Ovilinga 21:40 - Etestamende Epe Moludhimba

⁴⁰ Ondjai ye mu yandjela, a popye. Iya Paulus wa kulama kovilyatelelo, ha nyimitha ovantu nokuwoko. Wo hiva nyimi, wa popya nawo mOtjiheberi ha tyaa:

Ovilinga 21:40 Iomraidhean Croise

Lukas 23:38

Kombanda yomutwe kwa li esoneko ndyaa sonekelwe hinyahi: “Hengu Ohamba yOvajuda.”

Johannes 19:13

Iya Pilatus hiaa tee odhondaka ndhoka, wa twala Jesus pondje, ye ha kala pohi kotjipunditumino poluvedhe ndoka nduu tiwa ondambo yOmawe, mOtjiheberi “Gabbata.”

Johannes 19:17

ye he litjindile ko omutjaakano we omwene, he ya kOkalundu kOtjoolotwe, mOtjiheberi matji tya oGolgata.

Johannes 19:20

Ovajuda ovengi va tanga odhondaka ndhoka, mena lyokutya oluvedhe mpoka Jesus mpaa papelelwa komutjaakano, pa li popedhi notjitungwalongo. Odhondaka ndhoka dha sonekelwe mOtjiheberi, mOtjilatina nomOtjigreka.

Johannes 5:2

MoJerusalem pomuvelo mbuu tiwa Omuvelo wOdhondhu, pa li ape na etala ndii na odhondjuwo ntano. MOtjiheberi etala ndyoka li tiwa oBetesda.

Ovilinga 1:19

Ovantu avehe womoJerusalem otjipuka hehi ve tji tyaa, iya otjana soka ve tji luka ena melaka lyawo Akeldama, mali tyaa: “Otjana tjOmbindhi.”)

Ovilinga 12:17

Petrus we ve anda nokuwoko kwe, va nyime. We ve hipululila, Muhona hiee mu pititha mokaliwoso. Ye we ve heela ha tyaa: “Otjipuka hehi ke tji hipululilen̯i Jakob novaitaveli ovakwetu avehe.” Hiee ve heele nyahoka, okutya ye ha piti mo ha i.

Ovilinga 13:16

Iya Paulus wa kulama, he ve nyimitha nokuwoko ha tyaa: “Vaisraeli vakwetu novapaani amuhe mbamu tila Kalunga, nteelela ndjen̯i!

Ovilinga 19:33

Ovajuda hiva yundulile Aleksander komeho yovantu, ovantu vamo va li amava tya pamo oye a etetha otjuuyila. Aleksander wa nyimitha ovantu nokuwoko kwe, mena lyokutya wa li ama hala okupopila Ovajuda komeho yowingi wovantu.

Ovilinga 21:35

Iya Paulus hiee ya povilyatelelo, ovakwavita ve mu tjinda po, mena lyokutya ovantu va li ava tjituka.

Ovilinga 22:2

Iya hiva tee hime ve popitha mOtjiheberi, va nyima hava tya thiluu. Iya Paulus wa twikila ko ha tyaa:

Ovilinga 26:14

Nt̯e atuhe twa wila pohi, ame mba tyaa elaka ndimali mpopitha mOtjiheberi hali tyaa: ‘Saulus, Saulus, mo ntaantele tji? Ove mo liihametha omwene, himo sana motjimuti ngonani amai sana motjimuti tjomwiiomboli.’

Ovilinga 6:1

Iya momatango ngenya otjihavelo tjovaitaveli tja kala amatji ningi otjin̯ingi unene, pa ka kala omalutangu pokati kOvajuda mbava popya Otjigreka nOvaheberi. Ovajuda mbava popya Otjigreka va tanguna okutya etango alihe ovikulya amavi yandjwa, ovahepe vawo va hupa ko.

Eholololo 16:16

Iya odhombepo dha ongedhela odhohamba poluvedhe, mOtjiheberi nduu tiwa Armagedon.

Eholololo 9:11

Otjimbonde tji na ohamba yatjo, omweengeli wenkomototo. Ena lye mOtjiheberi u tiwa oAbaddon mOtjigreka u tiwa oApollion.