Ovilinga 20:19 - Etestamende Epe Moludhimba

¹⁹ Ame nandaku tiwa Ovajuda va mpangele ompango yokundjetela omaudheu, mba undapela Muhona nelinunupiko alihe nomihodhi.

Ovilinga 20:19 Iomraidhean Croise

Lukas 19:41

Jesus we ya popedhi notjitungwalongo, hiee tji mono, we tji lila,

Johannes 12:26

Kwalukele ngoka nguma ndjundapele, nga ndandule, ame hundji li, omuntu wandje oko ma ka kala wo. Tate ma ka tumbaleka kwalukele ngoka nguma ndjundapele.

Ovilinga 17:13

Iya Ovajuda wokoTessalonika hiva tee okutya Paulus wa teetha odhondaka dhaKalunga moBerea, ve ya ko, hava utu okuhongaetha owingi wovantu, have ve ngwangwaneke.

Ovilinga 17:5

Iya Ovajuda ve ve t̯ila onki, hava ongedha ovalumentu wondjaya nambava vadhwa pomalandethelo, va kongolola ovantu, hava tono otjuuyila motjitungwalongo, hava hitilile onganda yaJason, amava taendha Paulus naSilas, ve ve ete komeho yowingi wovantu.

Ovilinga 20:3

ha ka kala ko oule womiedhi vitatu. Tainkolo Paulus a li ama longele, a ende koSiria, wa nongonoka okutya Ovajuda ve mu panga ompango. Iya wa tokolele okutjuna nondjila ndjii pitila moMakedonia.

Ovilinga 20:31

Iya lungamen̯i, n̯e mu thipaluke himba ninga odhombula ndatu, ame auhe mbe mu longa nomihodhi omutenya nout̯iku.

Ovilinga 21:27

Iya omatango ngoka epanduvali hiaa li pokupwa ko, Ovajuda vamo mbava dhile koAsia va mona Paulus motempeli. Wo va uta okuhongaetha owingi wovantu auhe, hava kambula Paulus,

Ovilinga 27:23

Iya motjit̯iku tjandino pwaame pe ya omweengeli waKalunga kandje, Kalunga ngoka ame ngundji undapela,

Ovaroma 1:1

Omukanda hembu mau dhi kwaame Paulus, omupika waKristus Jesus ngumba holowolwa, he ithanwa ndji kale omuyapostoli wokuteetha ondaka ombwa yaKalunga.

Ovaroma 1:9

Kalunga, ngundji undapela nomwenyo wandje auhe hindji teetha ondaka ombwa yOmuna, oye e li ombangi yandje okutya ame apehe ndji mu thipaluka

Ovaroma 12:11

Undapen̯i unene, hámu kala nondende. Undapelen̯i Muhona nomitima vyen̯i avihe.

2 Ovakorinto 2:4

Ame mbe mu sonekela andji na oudheu ounene nomutima wandje mau ihama. Mba lila omihodhi omingi, háku mu ningitha omitima omivi, iya oku mu yulikila okutya ndji mu hole.

2 Ovakorinto 3:5

Nt̯e munt̯e ovene katu na himatu ulu okulipula, tu tye ngaile munt̯e tu na himatu ulu. Himatu ulu, matji dhi muKalunga.

2 Ovakorinto 7:5

Iya hitwe ya moMakedonia, katu thuvile, iya twa li nomaudheu akuhe, tjikootjimo otjilwa novantu vamo, tjikootjimo owoma momienyo.

Ovagalati 1:10

Iya napano ame nge taendhe himatji hulukitha ovantu ne ohimatji hulukitha Kalunga? Andaa nan̯i me hulukitha vala ovantu, himupika waKristus.

Ovaefeso 6:7

Undapen̯i ovilinga vyen̯i nehuluko ngambamamu undapele Muhona omwene, havantu.

Ovafilippi 3:18

Iya mbe mu heela tjo ae otwingi, iya otjo me mu heele uke nomihodhi okutya ovantu mboka odhondjedhi dhomutjaakano waKristus.

Ovakolossa 3:24

Kalen̯i amu tji i okutya Muhona me ke mu pa ondjambi ndjaa ungulila ovantu ve, mena lyokutya mu undapela Muhona Kristus ye omwene.

1 Ovatessalonika 1:9

Ovantu ovene va hipulula, himwe tu tambula nahimwa yetha ovikalunga, hamu ya okuundapela Kalunga katjatjili omunamwenyo

2 Timoteus 1:4

Me thipaluka hiwa li awa etetha onkenda, mbe ku dhimbaluka ndji hala oku ku mona, opo ndji hulukwe.

Jakob 1:2

Vakwetu, litalen̯i okutya muvanalao, andaa mwa vadhwa komatyoletho ngae lili nangae lili.

1 Petrus 1:6

Iya hulukwen̯i, nandaku tiwa napano mokaluvedhe heha mamu pitile momaudheu omengi.

2 Petrus 1:1

Omukanda hembu mau dhi kwaame Simon Petrus, omupika nomuyapostoli waJesus Kristus. Me sonekele mboka mbava pewa eitavelo ewa ngolyetu mena lyouvyuuki waKalunga ketu nowOmuhupithi Jesus Kristus.

Eholololo 7:15

Iya wo ve li komeho yotjipunditumino tjaKalunga, mave mu undapele omutenya nout̯iku motempeli ye. Iya ngwaa li aa kala pohi kotjipunditumino ma dhiki esase lye lyoku ve amena.