Ovilinga 2:47 - Etestamende Epe Moludhimba

⁴⁷ hava tanga Kalunga. Va li ava hopwa kovantu avehe, etango alihe Muhona wa wedha mo mokati kawo mbava hupithwa.

Ovilinga 2:47 Iomraidhean Croise

Lukas 19:48

atjaa kava mwene oluvedhe lwoku tji ninga, mena lyokutya ovantu avehe ve mu hopa, have mu teelele.

Lukas 2:52

Jesus wa kula molutu nomodhondunge nomounongo, ha hopwa kuKalunga nokovantu.

Ovilinga 11:21

Odhonkono dhaMuhona dha li pamo novaitaveli, ovantu ovengi ve liteyulula, hava itavele muMuhona.

Ovilinga 11:24

Barnabas wa li omulumentu omuwa weitavelo, ngwee yulithilwe Ombepo Ondhilikwa. Ovantu ovengi va ninga ovaitaveli vaMuhona.

Ovilinga 13:48

Iya ovapaani hive tji tee, ve hulukwa, hava tumbaleke odhondaka dhaKalunga, mboka Kalunga mbaa holowolela omwenyo waapehe va ninga ovaitaveli.

Ovilinga 14:1

Paulus naBarnabas va teetha mosinagoga yOvajuda moIkonium, ngahi va ningile moAntiokia. Ovajuda nOvagreka ovengi hava ningi ovaitaveli mena lyeteetho lyawo.

Ovilinga 14:21

Paulus naBarnabas va teetha ondaka ombwa mondolopa ndjoka yaDerbe, ovantu ovengi ve ve ninga ovaitaveli. Kon̯ima yanyahoka Paulus naBarnabas va tjuna uke koListra nokoIkonium nokoAntiokia motjit̯indwalongo tjaPisidia.

Ovilinga 16:5

Iya omaongalo a kula meitavelo, omatango aehe otjihavelo tjovaitaveli tja enda amatji ningi otjingi.

Ovilinga 17:12

Owingi womuwo va ninga ovaitaveli, novakadhintu ovengi Ovagreka ovatumbalekwa novalumentu ovengi Ovagreka va ninga ovaitaveli.

Ovilinga 2:39

Iya eudhiko hendi ndimwa udhikilwa olyen̯i nodhondele dhen̯i novantu avehe mbave li kokule, wo avehe Muhona Kalunga ketu me ke ve ithana.”

Ovilinga 2:41

Iya mboka mbava tambula odhondaka dhe, va tjatjwa, metango ndyoka mwa wedhwa ovantu mbave lithike pomayovi atatu.

Ovilinga 4:21

Ovanene wOtjoongi ve ve anda nodhonkono, have ve yetha. Wo va mona okutya kaatji tjiiwa oku ve yumaneka, mena lyokutya ovantu avehe va li amava tumbaleke Kalunga mena lyotjipuka soka hitja ningwa.

Ovilinga 4:33

Ovayapostoli va hipulula nodhonkono adhihe okutya Muhona Jesus wa imunwa kout̯e, Kalunga avehe we ve pa elao en̯ingi.

Ovilinga 4:4

Iya ovantu ovengi mbava tyaa odhondaka dhaPetrus naJohannes, va itavela muJesus, otjihavelo tjovaitaveli tja li atji lithike pomayovi atano.

Ovilinga 6:1

Iya momatango ngenya otjihavelo tjovaitaveli tja kala amatji ningi otjin̯ingi unene, pa ka kala omalutangu pokati kOvajuda mbava popya Otjigreka nOvaheberi. Ovajuda mbava popya Otjigreka va tanguna okutya etango alihe ovikulya amavi yandjwa, ovahepe vawo va hupa ko.

Ovilinga 6:7

Odhondaka dhaKalunga dha twikila okuhandjana. Otjihavelo tjovaitaveli moJerusalem tja ninga otjingi, nowingi wovayambethi va ninga ovaitaveli.

Ovilinga 9:31

Iya eongalo alihe moJudea, moGalilea nomoSamaria lya kala nouwa. Kepopilo lyOmbepo Ondhilikwa eongalo lya tana motjihavelo, ovaitaveli avehe va tumbaleka Muhona.

Ovilinga 9:35

Ovantu avehe mbava kala moLidda nomoSaron ve mu mona, hava ningi ovaitaveli vaMuhona.

Ovaroma 14:18

Iya nguma undapele Kristus movipuka hembi, ma hopwa kuKalunga, novantu mave mu tambula.

Ovaroma 8:30

Iya ovantu mboka mbae likalekela, we ve ithana wo, mbaa ithana, we ve ninga wo ovavyuuki, mbaa ninga ovavyuuki, we ve laimitha wo.

Ovaroma 9:27

Iya Jesaja wa wololokela Israel ha tyaa: “Ovaisraeli nandaku tiwa ovengi, ve lithike peheke lyokontyo yelunga, mokati kawo mbamava ka hupithwa ovanunu vala.

1 Ovakorinto 1:18

Ondaka ndjimai popi ouhunga net̯o lyaKristus komutjaakano kumbamava keka, i ngala owoova, iya kunt̯e mbamatu hupithwa, oyo i li odhonkono dhaKalunga.