Ovilinga 2:39 - Etestamende Epe Moludhimba

³⁹ Iya eudhiko hendi ndimwa udhikilwa olyen̯i nodhondele dhen̯i novantu avehe mbave li kokule, wo avehe Muhona Kalunga ketu me ke ve ithana.”

Ovilinga 2:39 Iomraidhean Croise

Ovilinga 10:45

Ovaitaveli vamo Ovajuda mbava dhile naPetrus koJoppe, ve kuminwe hiva mono okutya Ombepo Ondhilikwa ya pewa ovapaani.

Ovilinga 14:27

Paulus naBarnabas hive thiki koAntiokia va konga eongalo. Ve li hipululila ovipuka mbyoka Kalunga mbyee ve undapetha, okutya Kalunga wa yelulila ovapaani omuvelo, nawo va ninge ovaitaveli.

Ovilinga 15:14

Simon we tu thitululile Kalunga olutenga hiaa uta okulitaendhela omwene otjiwan̯a movapaani.

Ovilinga 15:3

Wo hiva dhi pokulekelwa keongalo, va yatakana moFoinikia nomoSamaria, va ka enda amava hipulula okutya ovapaani ve liteyulule, va itavele muKalunga. Ondaka hendji ya etela ovaitaveli avehe ehuluko.

Ovilinga 15:8

Iya Kalunga, nguu iwa hitji li momutima womuntu, wa yulika okutya ovapaani we ve tambula, hiee ve pa Ombepo Ondhilikwa, ngant̯e wo hiee tu pa.

Ovaroma 11:29

Iya Kalunga ka lundulula otjali tje kovantu, ye ka lundulula eithano lye.

Ovaroma 8:30

Iya ovantu mboka mbae likalekela, we ve ithana wo, mbaa ithana, we ve ninga wo ovavyuuki, mbaa ninga ovavyuuki, we ve laimitha wo.

Ovaroma 9:24

nant̯e wo hemba mbaa ithana, hamOvajuda vala aveika, iya nomovapaani wo.

Ovaroma 9:4

mbave li Ovaisraeli. Kalunga we ve ninga ovana, ye he ve pa etumbalo, ewaneneno, oveta, eundapelokalunga nomaudhiko.

1 Ovakorinto 7:14

Iya omulumentu nguhe thi omwiitaveli, wa tambulwa kuKalunga okupitila momukadhintu we omwiitaveli, nomukadhintu nguhe thi omwiitaveli wa tambulwa kuKalunga okupitila momulumentu we omwiitaveli. Ngaile hatjo, ngai ovanwen̯i mava kala háva kohokele, iya napano ovadhilikwa.

Ovaefeso 1:18

Me kumbu Kalunga a tungatele omeho en̯i omomutima, opo mu iwe eun̯iko ndyoka ndimwa ithanenwa, nouhona wetumbalo lyoumpinga we mpau lithike movantu ve ovadhilikwa,

Ovaefeso 2:12

Potembu ndjinya hihamwa li naKristus, mwa li ahamu na oukwatjiwan̯a waIsrael, ovantu vaKalunga. Mwa li odhongendi mbahamu li mewaneneno lyeudhiko. Kamwa li neliun̯iko n̯e kamwa li naKalunga mouye.

Ovaefeso 4:4

Pe na olutu lumo nOmbepo imo ngahi pe na eliun̯iko limo ndimwa ithanenwa.

2 Ovatessalonika 1:11

Iya otjo tu mu kumbila apehe, Kalunga ketu, e mu tale okutya mwe thevelwa okwiithanwa, ye a hwithile po ehalo lyen̯i alihe nodhonkono, mu kale nehalo ewa motjilinga tjeitavelo.

2 Timoteus 1:9

Kalunga we tu hupitha, ye we tu ithana, tu kale ovadhilikwa, hamena lyovilinga vyetu, iya omena lyontanto ye omwene nolyet̯ilonkenda lye ndyee tu pa otjali muKristus Jesus, tainkolo ouye háuya utwa.

Ovaheberi 3:1

Iya vakwetu ovadhilikwa, mbamwa ithanwa kuKalunga, tween̯i omalipulo en̯i momuyapostoli nomuyambethi omunene ngutu hipulula, nguu li Jesus.

Ovaheberi 9:15

Iya wa ila omuwan̯en̯eki wewaneneno epe, ovaithanwa opo va mone oumpinga waapehe mbwaa udhikwa, mena lyokutya et̯o lye lya ila ondjowo yodhonkali dhewaneneno lyolutenga.

1 Petrus 5:10

Iya napano Kalunga nguu na onkenda aihe, ngwee mu ithanena metumbalo lye ndihamali anda, muKristus Jesus, himwa kala kohi youdheu okaluvedhe okanunu, ye omwene me mu longekedha, he mu pa odhonkono, hamu pama, hamu kala amwa kolo.

2 Petrus 1:10

Vakwetu, kondjen̯i unene, koleken̯i eitavelo neholowolo lyen̯i himwa ithanwa kuKalunga, mena lyokutya andaa otjo mamu ningi nyahoka, kaamu putala nokanunu.

2 Petrus 1:3

Odhonkono dhe dhopaukalunga dhe tu pa ovipuka avihe mbitu hepa, opo tu kale nomwenyo nontilokalunga. Hehi matji tjiiwa, mena lyokutya nt̯e napano Kalunga tu mu i. Oye e tu ithana netumbalo nouwa we.

Eholololo 17:14

Otjithitu nodhohamba madhi ka lwitha Ondjona. Ondjona pamo novaithanwa novaholowolwa novaliun̯ikwa mai ke dhi ton̯a, mena lyokutya oye e li Muhona wovahona, Ohamba yodhohamba.”

Eholololo 19:9

Omweengeli wa ntjeela ha tyaa: “Soneka, u tye ovanalao ombava kongwa kotjipito tjolukupo lwOndjona.” Omweengeli wa wedha ko uke ha tyaa: “Odhondaka hendhi dhaKalunga odhatjatjili.”