Ovilinga 2:46 - Etestamende Epe Moludhimba

⁴⁶ Etango alihe va ongana pamo motempeli nomutima umo. Wo va lya pamo modhonganda nodhonganda, have liyandjele ovikulya vyawo nawa nehuluko,

Ovilinga 2:46 Iomraidhean Croise

Mateus 6:22

“Eho olyo li li olamba yolutu. Iya eho lyoye andaa li li nawa, olutu lwoye aluhe lu na otjiten̯i.

Lukas 11:41

Iya yandjen̯i mbyoka mbivi li movimbundu vyen̯i otjali kovathona, iya avihe mavi kala avye mu kohokele.

Lukas 24:30

Iya hiva li amava li pamo, wa itha po omungome ha pandula, he u nyembula, he ve pa wo.

Lukas 24:53

Wo apehe va kala motempeli otjo mava hivilike Kalunga.

Ovilinga 16:34

Omuyungi wa twala Paulus naSilas konganda ye, he ke ve pa ovikulya, wa li ae hulukwa unene pamo novantu wonganda ye avehe, mena lyokutya napano wa itavele muKalunga.

Ovilinga 2:42

Iya wo va kambulitha okukala melongo lyovayapostoli, moukumo, mokulya nomokukumba pamo.

Ovilinga 20:7

Etango lyolutenga lyotjivike nt̯e twa ongana pamo okuliyandjela omungome, Paulus wa popya nawo katee mokati kovit̯iku, mena lyokutya komuhuka ma dhi po.

Ovilinga 3:1

Petrus naJohannes va ile kotempeli mondatu yokomatango, ndjaa li owola yokukumba.

Ovilinga 5:21

Iya ovayapostoli hive tji tee, va ya omuhuka omunene kotempeli, hava utu okulonga ovantu. Iya omuyambethi omunene pamo novantu ve, va hiva Otjoongi tjawo tjOvanene, ovanene avehe wOvaisraeli, ve ye kotjoonganene. Va tuma odhontumwa kokaliwoso, va ka ete ovayapostoli.

Ovilinga 5:42

Ovayapostoli etango alihe motempeli nomodhonganda kava yethele okulonga nokuteetha ondaka ombwa ndjimai popi okutya Jesus oye e li Messias.

Ovaroma 12:8

Ne andaa okuvandhipaleka ovakwawo, nge ve vandhipaleke. Nguma yandja, nga yandje nomutima omuwa. Nguu na odhonkono okutumina ovantu, nge tji ninge nodhondunge. Nguma popile mbave li moluhepo, nge tji ninge nehuluko.

1 Ovakorinto 10:16

Otjinwino hitu undapetha mOkulya Okudhilikwa kwaMuhona, hitu pandulila Kalunga, nan̯i katu nu mo ombindhi yaKristus? Omungome mbutu liyandjela, nan̯i katu liyandjele olutu lwaKristus?

2 Ovakorinto 1:12

Iya okulitanga kwetu hookohu okutya elityoo lyetu mali tu heele nawa okutya onkalamwenyo yetu mouye hembu twa kala moudhilikwa nomoukohoki waKalunga, unene tuu onkalo pokati ketu nan̯e, katu viyulilwe kounongo wonkalo yountu, iya okodhonkono dhet̯ilonkenda lyaKalunga.

2 Ovakorinto 11:3

Ame me tila okutya pamo omalipulo en̯i maa ngwangwanekwa, hamu yetha okukala ovantu vaKristus ngaEva hiaa pukithwa konyoka yovineya.

Ovaefeso 6:5

Vapika, tyeen̯i kovahona ven̯i wokombanda yohi nontilo noku ve tumbaleka, tji ningen̯i nomwenyo auhe ngahi mamu ningile Kristus.

Ovakolossa 3:22

Vapika, tyeen̯i kovahona ven̯i womouye hembu movipuka avihe. Hámu tji ningi vala ave mu lwete, ve mu hope. Iya tji ningen̯i nomwenyo auhe, nontilo okutila Muhona.