemba mbamwa mpopila ndji na n̯e komutima, nomodhonkuto mundji li nahihamba li modhonkuto, hindji popila nokukoleka ondaka ombwa motjilinga himba pewa kuKalunga.

2 Timoteus 4:16

Motjipopya tjandje kape na tja omuntu ngwaa yembele kwaame motjikando tjandje tjolutenga, iya avehe va ndjetha. Kalunga nga kale ahame ve vele ombedhi.

1 Petrus 3:15

Undapelen̯i Muhona Kristus momitima vyen̯i, n̯e mu mu tumbaleke nguu li Muhona wen̯i. Apehe vadhwen̯i amu tji i okuthitululila omuntu auhe ngume mu pula ouhunga neliun̯iko lyen̯i ndimu na lyo.