Ovilinga 2:40 - Etestamende Epe Moludhimba

⁴⁰ Petrus we ve hipululila odhondaka odhingi, ye he ve ilikin̯a ha tyaa: “Hupithwen̯i mo mekula hendi ndyaa uvalala.”

Ovilinga 2:40 Iomraidhean Croise

Mateus 12:34

Luyumuko n̯e lwodhonyoka, mamu ulu vi okupopya ouwa, n̯e ovene amu li ovavi? Iya otjinyo tji popya hitje yula momutima.

Mateus 16:4

Kula n̯e evi, ovayoni wolukupo, mamu taendha etangan̯eko, iya kaamu pewa etangan̯eko limo, olyo ndyoka vala olyaJona.” Jesus we ve thiaa po ha i.

Mateus 17:17

Jesus we ve yaka ha tyaa: “O, kula n̯e mbahamu na tja eitavelo, n̯e mbahamu tee. Me kala nan̯e katee nalun̯i? Me kala ame likambulithile n̯e katee nalun̯i? Mu eten̯i huno kwaame.”

Mateus 23:33

Dhonyoka n̯e, luyumuko n̯e lwodhonyoka. Mamu ulu vi okwiinkola ekoyo lyoheli.

Markus 8:38

Iya nguma nt̯a ohon̯i, ye ha t̯a ohon̯i odhondaka dhandje mekula hendi lyovayoni wolukupo nolyoulundhi, Omuna wOmuntu me ke mu t̯a ohon̯i, hime ya metumbalo lyaIhe pamo novaengeli ovadhilikwa.”

Lukas 16:28

mena lyokutya ndji na ovanitjandje ovalumentu vatano, ngava ka ilikin̯we, ahamave ya moluvedhe hendu lwoviihamo.’

Lukas 21:36

Iya apehe kalen̯i amwa pathumuka n̯e mu kumbe, opo mu mona odhonkono okuyepa ovipuka mbyoka avihe mbimavi ka ningwa, nokukulama ontali kotjipala tjOmuna wOmuntu.”

Johannes 21:25

Iya ku na ovipuka ovikwawo wo ovingi Jesus mbyaa ninga. Ngaile avihe vya sonekelwe tjimo kutjimo, ngai omambo ngoka kaa yauka mo mouye.

Ovilinga 10:42

Kalunga we tu heela tu teethele ovantu avehe ondaka ombwa noku ve hipululila Jesus okutya wa holowolwa kuKalunga, a koye ovanamwenyo novat̯e.

Ovilinga 15:32

Judas naSilas mboka mbava li ovaprofeti va popya otjingi okukoleka nokuvandhipaleka ovaitaveli.

Ovilinga 20:11

Hiaa dhi mpoka ha tjuna kondjuwo yopeulu, wa uta okunyembula omungome ha li, ha utu uke okupopya nawo katee etango lya tumbu, tjau ha i.

Ovilinga 20:2

Paulus wa yatakana moulongo noulongo, ha vandhipaleke ovantu nodhondaka odhingi, ha i kotjilongo tjaGreka,

Ovilinga 20:21

Iya mba heela Ovajuda nOvagreka, ve liteyulule, wo va tjune kuKalunga, wo va itavele muMuhona wetu Jesus Kristus.

Ovilinga 20:24

Iya kombinga yandje ame híme yavala omwenyo wandje, tjinene vala me hwithile po ovilinga mbyoka Muhona Jesus mbyaa mpa okuundapa, vyokuteetha ondaka ombwa yet̯ilonkenda lyaKalunga.

Ovilinga 20:9

Omudhantu umo etele nguu tiwa oEutikus, wa li aa kala pohi pondjanena. Iya Paulus hiaa popi olule, Eutikus wa uta okunyekuka ha lala. Wa wa kondjuwo yopeulu ontyatatu, ha wile pohi, ha tjindwa po aa t̯i.

Ovilinga 28:23

Wo ve mu pa etango mumava wanene naPaulus, etango ndyoka owingi wovantu mbwaa pon̯a hembunya owolutenga, we ya kompuka hoka hukwa li Paulus. Okudha komuhuka katee kongulohi Paulus we ve thitululila, he ve hipululile otjilongo tjaKalunga. Paulus wa holowola mo omatumbulo amo moveta yaMoses novisonekwa vimo vyovaprofeti, e ve suke, va itavele Jesus.

Ovilinga 4:36

Josef, Omulevi ngwaa yumukilwa moKipros ngoka ovayapostoli nguva ithana Barnabas (ena ndyoka li tya omuvandhipalethi),

2 Ovakorinto 5:20

Iya nt̯e tuvakalelepo vaKristus. Kalunga omwene oye me tu undapetha, tu mu ilikin̯e, iya poluvedhe lwaKristus matu mu kumbu, mu wan̯en̯ekwe naKalunga.

2 Ovakorinto 6:17

Iya Muhona ma tyaa: “Dhen̯i mo mokati kawo, n̯e mu liyapuke nawo. Hámu t̯in̯i otjipuka hitja sila, iya ame me ke mu tambula.

Ovagalati 5:3

Me mu heele uke okutya auhe ngume lipititha etanda, u tha okuhwithila po oveta aihe.

Ovaefeso 4:17

Iya hehi me mu heele tjo mena lyaMuhona. Hámu ende uke ngovapaani mbahave liun̯ikile muKalunga, mbava enda mouhima wodhondunge dhawo.

Ovafilippi 2:15

opo mu kale odhondele dhaKalunga ovakohoki mbahamu na tja otjipo mokati kekula ndyaa uvala ndihali tee. Laiminen̯i mokati kawo ngodhonyothi mouye,

1 Ovatessalonika 2:11

Amuhe ngahi mu tji i, nt̯e twa li ngomulumentu ae li nodhondele dhe omwene.

1 Timoteus 4:16

Liyunga, ove u yunge elongo lyoye. Kala mulyo. Iya andaa mo ningi nyahoka, mo lihupitha, nambamave ku teelele, mo ve hupitha.

1 Petrus 5:12

Silas, omukwetu ngumbe liun̯ika, wa mpopila okuntjonekela ko omukanda hembu pauthupi. Me hala oku mu vandhipaleka, ndji mu hipululile okutya hehi et̯ilonkenda lyaKalunga lyatjatjili. Kalen̯i amwa kola.