Ovilinga 20:7 - Etestamende Epe Moludhimba

⁷ Etango lyolutenga lyotjivike nt̯e twa ongana pamo okuliyandjela omungome, Paulus wa popya nawo katee mokati kovit̯iku, mena lyokutya komuhuka ma dhi po.

Ovilinga 20:7 Iomraidhean Croise

Markus 16:9

Omuhuka omunene wetango lyolutenga lyotjivike, Jesus hiaa imuka kout̯e, olutenga we liholololela Maria Magdalena, ngoka Jesus mwaa ithile odhondemoni epanduvali.

Lukas 22:19

Wa itha po omungome, ha kumbu, he u nyembula, he ve pa wo, ha tyaa: “Hehi olutu lwandje ndumalu yandjwa mena lyen̯i. Hehi tji ningen̯i amamu nt̯ipaluka.”

Lukas 24:35

Nahembenya vavali va hipululila ovakwawo ovipuka mbyaa ningwa mondjila, nahive mu dhimbuka hiee ve nyembulila omungome.

Johannes 20:1

Iya omuhuka omunene wetango lyolutenga lyotjivike, tainkolo akwa dhiwele, Maria Magdalena wa ya kombila, ha mono okutya ewe lya ithwa po pombila.

Johannes 20:19

Kongulohi yetango ndyoka lyolutenga lyotjivike tainkolo ovalongwa va li ava ongana mondjuwo, omivelo vyayo vya li avya ikwa, mena lyokutya va li amava tila Ovajuda. Iya Jesus we ya, ha kulama mokati kawo, ha tyaa: “Ouwa ngau kale nan̯e!”

Johannes 20:26

Kon̯ima yomatango epandutatu, ovalongwa va vadhwa uke ava ongana mondjuwo, naTomas va li naye. Omivelo vya li avya ikwa. Jesus we ya, ha kulama mokati kawo ha tyaa: “Ouwa ngau kale nan̯e!”

Ovilinga 16:10

Iya Paulus hiaa mona emoneko, dhivadhiva twa uta okulipula ondjila yokuya koMakedonia, mena lyokutya twa mona okutya Kalunga we tu ithana, tu ka teethe ondaka ombwa kovantu womotjilongo soka.

Ovilinga 2:42

Iya wo va kambulitha okukala melongo lyovayapostoli, moukumo, mokulya nomokukumba pamo.

Ovilinga 2:46

Etango alihe va ongana pamo motempeli nomutima umo. Wo va lya pamo modhonganda nodhonganda, have liyandjele ovikulya vyawo nawa nehuluko,

Ovilinga 20:11

Hiaa dhi mpoka ha tjuna kondjuwo yopeulu, wa uta okunyembula omungome ha li, ha utu uke okupopya nawo katee etango lya tumbu, tjau ha i.

Ovilinga 20:31

Iya lungamen̯i, n̯e mu thipaluke himba ninga odhombula ndatu, ame auhe mbe mu longa nomihodhi omutenya nout̯iku.

Ovilinga 20:5

Ovalumentu hemba va tenga koTroas oko ve ke tu kevelela.

Ovilinga 20:9

Omudhantu umo etele nguu tiwa oEutikus, wa li aa kala pohi pondjanena. Iya Paulus hiaa popi olule, Eutikus wa uta okunyekuka ha lala. Wa wa kondjuwo yopeulu ontyatatu, ha wile pohi, ha tjindwa po aa t̯i.

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

1 Ovakorinto 10:16

Otjinwino hitu undapetha mOkulya Okudhilikwa kwaMuhona, hitu pandulila Kalunga, nan̯i katu nu mo ombindhi yaKristus? Omungome mbutu liyandjela, nan̯i katu liyandjele olutu lwaKristus?

1 Ovakorinto 15:10

Iya ame ndji li po ket̯ilonkenda lyaKalunga ngahi ndji li hinyahi. Et̯ilonkenda lye kali hepelele mo mwaame, iya mba undapa tjatjili okupon̯a ovayapostoli avehe, nandaku tiwa hí tji ningile mwaame omwene, et̯ilonkenda lyaKalunga olyo lya ndjundapetha.

1 Ovakorinto 16:2

Etango lyolutenga lyotjivike atjihe, omuntu auhe nga ongedhe odhombongo, mpape lithike mpama ulu, e dhi ungule, opo katango ame me ya, ahamapa hepwa uke okwoongedhwa odhombongo.

2 Timoteus 4:2

Teetha odhondaka dhaKalunga, kambulitha okuteetha poluvedhe oluwa nopoluvedhe oluvi, pukulula ovantu, u ve ande, u ve vandhipaleke nelikambulithilo, ove u ve longe.

Eholololo 1:10

Metango lyaMuhona mba kambulwa kOmbepo, he tee ondaka onene kon̯ima yandje ndjimai ngala onkwino,