Ovilinga 20:21 - Etestamende Epe Moludhimba

²¹ Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 20:21 Iomraidhean Croise

Mateus 3:2

ha tyaa: “Liteyululen̯i, mena lyokutya otjilongo tjeulu tje ya popedhi.”

Mateus 4:17

Iya mpoka Jesus opo a utila okuteetha ha tyaa: “Liteyululen̯i, mena lyokutya otjilongo tjeulu tje ya popedhi.”

Markus 1:15

ha tyaa: “Otembu ye thiki, otjilongo tjaKalunga tje ya popedhi. Liteyululen̯i, mu itavele ondaka ombwa.”

Markus 6:12

Wo va ya, hava ka teetha okutya ovantu ngave liteyulule.

Lukas 13:3

Aai mba tya, iya ndahamu liteyulula, nan̯e wo amuhe otjo mamu ka t̯a.

Lukas 13:5

Aai mba tya, iya ndahamu liteyulula, nan̯e wo amuhe otjo mamu ka t̯a.”

Lukas 15:10

Iya me mu heele okutya otjo tji li wo novaengeli vaKalunga, ve hulukilwa omulundhi umo ngwee liteyulula.”

Lukas 15:7

Me mu heele okutya iya otjo tji li, nomeulu mamu ka kala ehuluko enene lyokuhulukilwa omulundhi umo ngwee liteyulula okupon̯a okuhulukilwa ovavyuuki omilongo omoovi nomoovi mbahamava hepa okuliteyulula.

Lukas 16:28

mena lyokutya ndji na ovanitjandje ovalumentu vatano, ngava ka ilikin̯we, ahamave ya moluvedhe hendu lwoviihamo.’

Lukas 24:47

Iya eliteyululo neithepo lyodhonkali ngali teethelwe ovantu avehe mena lye, okuuta moJerusalem.

Johannes 20:31

Iya hembi vya sonekwa, opo mu itavele okutya Jesus oye e li Messias, OmunwaKalunga, andaa mwa itavele muye, mamu kala amu na omwenyo.

Johannes 3:36

Nguma itavele mOmuna, u na omwenyo waapehe, iya nguhama itavele mOmuna, kaa mono omwenyo, iya oluyuma lwaKalunga malu kala kombanda ye.

Ovilinga 10:43

Ovaprofeti avehe va popile Jesus okutya omuntu auhe nguma itavele muye, ma ithilwa po odhonkali dhe mena lye.”

Ovilinga 11:18

Iya wo hiva tee odhondaka hendhi, kave na uke hiva popya, va hivilika Kalunga hava tyaa: “Kalunga wa yandja oluvedhe kovapaani, ve liteyulule, opo va kale nomwenyo.”

Ovilinga 16:31

Paulus naSilas ve mu yaka hava tyaa: “Itavela muMuhona Jesus, ove u hupithwe nonganda yoye.”

Ovilinga 17:30

Kalunga we likambulithila ovantu potembu ndjoka hiva li ahave mu i. Iya napano ma heele ovantu avehe akuhe ve liteyulule.

Ovilinga 19:17

Ovajuda nOvagreka avehe mbava kala moEfeso, hive tji tee, va kambulwa kontilo, hava tumbaleke unene ena lyaMuhona Jesus.

Ovilinga 2:38

Petrus we ve yaka ha tyaa: “Liteyululen̯i, omuntu auhe e litjatjethe mena lyaJesus Kristus, mu ithilwe po odhonkali dhen̯i. Iya n̯e mamu ka pewa otjali Ombepo Ondhilikwa.

Ovilinga 2:40

Petrus we ve hipululila odhondaka odhingi, ye he ve ilikin̯a ha tyaa: “Hupithwen̯i mo mekula hendi ndyaa uvalala.”

Ovilinga 20:23

Iya ame ndji tji i okutya motjitungwalongo atjihe Ombepo Ondhilikwa ya ntjeela okutya odhonkuto nomatatetho mavi nkevelele.

Ovilinga 20:24

Iya kombinga yandje ame híme yavala omwenyo wandje, tjinene vala me hwithile po ovilinga mbyoka Muhona Jesus mbyaa mpa okuundapa, vyokuteetha ondaka ombwa yet̯ilonkenda lyaKalunga.

Ovilinga 24:24

Kon̯ima yomatango amo Feliks we ya pamo nomukadhe, Omujuda nguu tiwa oDrusila, Feliks wa ithana Paulus, ye he mu teelele hima hipulula okwiitavela muKristus Jesus himaku hee.

