Ovilinga 21:27 - Etestamende Epe Moludhimba

²⁷ Iya omatango ngoka epanduvali hiaa li pokupwa ko, Ovajuda vamo mbava dhile koAsia va mona Paulus motempeli. Wo va uta okuhongaetha owingi wovantu auhe, hava kambula Paulus,

Ovilinga 21:27 Iomraidhean Croise

Lukas 21:12

Iya ovipuka mbyoka tainkolo háviya ningwa, mave ke mu kambula, have mu taata. Mave ke mu twala modhosinagoga, have ke mu yedhilila mouliwoso, have mu twala kovipala vyodhohamba novyovatumini mena lyandje.

Ovilinga 13:50

Ovanene wOvajuda va ya kovalumentu mbava tumbala motjitungwalongo moka nokovakadhintu mbava tumbala, mbava undapela Kalunga. Ve ve longa ovimama okutya ahamava itavele mooPaulus naBarnabas, hava utu oku ve kondjetha, nopotjilongo mpoka have ve lamba po.

Ovilinga 14:19

Ovanene vamo wOvajuda mbava dhile koAntiokia nokoIkonium, va longa ovantu ovimama, va kondjethe Paulus, ve mu tona nomawe, hava tya pamo wa t̯i, have mu kokololele kotjila tjotjitungwalongo.

Ovilinga 14:2

Iya Ovajuda mbava anya okwiitavela, va longa ovapaani ovimama okutya va kondjethe ovaitaveli.

Ovilinga 14:5

Ovapaani nOvajuda nodhosekulu dhawo va ongana pamo, hava panga ompango yokutatetha Paulus naBarnabas noyoku ve dhipaa nomawe.

Ovilinga 16:6

Paulus naSilas naTimoteus va pitakana motjit̯indwalongo hitji tiwa oFrigia nomoGalatia, Ombepo Ondhilikwa ye ve tjaela okuteethela ondaka yaKalunga moAsia.

Ovilinga 17:13

Iya Ovajuda wokoTessalonika hiva tee okutya Paulus wa teetha odhondaka dhaKalunga moBerea, ve ya ko, hava utu okuhongaetha owingi wovantu, have ve ngwangwaneke.

Ovilinga 18:12

Iya Gallio hiaa li omutumini moAkaia, Ovajuda ve litwaa kumo, hava kambula Paulus, have mu twala kompela.

Ovilinga 2:9

Nt̯e mbatu li hempa, tuVapartia nOvamedia nOvaelam, nahemba mbava kala moMesopotamia nomoJudea nomoKappadokia nowomoPontus nowomoAsia,

Ovilinga 20:19

Ame nandaku tiwa Ovajuda va mpangele ompango yokundjetela omaudheu, mba undapela Muhona nelinunupiko alihe nomihodhi.

Ovilinga 24:11

Ove ngahi mo ulu okwiiwa okutya pa piti vala omatango omulongo naavali okudha ame himba ile koJerusalem oku ka kumba kuKalunga motempeli.

Ovilinga 24:18

Iya himba li ame undapa ovilinga hembi, Ovajuda womoAsia va mbona motempeli, mba li ambe likohola. Iya kamwa li owingi wovantu ne otjuuyila.

Ovilinga 26:21

Mena lyovipuka hembi Ovajuda va nkambulila motempeli, va li amava hala okundhipaa.

Ovilinga 4:3

Ve ve kambula, have ve twala mokaliwoso, va kevelele komuhuka, mena lyokutya kwa li akwa toko.

Ovilinga 5:18

Va kambulitha ovayapostoli, have ve yedhilile mokaliwoso.

Ovilinga 6:12

Iya ovakuminini va hongaetha ovantu novanene novalongiveta, wo ve ya, have mu kambula, have mu nanene mOtjoongi tjOvanene.

Ovilinga 6:9

Iya ovalumentu vamo ve mu t̯ila onki. Ovalumentu mboka va li owomosinagoga ndjii tiwaa: “Osinagoga yovalumentu mbava kutuluka,” moka mumwa li Ovajuda, mboka mbava dha koKireni nokoAleksandria, va uta okutetha Stefanus ombata. Ovantu vamo mbava dha koKilikia nokoAsia, va uta uke oku mu tetha ombata.

2 Ovakorinto 11:26

Otwingi modhondjila dhandje mba li moudheu womilonga, moudheu wovapundi, moudheu wotjiwan̯a tjandje, moudheu wovapaani, moudheu womovitungwalongo, moudheu womomakuti, moudheu womelunga nomoudheu womokati kovaitaveli vakwetu wovithithi.

1 Ovatessalonika 2:16

Ve tu tjaela hitu teethela ovapaani okutya va hupithwe. Iya nyahoka mave yulitha apehe oulundhi wawo. Iya okudha mpoka oluyuma lwaKalunga halu ya kombanda yawo.