Ovilinga 26:18

okupathumuna omeho awo, opo va dhe mo met̯iku, ve ye motjiten̯i, wo va thiee po etumino lyaSatana, ve ye kuKalunga. Iya ava ndjitavele, mava pewa eithepo lyodhonkali noumpinga pamo novantu ovadhilikwa vaKalunga.’

Ovilinga 26:20

Iya olutenga mba teethela owomoDamasko nowomoJerusalem nowomotjilongo atjihe tjaJudea nomokati kovapaani wo okutya ve liteyulule, ve ye kuKalunga, va undape ovilinga mbyoka mbimavi yulike okutya wo ve liteyulula.

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

Ovilinga 3:19

Iya liteyululen̯i n̯e mu tjune kuKalunga, odhonkali dhen̯i dhi ithwe po,

Ovilinga 8:25

Iya Petrus naJohannes hiva dhi pokuhipulula nokuteetha ondaka yaMuhona, va tjuna koJerusalem. Mondjila himava tjuna koJerusalem, va enda amava teethele moulongo owingi wOvasamaria ondaka ombwa.

Ovaroma 1:14

Ame ndji na ongele kOvagreka nokumbahave thi Ovagreka, kovanandunge nokovahima.

Ovaroma 1:16

Ame híme t̯a ohon̯i ondaka ombwa, mena lyokutya oyo i li odhonkono dhaKalunga, ndhimadhi hupitha omuntu auhe ngwaa itavela, olutenga Omujuda okudha mpoka Omugreka.

Ovaroma 10:9

Iya andaa mo hipulula notjinyo tjoye okutya Jesus oye e li Muhona, atjaa ho itavele momutima woye okutya Kalunga we mu imuna kout̯e, mo ka hupithwa.

Ovaroma 2:4

Ne wa tomba ouwa waKalunga ounene, nelikambulithilo, nolweembya lwe? Ku konekele ouwa waKalunga mbumau ku nana, u liteyulule?

Ovaroma 4:24

iya dha sonekelwa wo nomena lyetu, mbamatu talwa okutya tuvavyuuki hitwa itavela muKalunga, ngwaa imuna Muhona wetu Jesus kout̯e.

Ovaroma 5:1

Iya hitwa ningwa ovavyuuki mena lyeitavelo, iya napano otjo pe na ouwa pokati ketu naKalunga mena lyaMuhona wetu Jesus Kristus.

1 Ovakorinto 1:22

Ovajuda va pula omatangan̯eko, Ovagreka va taendha ounongo,

2 Ovakorinto 7:10

Iya okuningithwa omitima omivi kehalo lyaKalunga kwe etela omuntu eliteyululo. Eliteyululo li etela omuntu ehupitho, iya okuningithwa omitima omivi katji pukile. Iya okuningithwa omitima omivi mena lyouye ku twala met̯o.

Ovagalati 2:16

Iya tu tji i okutya ovilinga vyoveta kaavi ningi omuntu a ile omuvyuuki, iya ma ile omuvyuuki aa itavele muJesus Kristus. Nant̯e wo twa itavela muKristus Jesus, opo tu vyuukithwe keitavelo muKristus, hakovilinga vyoveta. Kape na tja omuntu noumo nguma vyuukithwa kovilinga vyoveta.

Ovagalati 2:20

opo hé kala uke andji na omwenyo mwaame omwene, iya Kristus oye a kale ae na omwenyo mwaame. Iya omwenyo mbundji na wo, me kala nawo meitavelo, okwiitavela mOmunwaKalunga nguu ntjole, ngwee liyandja poluvedhe lwandje.

Ovagalati 3:22

Iya Omusonekwa mau tya ovipuka avihe vi li kohi youlundhi, opo mboka mbava itavela, va pewe hiva udhikilwa, andaa va itavele muJesus Kristus.

Ovaefeso 1:15

Iya ame himba tyaa eitavelo lyen̯i muMuhona Jesus nohole yen̯i yokuhole ovantu ovadhilikwa avehe vaKalunga,

Ovakolossa 2:5

Iya nandaku tiwa ame hí li pun̯e, omwenyo wandje u li pun̯e. Mbe hulukwa hindji lwete onkalo yen̯i neitavelo lyen̯i hilya kola, himwa itavela Kristus.

Filemon 1:5

himba tee ohole yoye neitavelo ndyuu na lyo, hiuu hole Muhona Jesus nahiuu hole ovantu ovadhilikwa avehe.

1 Johannes 5:1

Auhe nguma itavele okutya Jesus oye e li Messias, wa yumukwa muKalunga, nanguu hole omuyumuki, ma kala ae hole wo omuyumukwa waKalunga.

1 Johannes 5:5

Aan̯i nguma ton̯a ouye, andaa haye ngoka nguma itavele okutya Jesus oye e li OmunwaKalunga?